images
UN
UN
တောင်မြို့ဆရာတော် အရှင်ဇနကာဘိဝံသ၏ လူငယ်ပြုစုပျိုးထောင်ရေးဆိုင်ရာကဗျာများ
အောင်ကြည်ညွန့်(တက္ကသိုလ်) Tuesday, 27 December 2016
ဆရာတော်အရှင်ဇနကာဘိဝံသသည် ကလေးသူငယ်ပညာရေးကိုအထူးအလေး ပေးလျက်ကလေးသူငယ်များလိမ္မာရေးခြား ရှိစေရန်ရည်သန်၍ စာရိတ္တဖွံ့ဖြိုးအောင် ကလေးသူငယ်ပညာပေး စာပေများပြုစု ခဲ့သည်ကို သတိပြုမိပါသည်။
ဆရာတော်၏ 'အိုးမဖုတ်ခင်'ကဗျာ ကို ဖတ်ရှုလေ့လာကြည့်ပါ။
''အိုးမဖုတ်ခင် အိုးလုပ်စဉ်ဝယ်
အိုးတွင် နှိပ်ခတ် တံဆိပ်မှတ်ကား
မပြတ်မစဲ အိုးပင်ကွယ်လည်း
အမြဲတစေ တည်ရှိနေသို့
ထွေထွေသွေးသား ကလေးများ၌
ဘုရားတံဆိပ် ဘာသာစိတ်ကို
ခတ်နှိပ်နိုင်မှ သက်ဆုံးကျအောင်
ဗုဒ္ဓဝါဒီ စွဲ၍တည်မည်
ကိုယ်စီခတ်နှိပ်စေသတည်း။''
ဟူ၍ သီကုံး စပ်ဆိုတော်မူခဲ့ပါသည်။ ကလေးသူငယ်လူရွယ်များကိုယဉ်ကျေး လိမ္မာစေရန်ငယ်စဉ်အခါကပင်ရာသက်ပန် စွဲမြဲသွားစေရန် ဘုရားတံဆိပ်၊ ဘာသာ စိတ်ကိုခတ်နှိပ်နိုင်ရန် အထူးပင်အရေးကြီး လှပါသည်။
ကလေးအရွယ်မှာပင်လိမ္မာယဉ်ကျေး ပါမှ နောင်ဝယ်လူကြီးဖြစ်လျှင် သားထူး၊ သားမြတ်ဖြစ်နိုင်ပါသည်။ တိုင်းပြည်တိုး တက်ကြီးပွားအောင်စွမ်းဆောင်နိုင်ပါလိမ့် မည်။ ထိုအရေးကိုတွေးပြီး ဆရာတော်က
''ကလေးအရွယ်လိမ္မာပါမှ
ကြီးရင့်ကလိမ္မာမည်။
မလိမ္မာပြည်ထောင်စုကြလျှင်
ကောင်းမှုမတည်။
ကလေးတို့နေပြည်
တည်စေဖို့စိတ်စော။
နံနက်မင်္ဂလာနှင့်
နေ့မကွာ ညဥ့်ပါသုံးလို့ရယ်
ပြုံးကြစေသား''
ဟူ၍ ဆရာတော်က သြဝါဒကဗျာဖွဲ့ခဲ့ ပါသည်။
ကလေးသူငယ်များလိမ္မာယဉ်ကျေးစေ ရန် ကလေးလင်္ကာ၊ ကလေးကဗျာများကို ရေးဖွဲ့ရာတွင်ဆရာတော်သည် ဝေါဟာရ အသုံးအနှုန်း၊ စကားလုံးရွေးချယ်မှုမှစ၍ အထူးဂရုပြုတော်မူကြောင်းလေ့လာတွေ့ ရှိရပါသည်။
'အိုးတန်ဆန်ခတ်'ဆိုရိုးစကားအတိုင်း ငယ်ရွယ်နုနယ်သော ကလေးသူငယ်များ ၏ အရွယ်ကိုလိုက်၍ ဥာဏ်ရည်ကိုချင့် ချိန်၍ 'စကားကြီး၊ စကားကျယ်' တို့ကို ရှောင်ပါသည်။ ပါဠိပါဋ္ဌ်သားကိုဖတ်၍ သိလွယ်၊ ဖတ်လွယ်၊ မှတ်လွယ်၊ နားဝင် ဖွယ်ဖြစ်အောင် ဆရာတော်သည် ပညာ ပေးစာရိတ္တရေးကဗျာလင်္ကာတို့ကိုသီကုံး တော်မူပါသည်။
''အလိမ္မာစာမှာရှိတယ်
အို...ကလေးများရယ်၊
နားထောင်ကြပါကွယ်
ဘုန်းဘုရားပြောပြမယ်''
စသည်ဖြင့် ကလေးသူငယ်များ နှစ်ခြိုက် ဖွယ်၊ လိုက်နာကျင့်သုံးချင်စဖွယ်ဖြစ် အောင် စကားကို အချိုသာဆုံးသုံးနှုန်း လျက် ကလေးသူငယ်များကိုယ့်ဘက်ပါ အောင် ဆိုပြောနားထောင်ရှိအောင် ချော့ မော့ဖွဲ့နွဲ့သည်ကို သတိပြုမိပါသည်။ ကလေးကိုချစ်သော မိဘသဖွယ်၊ ရင် ဝယ်သားကဲ့သို့မခြားသော မေတ္တာစိတ် မှာ အထင်းသား ပေါ်လွင်နေပါသည်။
''ဥစ္စာဟူသည် မျက်လှည့်မျိုး
ပညာဟူသည် မြတ်ရွှေအိုး
အားမကိုးနဲ့ မျက်လှည့်တွေ
ပညာကြိုး ရွှေအိုးရကြစေ''ဟူ၍ ရွှေအိုးနှင့်တူသော မြတ်ပညာကိုကလေး တို့ ကြိုးစားသင်ယူကြရန်တိုက်တွန်းနှိုး ဆော်ရင်းဆုံးမပဲ့ပြင်ထားသည်ကို တွေ့ရှိ ရပါသည်။
မင်္ဂလသုတ် တရားတော်လာ လူ မိုက်ကိုမပေါင်းသင့်ကြောင်း၊ လူလိမ္မာကို ပေါင်းသင့်ကြောင်း ပူဇော်ထိုက်သူကို ပူဇော်သင့်ကြောင်း ဆရာတော်က
''လူမိုက်များကိုလ
ရှောင်ရှားကြများသူငယ်။
လူလိမ္မာဟူသမျှကို
ပေါင်းကြလေကွယ်။
ပူဇော်ဖွယ်
တကယ်လို့ထိုက်ငြား
ထိုသူကို ပူဇော်စရာနှင့်
ပူဇော်ကာ မင်္ဂလာပြုရတယ်
ကောင်းသူ့စိတ်ထား''
မင်္ဂလာ ကဗျာအဖွဲ့အနွဲ့များ၊ စာအုပ် စာတမ်းများ များစွာပေါ်ထွက်လျက်ရှိရာ ဆရာတော်အရှင်ဇနကာဘိဝံသ၏ အခြေ ပြုမင်္ဂလသုတ်ကျမ်းသည်ကလေးသူငယ် စာရိတ္တဖွံ့ဖြိုးရေး၊ အသိပညြာ<ွကယ်ရေး၊ လေ့ကျင့်ပျိုးထောင်ပေးရာတွင် အသင့် လျော်ဆုံးနှင့်အကောင်းဆုံးဖြစ်သည်ဟု ဆိုနိုင်ပါသည်။
''ကြားအမြင်
များလျှင်ကောင်းတာမို့
ကျောင်းမှာတဲ့စာသင်ပါ။
စက်မှုခေါ်ပညာရပ်ကို
တတ်ကြစေရာ။
ဝိနည်းလည်းသင်ရမှာ
ချိုသာတဲ့နှုတ်ခွန်း
လေးပါးငယ် မင်္ဂလာနှင့်
စဉ်မကွာစုံညီရောက်ရင်လ
မယှဉ်သာ ဂုဏ်တောက်လိမ့်မယ်
ဖြိုးမောက်လို့ထွန်း''
အသိနှင့်လက်တွေ့ တစ်ထပ်တည်း ကျဖို့လိုအပ်ပါသည်။ သိရုံမျှဖြင့် မလုံ လောက်ပါ။ ထို့ကြောင့်ပင် ဆရာတော်က ကလေးသူငယ်နှင့် မောင်မယ်တို့ကို ယခု လိုတိုက်တွန်းထားပါသည်။
''သိရုံမျှနယ် တကယ်မကောင်းဘူး
လူကောင်းဖြစ်ဖို့လိုကြတယ်။
လူကောင်းဖြစ်အောင်
ဆရာမြတ်သို့
မကြာကပ်လို့မေးပါကွယ်။
မေးသော်ဖြေရန်
ဆရာကောင်းလည်း
တစ်ရွာတစ်ကျောင်း ရှိသင့်တယ်''
ဖော်ပြပါကဗျာများကိုလေ့လာကြည့် သောအခါ ကလေးသူငယ် ပညာ ရေးနှင့်ယဉ်ကျေးသိမ်မွေ့သော လူ့ဘောင် ထူထောင်ရန် ကဗျာ၊လင်္ကာ၊စာပေများ ဖြင့် များစွာရေးသားထားခဲ့ပြီး ပြုပြင် ဆုံးမသြဝါဒပေးတော်မူခဲ့သည့် ကျေးဇူး တော်ရှင် အရှင်ဇနကာဘိဝံသမဟာထေရ် ကို လက်အုပ်ချီမိုး ပူဇော်လိုက်ရပါသည်။