images
UN
UN
ပြည်ပနိုင်ငံများမှ ရင်းနှီးမြှုပ်နှံမှုအများဆုံးကဏ္ဍများမှာ သယ်ယူပို့ဆောင်ရေးနှင့်ဆက်သွယ်ရေးကဏ္ဍဖြစ်
မေလွင် Thursday, 12 January 2017
၂ဝ၁၆-၂ဝ၁၇ ဘဏ္ဍာနှစ်အစ ဧပြီမှဒီဇင်ဘာအထိ ပြည်ပ နိုင်ငံများမှ ရင်းနှီးမြှုပ်နှံမှုအများဆုံးကဏ္ဍများမှာ သယ်ယူပို့ဆောင် ရေးနှင့်ဆက်သွယ်ရေးကဏ္ဍဖြစ်ပြီး ဒေါ်လာ ၁ ဒသမ ၆ ဘီလီယံ ထိရှိကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ သိရသည်။
ရင်းနှီးမြှုပ်နှံမှုကော်မရှင်အနေဖြင့် ကဏ္ဍ ၁၂ ခုတွင် ရင်းနှီး မြှုပ်နှံမှုကို ခွင့်ပြုထားသော်လည်း လက်ရှိအချိန်အထိ ကဏ္ဍခုနစ်ခု ၌သာ ရင်းနှီးမြှုပ်နှံမှုရှိသေးသည်။
မြန်မာနိုင်ငံတွင် လာရောက်ရင်းနှီးမြှုပ်နှံသည့် နိုင်ငံ ၄၇ နိုင်ငံရှိပြီး တရုတ်၊ စင်ကာပူ၊ ဟောင်ကောင်နှင့် ထိုင်းနိုင်ငံတို့က အများဆုံးရင်းနှီးမြှုပ်နှံကြသည်။
စက်မှုကုန်ထုတ်လုပ်ငန်းတွင် ကန်ဒေါ်လာသန်း ၈ဝဝ ကျော် နှင့် စွမ်းအင်ကဏ္ဍတွင်ကန်ဒေါ်လာသန်း ၆ဝဝ ရင်းနှီးမြှုပ်နှံထားပြီး အိမ်ခြံမြေငှားရမ်းခြင်းလုပ်ငန်းတွင် ဒေါ်လာသန်း ၁၆ဝ ကျော်၊ ဟိုတယ်နှင့်ခရီးသွားလာရေးလုပ်ငန်းတွင် ဒေါ်လာ ၉၇ သန်း၊ မွေးမြူရေးနှင့်ရေလုပ်ငန်းတွင် ဒေါ်လာ ၈၆ သန်းနှင့် အခြား ဝန်ဆောင်မှုလုပ်ငန်းများတွင် ဒေါ်လာ ၅၄ သန်းကျော် ရင်းနှီး မြှုပ်နှံထားကာ အဆိုပါကဏ္ဍများထဲမှ သယ်ယူပို့ဆောင်ရေးနှင့် ဆက်သွယ်ရေးကဏ္ဍမှာ အများဆုံးဖြစ်ကြောင်း သိရသည်။
ကိုးလအတွင်း ပြည်ပနိုင်ငံများမှ မြန်မာနိုင်ငံသို့လာရောက်၍ အမေရိကန်ဒေါ်လာ ၃ ဒသမ ၅ ဘီလီယံရင်းနှီးမြှုပ်နှံထား ကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ သိရသည်။
ပြီးခဲ့သည့် ၂ဝ၁၅-၂ဝ၁၆ ဘဏ္ဍာနှစ်တစ်နှစ်လုံးတွင် ပြည်ပ နိုင်ငံများမှ ကန်ဒေါ်လာ ၉ ဒသမ ၄ ဘီလီယံရင်းနှီးမြှုပ်နှံခဲ့သည်။