images
UN
UN
မြန်မာ့စီးပွားရေး ပြောင်းလဲချိန်တန်ပြီ
Friday, 18 November 2016
မြန်မာနိုင်ငံသည် အမေရိကန်နိုင်ငံ၏ ကုန်သွယ်ရေးဆိုင်ရာအထူးကင်းလွတ်ခွင့်(Generalized System of Preferences, GSP) ပြန်လည်ရရှိပြီ ဖြစ်ပါသည်။
၂ဝ၁၆ ခုနှစ် စက်တင်ဘာလတွင် ထုတ်ပြန်ထားသော U.S. Generalized System of Preferences Guidebook နှင့်အညီ ဆက်လက်ဆောင်ရွက်ရမည် ဖြစ်သည်။
သို့ရာတွင် မြန်မာ-အမေရိကန် ကုန်သွယ်မှုအခြေအနေကို ကြည့်ပါက ၂ဝ၁၃-၁၄ ဘဏ္ဍာနှစ်တွင် အမေရိကန် နိုင်ငံမှ သွင်းကုန်အမေရိကန်ဒေါ်လာ ၇၉ ဒသမ၆၆ သန်း ရှိပြီး မြန်မာနိုင်ငံမှ ပို့ကုန် အမေရိကန်ဒေါ်လာ ၂၄ဒသမ၇၈သန်းသာ ရှိသည်။ ၂ဝ၁၄-၁၅ဘဏ္ဍာနှစ်တွင်အမေ ရိကန်နိုင်ငံမှ သွင်းကုန် အမေရိကန်ဒေါ် လာ ၄၉၄ ဒသမ ဝ၄သန်းရှိပြီး မြန်မာ နိုင်ငံမှ ပို့ကုန်အမေရိကန်ဒေါ်လာ ၅ဝ ဒသမ ၈၈သန်းသာရှိသည်။ ၂ဝ၁၅-၁၆ ဘဏ္ဍာနှစ်တွင် အမေရိကန်နိုင်ငံမှ သွင်း ကုန်အမေရိကန် ဒေါ်လာ ၁၁၄ ဒသမ ၉၇သန်းရှိပြီး မြန်မာနိုင်ငံမှ ပို့ကုန်အမေရိ ကန်ဒေါ်လာ ၅၇ ဒသမ ၅၉ သန်းသာ ရှိသည်။ မြန်မာပို့ကုန်တင်ပို့သူတို့ အခွန် သက်သာခွင့်ရမည်ဖြစ်သော်လည်း အမေ ရိကန်သို့ပို့ကုန်သည် ပြည်ပပို့ကုန်စုစုပေါင်း ၏ သုညဒသမ၄ရာခိုင်နှုန်းသာရှိသည်။ စာဖတ်သူဆက်လက်စဉ်းစားသုံးသပ်ရန် ဖြစ်ပါသည်။
အရေးကြီးသည်မှာ မြန်မာ့ထွက်ကုန် တို့သည်စံချိန်စံညွှန်းအရည်အသွေးပြည့်မီ ရေးနှင့်ဈေးကွက်ဈေးနှုန်းကို နိုင်ငံတကာ ဈေးကွက်တွင် ယှဉ်ပြိုင်ရောင်းချနိုင်ရေး အတွက် ကြိုးစားရန်ဖြစ်သည်။
ပို၍အရေးကြီးသည်မှာ စီးပွားရေး ပိတ်ဆို့မှုကင်းလွတ်ပါက အမေရိကန် ဒေါ်လာဖြင့်ကုန်စည်ကူးသန်းရောင်းဝယ်မှု ပြုရာ၌ နိုင်ငံတကာဘဏ်များနှင့် တရား ဝင် ချိတ်ဆက်စီးဆင်းနိုင်ခြင်းဖြင့် မြန်မာ ကုန်သည်လုပ်ငန်းရှင်များက ငွေအရင်း အနှီးနှစ်ခု မရင်းရရေး၊ ပြင်ပဒေါ်လာ အရောင်းအဝယ်ဈေးကွက်ကိုမမှီခိုရရေး ပင်ဖြစ်သည်။ သွင်းကုန်က ပို့ကုန်ထက် ပိုများလာလေဒေါ်လာဝယ်လိုအားများလာ ပြီး ဒေါ်လာဈေးတက်လာသည်။ ကြာ သော် အချို့ကုန်သည်လုပ်ငန်းရှင်ကြီးတို့ သည် ကုန်ပစ္စည်း အရောင်းအဝယ်လုပ် သည်ထက် ပို၍တွက်ခြေကိုက်သော ဒေါ် လာအရောင်းအဝယ်ဘက်သို့ခြေဦးလှည့် ကုန်သည်။ မြန်မာငွေတန်ဖိုး ကျသည့် အတွက် ရွှေဝယ်စုသူများလာပြီး ရွှေဈေး တက်ရန် တွန်းအားဖြစ်လာသည်။ စီးပွား ရေးပြုပြင်ပြောင်းလဲမှုပြုလုပ်ရာ၌အခက်ခဲ ဆုံးမှာ စီးပွားရေးလုပ်ငန်းရှင်တို့၏ စီးပွား ရေးကျင့်ဝတ် (Business Ethic) စောင့် ထိန်းလိုက်နာရေးဖြစ်သည်။ ထို့ကြောင့် ယခင်အစိုးရကပုဂ္ဂလိကကိုအားပေးမြှင့် တင်ရန်သာမက ကောင်းမွန်သော စီးပွား ရေးဝန်းကျင် (Business Environment)အဖြစ် ပြောင်းလဲတိုးတက်ရန်လိုသည်ဟု သုံးသပ်ပြီး ပုဂ္ဂလိကကဏ္ဍပြောင်းလဲ ဖွံ့ဖြိုးတိုးတက်ရေးလုပ်ငန်းစဉ် (Private Sector Development)ကို အစိုးရ၏ ပြုပြင်ပြောင်းလဲရေးလုပ်ငန်းစဉ် (၄)ရပ် တွင် ထည့်သွင်းခဲ့ခြင်းဖြစ်သည်ကို လေ့လာတွေ့ရှိရသည်။
တပ်မတော် အစိုးရလက်ထက်က တရားမဝင်မှောင်ခိုပစ္စည်းကူးသန်းရောင်း ဝယ်မှုများ ရှိနေရခြင်းမှာ အစိုးရက ထိန်း ချုပ်မှုများနေခြင်းကြောင့်ဖြစ်ကြောင်းလွတ် လပ်စွာ လွှတ်ပေးလိုက်ပါက မှောင်ခို ရောင်းဝယ်မှုများသည် အလိုလိုပျောက် ကွယ်သွားလိမ့်မည်ဟုမြန်မာနိုင်ငံကုန်သည် ကြီးများနှင့်စက်မှုလက်မှုလုပ်ငန်းရှင်များ အသင်းချုပ်တာဝန်ရှိသူ မိတ်ဆွေတစ်ဦး က သုံးသပ်ဝေဖန်ပြခဲ့ဖူးသည်။ သမ္မတ ဦးသိန်းစိန်အစိုးရ စတင်တာဝန်ယူသည် နှင့် ဈေးကွက်စီးပွားရေးစနစ်နှင့်အညီ ပို့ကုန်၊သွင်းကုန်အားလုံးလွတ်လပ်လွယ်ကူ ချောမွေ့အောင်ဖွင့်ပေးခဲ့သည်။ ထိုအခါ တရားမဝင် မှောင်ခိုကူးသန်းရောင်းဝယ်မှု များ ပပျောက်သွားပြီလားဟု မိတ်ဆွေ အား မေးကြည့်ရာယခင်ထက်ပိုဆိုးနေ တယ်။ လောဘသားတွေဆိုတော့ လွှတ် ပေးလို့ မရသေးဘူးဟု ပြောပြပါသည်။ မြန်မာ့စီးပွားရေးပြောင်းလဲချိန်တန်သည့် အထဲတွင် တရားမဝင်မှောင်ခို ကူးသန်း ရောင်းဝယ်မှုများ လျော့နည်းပပျောက်ပြီး အခွန်ရှောင်ရာမှ အခွန်ဆောင်၍ ပို့/သွင်း သည့် လမ်းကြောင်းပေါ်သို့ ပြောင်းလဲ တင်ပေးရမည့်အချက်လည်းပါဝင်သည်။
မှောင်ခိုသည်နယ်စပ်သာမကတရား ဝင် လမ်းကြောင်းမှလည်း ရောနှောဝင် ရောက်မှုများရှိသဖြင့် ဂရုပြုရန်လိုသည်။
တရားဝင်တင်သွင်းခွင့်လိုင်စင်ပေးခြင်း မရှိသော်လည်းတရားမဝင်တင်သွင်းသည့် သစ်သီးဝလံပန်းမန်ကအစ လယ်ယာ ထွက်ကုန်များ ဝင်ရောက်လာမှုကြောင့် ပြည်တွင်း တောင်သူလယ်သမားများ၏ စိုက်ပျိုးထုတ်လုပ်မှုများထိခိုက်လာသည်။
ဤကိစ္စများအတွက် ယခင်ကစီးပွား ရေးပိတ်ဆို့မှုရှိနေခဲ့သောကြောင့် အိမ်နီး ချင်းနိုင်ငံများနှင့်ကုန်သွယ်မှု ညှိနှိုင်းဆွေး နွေးမှု (Trade Negotiating)ပြုရန်အခက် အခဲရှိခဲ့သော်လည်း ယခုအခါ ကုန်စည် စီးဆင်းမှုနှင့်ငွေကြေးစီးဆင်းမှုမှန်ကန် ရေးအတွက်အသေးစိတ်ဆွေးနွေးရန်လို အပ်လာသည်။
မည်သို့ပင်ဆိုစေ ယခုအခါမြန်မာနိုင်ငံ အပေါ်ဒဏ်ခတ်ပိတ်ဆို့ထားခဲ့သောစီးပွား ရေးအတားအဆီးများ ကင်းလွတ်လာမှု အပေါ်ကြိုဆိုရမည်ဖြစ်ပြီး ထိုအခြေအနေ အခွင့်အလမ်းများကို ရနိုင်သမျှယူ၍ မြန်မာ့စီးပွားရေးပြောင်းလဲတိုးတက်အောင် ကြိုးပမ်းကြရမည့်အချိန်ဖြစ်သည်။
ယခုအရပ်သားအစိုးရသစ် လက် ထက်တွင်ယခင်ထက်ပြောင်းလဲတိုးတက် လာမည်ဟု ပြည်သူများက များစွာမျှော် လင့်ထားခဲ့သည်။ ပြောင်းလဲချိန်တန်ပြီဟု ကြွေးကြော်သံဖြင့် ပြည်သူက ရွေးချယ်ခဲ့ သောအစိုးရ၏မူဝါဒအပြောင်းအလဲ၊ ကိုင် တွယ်စီမံပုံ အပြောင်းအလဲတို့ကို သိချင်၊ မြင်ချင်နေသည်မှာ အစိုးရသစ် တာဝန် စတင်ယူချိန်ကတည်းကဖြစ်သည်။ယခင် အစိုးရက ''စီးပွားရေးနှင့်လူမှုရေး ပြုပြင် ပြောင်းလဲမှုအခြေခံမူဘောင်f( Framework for Economic and Social Reform, FESR) ကို ရေးဆွဲထုတ်ပြန် အကောင်အထည်ဖော်သွားခဲ့သည်။ ယခု အစိုးရသစ်က ဘာတွေထုတ်ပြန်ပြီး ဘာလုပ်မည်ကို သိလိုကြသည်။
ယခုအခါတွင် တိုင်းပြည်စီးပွားရေး တိုးတက်မှုနှေးကွေးကျဆင်းပြီးပြည်သူတို့ သည် ကုန်ဈေးနှုန်းကြီးလာသည့်ဒဏ်ကို ခံစားလာရသည့်အပြင်လုပ်ငန်းကိုင်ငန်း များ၏နှေးကွေးရပ်ဆိုင်းမှု၊ နယ်စပ်ကုန် သွယ်ရေးအခြေအနေအေးလာမှု ၊တောင် သူလယ်သမားများထုတ်လုပ်သည့်စပါးဈေး ရသင့်သလောက်မရမှု စသည့် ပြည်သူ့ အသံထင်ဟပ်ပေါ်လွင်လာချိန်ဖြစ်သည့် အားလျော်စွာ မြန်မာ့စီးပွားရေးပြောင်းလဲ ချိန်တန်ပြီဖြစ်သည်ဟုဆိုရမည်။ ကောင်း မွန်သောစီးပွားရေးဝန်းကျင်သစ်ကို ပုံစံ သစ်ဖြင့်ပြောင်းလဲတိုးတက်အောင် နှစ်ဆ သုံးဆကြိုးပမ်းနိုင်မှသာလျှင် မြန်မာ တစ် မျိုးသားလုံး မျှော်မှန်းထားသည့် အခြား နိုင်ငံနှင့်ရင်ပေါင်တန်းနိုင်သည့်အဆင့်သို့ ရောက်မည်ဖြစ်သည်။
မြန်မာ့စီးပွားရေးပြောင်းလဲချိန်တန် ပြီဟု ဆိုလျှင် မည်သည့်ဦးစားပေးကဏ္ဍ တွေကိုမည်သို့ပြောင်းလဲတိုးတက်အောင် လုပ်သင့်သည်ကို တွက်ချက်စဉ်းစား၍ စီးပွားရေးမူဝါဒချမှတ်လုပ်ဆောင်ကြရ မည်ဖြစ်သည်။ စီးပွားရေးမူဝါဒ ချမှတ် ရာ၌စီးပွားရေးမဟာဗျူဟာ ရေရှည်လုပ် ငန်းစဉ်သာမက စီးပွားရေးနည်းဗျူဟာ ရေတိုလုပ်ငန်းစဉ် ချမှတ်ရန်လိုသည်။ သို့မှသာလျှင်လက်တွေ့အကောင်အထည် ဖော်ရသော ဌာနအဖွဲ့အစည်းများက လက်တွေ့ကျင့်သုံးအကောင်အထည်ဖော် နိုင်ကြမည်ဖြစ်သည်။
လက်တွေ့အကောင်အထည်ဖော်ရာ၌ လည်း တိုင်းပြည်နှင့် ပြည်သူအများစု အတွက် လက်ငင်းလိုအပ်ချက်များကို အဓိကဦးစားပေးလုပ်ငန်းများအဖြစ် ရွေး ချယ်လျာထား လုပ်ဆောင်ရန်လိုသည်။များသောအားဖြင့် လက်ငင်းလိုအပ်ချက် များသည် လက်ရှိပေါ်ပေါက်နေသည့် စီးပွားရေး စိန်ခေါ်မှုမျိုးဖြစ်ပြီး ယင်းစိန် ခေါ်မှုများကို ဖြေရှင်းကိုင်တွယ်နိုင်မည့် မူဝါဒ၊ လုပ်ငန်းစဉ်တို့ကို စဉ်းစားရန်ဖြစ် ပါသည်-
- ယနေ့ကုန်ဈေးနှုန်း ကြီးမြင့်နေမှုကို မည်သို့ကိုင်တွယ်ဖြေရှင်းမည်နည်း။
- ငွေကြေးဖောင်းပွမှု နှုန်းမြင့်လာမှု အပေါ် မည်သို့ကိုင်တွယ်ဖြေရှင်းမည် နည်း။
- ဒေါ်လာဈေးတက်နေသည်ကို မည် သို့ ကိုင်တွယ်ဖြေရှင်းမည်နည်း။
- ရင်းနှီးမြှုပ်နှံမှုစီးဝင်သည့် အခြေ အနေများ နှေးကွေးကျဆင်းလာ သဖြင့် ကုန်ထုတ်လုပ်မှုနှင့် အလုပ် အကိုင်အခွင့်အလမ်းများကို မည်သို့ ဖန်တီးပေးမည်နည်း။
- ပြည်ပပို့ကုန် မြှင့်တင်ရေးနှင့်ကုန် သွယ်မှုလိုငွေလျော့နည်းရေးအတွက် မည်သို့ကိုင်တွယ်ဖြေရှင်းမည်နည်း။
- အသေးစားအလတ်စားစီးပွားရေး လုပ်ငန်းများ၏ ကုန်ထုတ်လုပ်မှုကို တိုးတက်လာစေရန် မည်သို့ကိုင်တွယ် ဖြေရှင်းမည်နည်း။
- စပါးဈေးကျဆင်းမှု၊ ပြည်ပဈေး ကွက်မခိုင်မာမှု၊ မျိုးကောင်းမျိုးသန့် စပါးမျိုး ထုတ်လုပ်ဖြန့်ဖြူးနိုင်မှု အားနည်းနေမှု၊ လယ်ယာလုပ်သား ရှားပါးလာမှု၊ ထုတ်လုပ်စရိတ်မြင့် လာမှုတို့ကို မည်သို့ ကိုင်တွယ်ဖြေ ရှင်းမည်နည်း။
- အခွန်စနစ်တိုးတက်ကောင်းမွန်ရေး၊ ငွေကြေးဝန်ဆောင်မှုလုပ်ငန်းများ ဖွံ့ဖြိုးရေးအတွက် မည်သို့ကိုင်တွယ် ဖြေရှင်းမည်နည်း။
- ဂျီဒီပီနှင့် ဘတ်ဂျက်လိုငွေအချိုး မည်သို့ထိန်းညှိမည်နည်း။
- ပုဂ္ဂလိကစီးပွားရေးလုပ်ငန်းအသီးသီး ရှင်သန်လည်ပတ် ဖွံ့ဖြိုးမှသာလျှင် တိုင်းပြည်၏ကုန်ထုတ်လုပ်မှု တိုး တက်လာပြီး စီးပွားရေးလည်ပတ် ဖွံ့ဖြိုးနိုင်မည်ဖြစ်၍ ပုဂ္ဂလိကစီးပွားရေး လုပ်ငန်းအသီးသီးအတွက် လျှပ်စစ် မီး၊ မြေနေရာ၊ လမ်းတံတားအခြေခံ အဆောက်အအုံ၊ အရင်းအနှီးငွေကြေး၊ ကျွမ်းကျင်လုပ်သားရရှိရေး စသည် တို့ကို မည်သို့ကိုင်တွယ်ဖြေရှင်းမည် နည်း။
ရက်ပိုင်းအတွင်းက 'အရပ်ရပ်ကုန် ဈေးနှုန်းတရိပ်ရိပ်တက်နေမှုကို ထိန်းချုပ် မည့်အစီအစဉ် ရှိ/မ ရှိ' လွှတ်တော်ကိုယ် စားလှယ်တစ်ဦး၏ မေးမြန်းချက်အား ဝန်ကြီး၏ဖြေကြားချက်အပေါ် ကျေနပ် အားရမှုမရှိသည့်ဝေဖန်သံများပေါ်ထွက်ခဲ့ သည်။ ထိုဝန်ကြီးသည် ကုန်သွယ်ရေး မူဝါဒကို တာဝန်ယူအကောင်အထည်ဖော် ရသည့် ဝန်ကြီးသာဖြစ်သည့်အတွက် ငွေကြေးမူဝါဒ၊ ဘဏ္ဍာရေးမူဝါဒ၊ အခွန် အကောက်မူဝါဒဆိုင်ရာများနှင့်ပါ ဆက် စပ်နေသည့် ကုန်ဈေးနှုန်းကြီးမြင့်မှုအပေါ် ပြီးပြည့်စုံသောကိုင်တွယ်ဖြေရှင်းနိုင်မည့် ကဏ္ဍအလိုက်မူဝါဒ၊ လုပ်ငန်းစဉ်များကို ခြုံငုံသည့် စီးပွားရေးမူဝါဒအသေးစိတ်ကို မသိရှိ၍သော်လည်းကောင်း၊ အခြား ဝန်ကြီးများနှင့် ကြိုတင်ပေါင်းစပ်ညှိနှိုင်း ထားမှုမရှိ၍သော်လည်းကောင်း၊ ချက်ချင်း ဖြေကြားရန် အခက်အခဲရှိခဲ့ဟန်တူသည်။
စာရေးသူဆိုလိုသည်မှာ အထက်က ဖော်ပြခဲ့သည့် စီးပွားရေးစိန်ခေါ်မှုများ သည် တစ်ခုတည်းသီးခြားစီဖြစ်ပေါ် သည်မဟုတ်ဘဲ၊ တစ်ခုနှင့်တစ်ခု ဆက် နွှယ်ဖြစ်ပေါ်နေခြင်းဖြစ်၍ သီးခြားစီ ဖြေ ရှင်းရန်ခက်ခဲပြီး အားလုံးခြုံငုံဆက်စပ် စီမံမှု(Integrated Plan)ဖြင့် ကိုင် တွယ်ဖြေရှင်းရန်လိုသည်။ ဝန်ကြီးဌာန အချင်းချင်းသာမက ပုဂ္ဂလိကကဏ္ဍလည်း ညှိနှိုင်းမှု(Coordination) ပူးပေါင်း ဆောင်ရွက်မှု(Coordination)လိုအပ် ပါသည်။
နှစ်စဉ် ရာသီဥတုပြောင်းလဲဖောက် ပြန်မှုကြောင့် ထုတ်လုပ်မှုနှင့်စားသုံးမှု (Supply and Demand) အပြောင်း အလဲ၊ ကုန်ဈေးနှုန်းအပြောင်းအလဲ ရှိနေ မည်ဖြစ်သည်။ ထုတ်လုပ်မှုနှင့်ဝန်ဆောင် မှု၊ ပြည်ပပို့ကုန်၊ သွင်းကုန်၊ တိုင်းပြည် ဝင်ငွေ၊ အခွန်အကောက်နှင့် ဘတ်ဂျက် အသုံးစရိတ်၊ အရအသုံးမျှခြေ၊ ကုန်ဈေး နှုန်းနှင့် ငွေကြေးဖောင်းပွမှု၊ ငွေလဲနှုန်း အစရှိသည်တို့သည် ဆက်စပ်နေသည်။ကိုင်တွယ်ဖြေရှင်းရာ၌လည်း စီးပွားရေး သီအိုရီများ၊ နည်းလမ်းများဖြင့် ဖြေရှင်းရ နိုင်သည်များရှိသကဲ့သို့ လက်တွေ့မြေ ပြင်တွင် ဖြစ်ပေါ်နေသော အခြေအနေ အပေါ် အခြားနည်းလမ်းတို့ဖြင့် ဖြေရှင်း ရသည်လည်း ရှိနိုင်သည်။ ရှေးယခင် အစိုးရများခေတ်မှ တပ်မတော်အစိုးရ ခေတ်အထိ ကုန်ဈေးနှုန်းထိန်းသိမ်းရေး ကော်မတီများဖွဲ့စည်း၍ ကုန်ဈေးနှုန်း ထိန်းသည့်လုပ်ငန်း(Price Control Measures)ကို အသုံးပြုခဲ့ကြသည်ကို လေ့လာတွေ့ရှိရသည်။