images
UN
UN
တန်ဖိုးနည်းအိမ်ရာအခန်းသစ်များ ၂ဝ၁၇ခုနှစ်နှစ်ဆန်းပိုင်းတွင်ဆောက်လုပ်မည်
မေလွင် Tuesday, 27 December 2016
မြို့ပြနှင့်အိမ်ရာဖွံ့ဖြိုးရေးဦးစီးဌာနက ဆောက်လုပ်ရေးနှင့်ဖွံ့ဖြိုးရေး ဘဏ်တွင် အခန်းဝယ်ယူရန် စုဆောင်းငွေလာရောက်အပ်နှံထားသူများ အတွက် တန်ဖိုးနည်း အိမ်ရာအခန်းသစ်များကို လာမည့် ၂ဝ၁၇ ခုနှစ် နှစ်ဆန်းပိုင်းမှသာ ဆောက်လုပ်အကောင်အထည်ဖော်သွားမည်ဟု အဆိုပါ ဦးစီးဌာနမှ သိရသည်။
နိုဝင်ဘာလအတွင်း သတ်မှတ်ထားသည့် အခန်းတန်ဖိုးလာရောက် ထည့်သွင်းကြသူများကို အသစ်ထပ်မံဆောက်လုပ်မည့်တန်ဖိုးနည်းအိမ်ရာ အခန်း ၈ဝဝဝ ထဲမှ နှစ်နှစ်အတွင်း ရောင်းချပေးသွားမည်ဖြစ်သည်။
''မြေဧက ၂ဝဝကျော်မှာ တန်ဖိုးနည်းအခန်း ၈ဝဝဝ အပြင် တန်ဖိုး သင့်နဲ့ တန်ဖိုးမြင့်လည်းပါဝင်မယ်''ဟု မြို့ပြနှင့်အိမ်ရာဖွံ့ဖြိုးရေးဦးစီး ဌာနမှ တာဝန်ရှိသူတစ်ဦးက ပြောသည်။
လက်ရှိအချိန်တွင် ကျန်စစ်မင်းအိမ်ရာအခန်းပေါင်း ၁၂၆ဝနှင့် သန်လျင်သီလဝါအထူးစီးပွားရေးဇုန်တွင် ၁၇၂ဝ စသည့်နှစ်ခုအတွက် တင်ဒါခေါ်စိစစ်ထားပြီး ၂ဝ၁၇ ခုနှစ် ပွင့်လင်းရာသီတွင် စတင်ဆောက် လုပ်ခိုင်းထားကြောင်း သိရသည်။
တန်ဖိုးနည်းအိမ်ရာတိုက်ခန်းများ၏ဈေးနှုန်းများမှာ တစ်ခန်းလျှင် ပျှမ်းမျှကျပ်သိန်း ၁၂ဝ ဝန်းကျင်ဖြစ်သည့်အတွက် ပြည်သူများဝယ်ယူနိုင် စွမ်းနည်းပါးနေသေးကြောင်း လုပ်ငန်းရှင်တချို့က ထောက်ပြကြသည်။
အိမ်ရာများနှင့်ပတ်သက်၍ ဝယ်ယူခွင့်များကို နောက်ပိုင်းတွင် ဘဏ်၌ ငွေစုဆောင်းထားသူများကိုသာ ဦးစားပေးရောင်းချသွားမည်ဖြစ်ပြီး လစဉ်ပုံမှန်ငွေစုသူတိုင်း အိမ်ရာပိုင်ဆိုင်နိုင်အောင်ပြုလုပ်ကာ နောက်ထပ် ပြည်သူများ လက်လှမ်းမီနိုင်သည့်အိမ်ရာများလည်း ထပ်မံတည်ဆောက် သွားမည်ဖြစ်ကြောင်း သိရသည်။
အိမ်ရာဝယ်ယူခွင့် လျှောက်လွှာများကို မြို့ပြနှင့်အိမ်ရာဖွံ့ဖြိုးရေးရုံး တွင် လာရောက်ဝယ်ယူနိုင်ပြီးသတ်မှတ်ထားသည့် အရည်အချင်းနှင့် ပြည့်စုံသည့်သူတိုင်းကို ဝယ်ယူခွင့်ပေးသွားမည်ဖြစ်သည်။