images
UN
UN
အင်းဝမြို့ဟောင်းမှ ညောင်ရမ်းခေတ်လက်ရာကို အပျက်အစီးမရှိလေ့လာနိုင်သော လောကဒုဿမာန်အောင်စေတီတော်
တိမ်တမန် Friday, 25 November 2016
ဗားကရာကျောင်းတော်ကြီး အနောက်ဘက်ရှိ စေတီများမှာ လက်ရာမြောက်ပြီး တနင်္ဂနွေမင်း တည်ထားခဲ့သော စေတီများပင် ဖြစ်သည်။ ထိုစေတီများမှာ ဝင်္က ပါစေတီ၊ တောင်လေးလုံးစေတီ၊ လောကဒုဿမာန်အောင်စေတီ၊ ဇေယျမာန်အောင်စေတီ၊ မြတ်မာန် အောင်စေတီ၊ မင်္ဂလာမာန်အောင် စေတီတို့ဖြစ်သည်။ စေတီများကို ထူးခြားသော လက်ရာများဖြင့် တည်ထားပြီး တစုတဝေးတည်း ရှိနေသည်။ ပတ်ဝန်းကျင်ရှုခင်းများ နှင့်အတူ ခရီးသွားဧည့်သည်များ အထူးသဘောကျသော စေတီများ ပင်ဖြစ်သည်။ထိုစေတီများထဲတွင် လောကဒုဿမာန်အောင်စေတီမှာ ညောင်ရမ်းခေတ်ပန်းတော့လက်ရာ စစ်စစ်များကို အပျက်အစီးမရှိ လေ့လာနိုင်သောစေတီဖြစ်သည်။ လောကဒုဿမာန်အောင်စေတီမှာ တောင်လေးလုံးစေတီအနောက်ဘက် တွင်တည်ရှိသည်။ ထောင့်ချိုးများ စွာရှိသော စေတီပင်ဖြစ်သည်။
ပန်းတင်ထောင့် ရှစ်ထောင့် တွင် ခြင်္သေ့ရှစ်ကောင်ရှိသည်။ ပန်းတင်ခုံမှစ၍ အထက်ကြာ မှောက်ကြာလန်အထိ ရှစ်ထောင့်ပုံ အဖြစ် မြင်တွေ့နိုင်သည်။ လောက ဒုဿမာန်အောင်စေတီမှာညောင်ရမ်း ခေတ် လက်ရာစေတီများတွင် အပျက်အစီးမရှိဘဲ မူလလက်ရာ အတိုင်း ကျန်ရှိသောစေတီဟုဆိုပြီး သမိုင်းတန်ဖိုးမြင့်မားစွာရှိနေသော စေတီပင်ဖြစ်သည်။ စေတီရှေ့တွင် လောကဒုဿမာန်အောင်ဟူသော ဘွဲ့ကမ္ပည်းကျောက်စာရှိသည်။ လောကဒုဿမာန်အောင်စေတီကို တနင်္ဂနွေမင်း၏ မိဖုရားစန္ဒာဒေဝီ က သက္ကရာဇ် ၁ဝ၈၉ ခုနှစ်တွင် တည်ထားခဲ့ကြောင်း သိရသည်။ လက်ရှိကာလတွင် လောကဒုဿ မာန်အောင်စေတီမှာ ညောင်ရမ်း ခေတ် ပန်းတော့လက်ရာစစ်စစ်ကို မပျက်မယွင်းလေ့လာနိုင်သော စေတီတစ်ဆူအဖြစ်တည်ရှိသည်။