images
UN
UN
တစ်ခုသော အာစရိယပူဇော်ပွဲ
အောင်ကြည်ညွန့်(တက္ကသိုလ်) Friday, 02 December 2016
မြန်မာမှုတွင် အထူးရှိခိုး ပူဇော် ထိုက်သူ အနန္တောအနန္တငါးပါးရှိပါသည်။ ဘုရား၊ တရား၊ သံဃာ၊ ဆရာနှင့် မိဘတို့ ဖြစ်ပါသည်။ ယခုကဲ့သို့ ဝါလကင်းလွတ် သီတင်းကျွတ်တန်ဆောင်မုန်းကာလအခါ သမယတွင် မြတ်ဆရာ ပူဇော်ပွဲများ၊ အာစရိယပူဇော်ပွဲများဟူ၍ တက္ကသိုလ်၊ ကောလိပ်ကျောင်းစသည့်နေရာဌာနများ တွင် ခမ်းခမ်းနားနား ဆင်ယင်ကျင်းပ ကြပါသည်။
စာရေးသူတို့ကျင်းပသော အာစရိယ ပူဇော်ပွဲမှာ တက္ကသိုလ်ကောလိပ်၊ ကျောင်း ပူဇော်ပွဲမဟုတ်ဘဲ 'စာတတ်မြောက်ရေး နှင့် ဒေသဖွံ့ဖြိုးမှုကူညီရေးအဖွဲ့'၏ နာယကကြီးသုံးဦးကို ပူဇော်ကန်တော့ သည့်ပွဲဖြစ်ပါသည်။ နာယကကြီး သုံး ဦးမှာ အငြိမ်းစားညွှန်ကြားရေးမှူးချုပ် ဆရာကြီး ဒေါက်တာသန်းဦး၊ အငြိမ်း စားပါမောက္ခဆရာမကြီး ဒေါ်ခင်သိန်း နှင့် အငြိမ်းစားကထိက ဆရာမကြီး ဒေါ်လှမြင့်တို့ဖြစ်ကြပါသည်။
ပူဇော်ကန်တော့ပွဲကို အောက်တိုဘာ လ ၁၃ ရက် တနင်္ဂနွေနေ့တွင် သာဓု ကျောင်းတိုက် ဓမ္မပါလကျောင်းခန်းမတွင် ကျင်းပခြင်း ဖြစ်ပါသည်။ ဓမ္မပါလ ကျောင်းဆရာတော် နိုင်ငံတော်ကိုးဘွဲ့ရ နယ်လှည့်ဓမ္မကထိကရှင်ပါကဋာလင်္ကာရ ကအဖွင့်မုဒိတာစကား မြက်ကြားပေး တော်မူပါသည်။
စာရေးသူတို့အဖွဲ့သားများသည် ဆရာကြီး ဒေါက်တာ ဦးသန်းဦးနှင့် ဆရာမကြီး နှစ်ဦးတို့ကို ကန်တော့ချိုးနှင့် ကန်တော့ကြပါသည်။
ကန်တော့ခံ ဆရာ ဆရာမကြီးများ ကိုယ်စား ဆရာကြီးဒေါက်တာဦးသန်းဦး က ဆုပေးပါသည်။
ယခုပူဇော်ပွဲတွင် အပူဇော်ခံသော နာယကဆရာကြီး ဆရာမကြီးများသည် မြန်မာနိုင်ငံ၏ အလွန်ထင်ရှားကျော်ကြား သော 'အသုံးလုံး'ခေါ် စာတတ်မြောက် ရေးလှုပ်ရှားမှုတစ်လျှောက်လုံး ကျရာနေ ရာမှ စွမ်းစွမ်းတမံဆောင်ရွက်ခဲ့သူများဖြစ် သည်။ ဆရာကြီးဦးသန်းဦးသည်ကား မြန်မာနိုင်ငံစာတတ်မြောက်ရေး ဗဟိုကော် မတီ၏ အတွင်းရေးမှူးဖြစ်သည်။
ဤနေရာတွင် ပူဇော်ထိုက်သူကို ပူ ဇော်ရခြင်းအကြောင်း တင်ပြလိုပါသည်။ ယနေ့အချိန်တွင် အသက် ၉ဝ ပြည့်သည့် တိုင်အောင် မြန်မာ့ပညာရေးဖွံ့ဖြိုးတိုး တက်ရေးအတွက် ဘဝကိုမြှုပ်နှံထား သည့် ဆရာကြီး ဒေါက်တာသန်းဦး၏ ဘဝဖြတ်သန်းမှုကို တင်ပြလိုပါသည်။
ဆရာကြီးသည် ပညာရေးနယ်ပယ် တွင် 'နေတစ်ဆူ လတစ်ပါး'ကဲ့သို့ ထင် ရှားလူသိများသော ပညာရေးပညာရှင်Educationist သက်တော်ရှည်ပညာရှိ ကဝိတစ်ဦးဖြစ်ပါသည်။ ကမ္ဘာ့ပညာရေး မြန်မာ့ပညာရေးကို အထူးနှံ့စပ်ကျွင်းကျင် သူလည်းဖြစ်ပါသည်။
ဆရာကြီးကို ၁၂၈၉ ခုနှစ် နှောင်း တန်ခူးလပြည့်ကျော်၉ရက်(သောကြာနေ့) တွင် ပြည်မြို့၌မွေးဖွားခဲ့သည်။ ငယ်စဉ် က ပြည်မြို့အမျိုးသားအထက်တန်း ကျောင်းနှင့် နိုင်ငံတော်တန်းမြင့်ကျောင်း တို့တွင် ပညာသင်ခဲ့သည်။
၁၉၅ဝ ပြည့်နှစ်တွင် ရန်ကုန် တက္ကသိုလ်မှ ဘီအေ(အီးဒီ)ဘွဲ့ကို ဂုဏ် ထူးနှစ်ဘာသာဖြင့် ပထမရရှိအောင်မြင် ခဲ့သည်။ ၁၉၆ဝပြည့်နှစ်တွင် ဘီအီးဒီဘွဲ့ ကို ပထမရ၍ ရွှေတံဆိပ်ဆုရခဲ့သည်။ ၁၉၆၃ ခုနှစ်တွင် M.Ed ဘွဲ့ကို အမေ ရိကန်နိုင်ငံ ဟာဝိုင်ရီတက္ကသိုလ်မှရရှိခဲ့ သည်။
ဆရာကြီးသည်ယခုအသက်အရွယ်
၉ဝ အတွင်းရောက်ရှိနေသော်လည်း၊ ရန်ကုန်ပညာရေးတက္ကသိုလ်တွင် ပါရဂူ တန်းနှင့် M.Ed သင်တန်းများတွင် စာပေ ပို့ချဟောပြောလျက်ရှိနေပါသေးသည်။
ဆရာကြီး၏ပညာရေးဝန်ထမ်းဘဝ ရက်စွဲများကိုကြည့်မည်ဆိုပါလျှင် ၁၉၅၄ ခုနှစ်တွင် အထက်တန်းကျောင်းအုပ်ကြီး၊ ၁၉၆၃ခုနှစ်တွင် လက်ထောက်အုပ်ချုပ် ရေးမှူး(ပညာမင်းကြီးရုံး)၊ ၁၉၆၄ ပုသိမ် ဆရာအတတ်သင် ကျောင်းအုပ်ကြီး၊ ၁၉၆၆ ခုနှစ်တွင် လက်ထောက်ပညာ ရေးသုတေသနအရာရှိ၊ ၁၉၆၈ခုနှစ်တွင် ပညာရေးသုတေသနအရာရှိ၊ ၁၉၇၂ ခုနှစ်တွင် ဒုတိယညွှန်ကြားရေးမှူး၊ ၁၉၇၆-၁၉၇၇ မြန်မာနိုင်ငံ ပညာရေး သုတေသနဗျူရိုအဖွဲ့ဥက္ကဋ္ဌ၊ ၁၉၇၇ အခြေခံပညာဦးစီးဌာနညွှန်ကြားရေးမှူး ချုပ်တာဝန်အထိ တာဝန်ယူဆောင်ရွက်ခဲ့ ပါသည်။
အငြိမ်းစားယူပြီးနောက် အကြံပေး ပုဂ္ဂိုလ်အဖြစ် နှစ်ပေါင်းများစွာဆောင်ရွက် ခဲ့သည်။ သမ္မတဦးသိန်းစိန်အစိုးရလက် ထက်တွင် နိုင်ငံတော်သမ္မတ၏ ပညာ ရေးဆိုင်ရာအကြံပေးပုဂ္ဂိုလ်အဖြစ်ဆောင် ရွက်ခဲ့သည်။
ပညာရေးဝန်ကြီးဌာန မြန်မာနိုင်ငံ ဝိဇ္ဇာနှင့် သိပ္ပံပညာရှင်များအဖွဲ့ဥက္ကဋ္ဌ အဖြစ် ၁၉၉၉ ခုနှစ်မှ၂ဝ၁၅ ခုနှစ်အထိ တာဝန်ယူဆောင်ရွက်ခဲ့ပါသည်။
၂ဝဝဝ ပြည့်နှစ်တွင် မြန်မာနိုင်ငံစာ တတ်မြောက်ရေးအထောက်အကူပြုပင်မ ဌာန Myanmar Literacy Resource Centre(MLRC)ကို စတင်တည်ထောင် ၍ ကျောင်းပြင်ပ ပညာရေးကိုဆောင် ရွက်ပေးခဲ့ပါသည်။
ဆရာကြီး၏လူမှုရေးအဖွဲ့အစည်းများ တွင်ပါဝင်မှုကို လေ့လာကြည့်ရာတွင် မြန်မာနိုင်ငံလုံးဆိုင်ရာ ကျောင်းဆရာများ အဖွဲ့ချုပ်အလုပ်အမှုဆောင်၊ မြန်မာနိုင်ငံ အလုပ်သမားအစည်းအရုံးဗဟိုဦးစီးအဖွဲ့ ဝင်၊ မြန်မာနိုင်ငံသုတေသနအသင်း ဗဟို အဖွဲ့ဝင်၊ မြန်မာနိုင်ငံကြက်ခြေနီအသင်း ဗဟိုကော်မတီဝင်၊ မြန်မာနိုင်ငံ မူးယစ် ဆေးဝါးဆန့်ကျင်ရေးအသင်းဗဟိုကော် မတီဝင်၊ မြန်မာနိုင်ငံစာတတ်မြောက်ရေး ဗဟိုကော်မတီအတွင်းရေးမှူး(၁၉၆၄-၁၉၈၈) မြန်မာနိုင်ငံစာတတ်မြောက်ရေး အထောက်အကူပြုပင်မဌာန၏ဥက္ကဋ္ဌ၊ ပညာတန်ဆောင်မဂ္ဂဇင်းအုပ်ချုပ်ရေးအဖွဲ့ ဥက္ကဋ္ဌရာထူးတာဝန်များ ထမ်းဆောင်ခဲ့ သည်ကိုတွေ့ရှိရပါသည်။
၁၉၉၉ ခုနှစ်တွင် မြန်မာနိုင်ငံပညာ ရေးဌာနသမိုင်းစာအုပ်ဖြင့် အမျိုးသား စာပေဆုရရှိခဲ့ပါသည်။ ဆရာကြီးသည် မြန်မာနိုင်ငံစာရေးဆရာအသင်းကန်တော့ခံ စာပေပညာရှင်ကြီးတစ်ဦးလည်းဖြစ် သည်။
၂ဝ၁၅ ခုနှစ်တွင် ရန်ကုန်တက္ကသိုလ် မှ ဂုဏ်ထူးဆောင်စာပေပါရဂူဘွဲ့ချီးမြှင့် ခဲ့သည်။ ၂ဝ၁၅ ခုနှစ်မှာပင် အမေရိကန် ပြည်ထောင်စု ဟာဝိုင်ရီတက္ကသိုလ်မှ ဂုဏ်ထူးဆောင်ပါရဂူဘွဲ့ကိုချီးမြှင့်ခဲ့သည်။
စာတတ်မြောက်ရေးနှင့် ဒေသဖွံ့ဖြိုးမှု ကူညီရေးအဖွဲ့မှ အဖွဲ့ဝင်များသည် တစ် ချိန်က တက္ကသိုလ်၊ ကောလိပ်၊ သိပ္ပံနှင့် ကျောင်းများမှ အသုံးလုံးလုပ်အားပေး ဆရာဆရာမများဖြစ်ကြသည့် အားလျော် စွာ မြန်မာစာတတ်မြောက်ရေးလုပ်ငန်းကို ဘဝတစ်သက်တာလုံးဦးဆောင်ခဲ့သည့် ဆရာကြီးဦးသန်းဦးနှင့် နာယက ဆရာမ ကြီးများကို နှစ်စဉ်နှစ်တိုင်းမပျက်မကွက် ပူဇော်ကန်တော့ကြမည်သာ ဖြစ်ပါသည်။ ဆရာကြီး ဆရာမကြီးတို့ကလည်း အသက်ရာကျော်သည်အထိ မြန်မာ့ ပညာရေးကို အားပေးနိုင်ပါစေကြောင်း ဆုတောင်းလိုက်ရပါသည်။