images
UN
UN
ဆူညံသံများ မကြားလိုပါ
ညွန့်လှိုင်ဝင်း(ကွမ်းခြံကုန်း) Tuesday, 29 November 2016
ပွင့်လင်းရာသီရောက်ပြီဆိုသည်နှင့် တောင်ဒဂုံမြို့နယ်တွင် အလှူမင်္ဂလာပွဲ များမှ ရွတ်ဖတ်ဟောပြောသံများ၊ သီချင်း သံများကို နေ့ညမပြတ် ကြားရတော့၏။ အလှူခံမဏ္ဍပ်များတွင်လည်း အသံချဲ့ စက်များကိုကျယ်လောင်စွာဖွင့်ပြီး ရောက် တတ်ရာရာဟောကြပြောကြ၏။ရပ်ကွက် များအတွင်း ထီလက်မှတ်ရောင်းသည့် လှည်းများ၊ နို့အေးချောင်းရောင်းသည့် လှည်းများကလည်း(Sound Box) များ အသုံးပြုကာ ပူပူဆူဆူသီချင်းများကို အပြိုင်အဆိုင်ဖွင့်ကြ၏။ တရားခွေ လှည့် လည်ရောင်းချသည့် ယာဉ်ငယ်များ၊ ဆေး ရောင်းချသည့် ယာဉ်ငယ်များကလည်း (Sound Box) များဖွင့်ကာ ဟောပြော ရောင်းချနေကြ၏။ ယုတ်စွအဆုံး ဘဲဥ ပြုတ်၊ ကြက်ဥပြုတ်ရောင်းသူများ၊ မုန့် ဖတ်ထုပ်ရောင်းသူများကပါ လက်ကိုင် ဟွန်းငယ်များဖြင့် အော်ဟစ်ရောင်းချနေ ကြ၏။ ထို့ကြောင့် တောင်ဒဂုံတွင် အသံ ချဲ့စက်သံ မကြားရသောနေ့ မရှိပါဟု ဆိုလျှင် လွန်အံ့မထင်ပါ။
အလှူမင်္ဂလာပွဲများမှ သီချင်းသံများ ကြားရသည်မှာ သဘာဝကျပါ၏။ သို့ သော် အနီးအနားပတ်ဝန်းကျင်ကြားနိုင်ရုံ မဟုတ်ဘဲ အော်လံဟု အရပ်ကခေါ်သော လော်စပီကာများအသုံးပြုကာ စူးရှကျယ် လောင်စွာ ဖွင့်ကြသည့်အခါ ကြားရသူတို့ နားမခံနိုင်အောင်ဖြစ်ရ၏။ ပိုဆိုးသည်မှာ ညလယ်ပိုင်းအထိ အထိန်းအကွပ်မရှိ ဖွင့် ကြသောအခါ အသက်အရွယ်ကြီးရင့်သူ များအတွက် နားနေခွင့်မရကြဘဲ ကျန်း မာရေးထိခိုက်မှုများရှိလာ၏။ ကျောင်း သားများအတွက်လည်း ကျောင်းစာများ ဖတ်မှတ်တွက်ချက်နိုင်ခြင်းမရှိဘဲ ပညာ ရေးအနှောင့်အယှက်ဖြစ်လာတော့၏။
ကျယ်လောင်သည့် သီချင်းသံများကဲ့ သို့ လူတွေကို စိတ်ညစ်အောင်လုပ်နိုင် သော အသံတစ်မျိုးရှိသေး၏။ ထိုအသံမှာ မော်တော်ဆိုင်ကယ်သံဖြစ်၏။ စာရေးသူ နေထိုင်ရာ ရပ်ကွက်တစ်ခုအတွင်းမှာ ပင် မော်တော်ဆိုင်ကယ် ထောင်နှင့်ချီရှိ၏။ လမ်းမကြီးများပေါ်သာမက လမ်းကြိုး လမ်းကြားအထိ မော်တော်ဆိုင်ကယ်များ ရှုပ်ယှက်ခတ်အောင်သွားလာနေကြသဖြင့် မော်တော်ဆိုင်ကယ်သံအမျိုးမျိုးကို တစ်ရံ မလပ်ကြားနေရ၏။ အချို့လူငယ်များ သည် မူလကပင် ကြားရလျှင် နားဝ မသက်သာသော ဆိုင်ကယ်သံကို ပိုမိုစူးရှ မြည်ဟိန်းသွားစေရန် အိတ်ဇောပိုက်ဖြုတ် ထားခြင်း၊ အခြားနည်းပြုပြင်ခြင်းတို့ဖြင့် မောင်းနှင်သွားလာနေကြရာ ရပ်ကွက် ပြည်သူများအတွင်း စိုးရိမ်ထိတ်လန့်မှုများ မကြာခဏဖြစ်ကြရ၏။ ဆူညံသံတို့ ဒုက္ခ ပေးပုံကား မျိုးစုံလှပါ၏။
အသံသည် စိတ်ဝင်စားဖွယ်ကောင်း သည့်အရာဖြစ်ပြီး အလင်းနှင့်အပူတို့ကဲ့သို့ လှိုင်းလှုပ်ရှားမှုပင်ဖြစ်သည်။ စကားပြော သံ၊ တူရိယာတီးမှုတ်သံ၊ အရာဝတ္ထုချင်း တစ်ခုနှင့်တစ်ခု ပွတ်တိုက်ထိရိုက်မိသံ၊ ပေါက်ကွဲသံ စသည်တို့အားလုံးသည် အသံချည်းပင်ဖြစ်သည်။ အလင်းသည် တစ်စက္ကန့်တွင် မိုင်ပေါင်း ၁၈၆ဝဝဝ ခန့် သွားနိုင်၍ အသံသည် တစ်စက္ကန့်တွင်ပေ ၁၁ဝဝ သာသွားနိုင်၏။ အသံကိုဖြစ်ပေါ် စေသည့်အကြောင်းရင်းမှာ တုန်ခါမှုပင် ဖြစ်သည်။ သို့သော် တုန်ခါမှုရှိတိုင်းအသံ ကို ကြားရသည်မဟုတ်။ တုန်ခါမှုကို လေက သယ်ပို့ပေးပြီး လူ၏ကောင်းမွန် ကျန်းမာသော နားကလက်ခံမှသာ အသံ ကိုကြားနိုင်ခြင်းဖြစ်၏။ နားသည် တုန်ခါ သည့်အကြိမ်ပေါင်း ၁၆ ကြိမ်မှ အကြိမ် ၄ဝဝဝဝ အတွင်းရှိ
တုန်ခါမှုများမှ ပေါ် ထွက်လာသည့်အသံကို ကြားနိုင်ကြောင်း လေ့လာသိရှိရပါ၏။
အသံတွင် စမ်းရေစီးသံ၊ စောင်းခတ် သံ၊ ဆည်းလည်းသံ၊ ကြေးငှက်မြည်သံ စသည့် သာယာနာပျော်ဖွယ်အသံများ ရှိသလို မီးရထားသံ၊ ကားဟွန်းသံ၊ မော်တော်ဆိုင်ကယ်သံ၊ အသံချဲ့စက်သံ စသည့် ဆူညံသံများရှိ၏။ အသံအမျိုးမျိုး ကို အဆင့်ခွဲခြားရာတွင် ဒက်စီဘယ် (Decible) ခေါ်ယူနစ်ဖြင့် တိုင်းတာရ၏။ လူတို့ ပုံမှန်စကားပြောသံသည် (60-65 dB)၊ တယ်လီဖုန်းမြည်သံသည်(80 dB)၊ ကားစက်သံသည် (85dB) ၊ ပေ ၂ဝဝ အကွာအဝေးမှ မီးရထားသံသည် (95dB) ၊ မော်တော်ဆိုင်ကယ်သံသည် (100 dB)၊ အသံချဲ့စက်သံသည် (120dB) ၊ ရော့ခ် ဂီတသံသည်(150dB) စသည်ဖြင့် တွက် ချက်သတ်မှတ်မှုများရှိ၏။ (90 dB) မှ (95 dB)အတွင်းရှိ အသံကို အချိန်ကြာမြင့် စွာကြားနေရပါက အကြားအာရုံချို့ယွင်း ပျက်စီးသွားသည်အထိဖြစ်နိုင်၏။ နောက် ဆက်တွဲဆိုးကျိုးအဖြစ် ဦးနှောက်နှင့် အာရုံကြောများထိခိုက်ပြီး စိတ်ကျန်းမာ ရေးကိုပါ ချို့ယွင်းစေနိုင်ကြောင်း သိရ ပါသည်။
ယနေ့ကာလအခြေအနေကို လေ့လာ ပါက ဆူညံသံများသည် မြို့ကြီးပြကြီး များမှသည် ကျေးလက်တောရွာများအထိ တစ်နိုင်ငံလုံးအတိုင်းအတာဖြင့် ကြီးစိုး လွှမ်းမိုးနေပါ၏။ ပြည်သူများအနေဖြင့် နေ့စဉ်ကြားနေရသည့် အသံများဖြစ်၍ နားယဉ်နေခြင်း၊ဆူညံသံများ၏အန္တရာယ် ကို သတိမပြုမိခြင်းကြောင့် ဆူညံသံ များ၏ နှိပ်စက်မှုကို ခံနေကြရသည်ဟု ထင်မြင်မိပါ၏။ ဆူညံသံတို့သည် လူတို့ ၏ပယောဂကြောင့် ပေါ်ပေါက်လာရခြင်း ဖြစ်ရာ ပြည်သူများအနေဖြင့် ဆူညံသံ၏ အန္တရာယ်ကို မှန်ကန်စွာသိမြင်ပြီး ဆူညံ သံများ လွှမ်းမိုးမခံရအောင် ဝိုင်းဝန်း ထိန်းသိမ်းလျှော့ချသင့်ပါသည်။ မင်္ဂလာပွဲ များ၊ ဘာသာရေး၊ လူမှုရေးကိစ္စများတွင် အော်လံဟုခေါ်သော လော်စပီကာများ မသုံးကြဘဲ ပတ်ဝန်းကျင်အနီးအနားကြား နိုင်လောက်သည့် (Sound Box) များကို သာ သုံးစွဲသင့်ပါသည်။ သက်ဆိုင်ရာ တာဝန်ရှိသူတို့ကလည်း အသက်အရွယ် ကြီးရင့်သူများ ကျန်းမာရေးမထိခိုက်စေ ရန်၊ ကျောင်းသားလူငယ်များ ပညာရေး အနှောင့်အယှက်မဖြစ်စေရန်နှင့် ရပ်ကွက် ပြည်သူများ စိတ်အေးချမ်းသာပျော်ရွှင် စွာ လုပ်ကိုင်နေထိုင်စေရန်အတွက် ဆူညံ သံများ လွှမ်းနှိပ်စက်မှု မပြုနိုင်အောင် ထိန်းသိမ်းကြပ်မတ်ဆောင်ရွက်ပေးသင့် ကြောင်း ရေးသားတင်ပြလိုက်ရပါသည်။