images
UN
UN
မြန်မာစာပေနှင့် မြန်မာ့ရိုးရာဂန္ထဝင်ကဗျာထာဝစဉ်တည်တံ့နိုင်ပါစေ
ဧရာဝတီမောင်မောင် Saturday, 07 April 2018
စိမ်းလန်းရွှေပြည်စာပေဆုရွေးချယ် ရေးကော်မတီက မြန်မာစာပေဖွံ့ဖြိုးတိုး တက်ရေးနှင့် မြန်မာ့ရိုးရာ ဂန္ထဝင်ကဗျာ များ မပျောက်ပျက်မတိမ်ကောရေးကို ရည်ရွယ်ရှေးရှုလျက် ကဗျာ၊ ဝတ္ထု၊ ဆောင်းပါးပေါင်းချုပ် (စာပဒေသာ) စာအုပ်၊ စာမူပါဝင်သည့် ဆုအမျိုးအစား ငါးမျိုးကို ပြိုင်ပွဲကျင်းပခဲ့ပါသည်။
အဆိုပါပြိုင်ပွဲသို့ ဘာသာရပ် အသီး သီးအတွက် စာအုပ်များ၊ စာမူများကို နိုင်ငံတစ်ဝန်းရှိ စာပေပညာရှင် အသီး သီးက အားတက်သရော ဝင်ရောက် ယှဉ်ပြိုင်ကြသည်ကို တွေ့ရှိရပါသည်။
မြန်မာတို့သည် လွန်ခဲ့သော နှစ် ပေါင်းတစ်ထောင်ကျော်ကပင် ကိုယ်ပိုင် စာပေ၊ ကိုယ်ပိုင်ယဉ်ကျေးမှု၊ မြင့်မြတ် သော ဘာသာသာသနာတို့ဖြင့် ဝင့်ထည် စွာ ရပ်တည်ခဲ့သည်မှာ ခိုင်မာသော သမိုင်းအထောက်အထားများ၊ ကျောက် စာများ၊ ပေစာများ၊ ရှေးဟောင်း အဆောက်အအုံများက ထင်ထင်ရှားရှား သက်သေခံလျက်ရှိပါသည်။ ကိုယ်ပိုင် ယဉ်ကျေးမှု၊ ကိုယ်ပိုင်စာပေနှင့် ဘာသာ သာသနာတို့သည် လူမျိုးတစ်မျိုး နိုင်ငံ တစ်နိုင်ငံ ရေရှည်တည်တံ့ခိုင်မြဲရေး အတွက် အလွန်အရေးကြီးပါသည်။ ကိုယ်ပိုင်စာပေ၊ ကိုယ်ပိုင်ယဉ်ကျေးမှု၊ ဘာသာသာသနာမရှိလျှင် လူမျိုးနှင့် နိုင်ငံ ပါမှေးမှိန်ကွယ်ပျောက်သွားနိုင်ပေသည်။
ယနေ့ အချိန်အခါတွင် တိုင်းတစ်ပါး ယဉ်ကျေးမှုများသည် စာပေ၊ ဂီတ၊ ရုပ် ရှင်၊ သဘင်စသည့်ကဏ္ဍအသီးသီးသို့ နည်းမျိုးစုံဖြင့် ထိုးဖောက်ဝင်ရောက်လာ နေသည်ကို တွေ့မြင်နေရပါသည်။ သို့ ဖြစ်ပေရာ အမျိုးသားရေး ကိုယ်ခံအား မကောင်းလျှင် မြန်မာတို့၏ ကိုယ်ပိုင် ယဉ်ကျေးမှုများ၊ ထုံးတမ်းဓလေ့များ၊ စာပေများတစ်စတစ်စ ကွယ်ပျောက်မှေး မှိန်သွားပါလိမ့်မည်။
'စာပေမြင့်မှ လူမျိုးတင့်မည်' ဆို သည့်စကားရှိပါသည်။ ဂီတ၊ သဘင်၊ ရုပ်ရှင်စသည့် အနုပညာကဏ္ဍအသီးသီး ၏ပင်မရေသောက်မြစ်မှာ စာပေ၊ ကဗျာ ပင်ဖြစ်သည်ဟုဆိုလျှင် လွန်အံ့မထင်ပါ။ မြန်မာ့စာပေ မြန်မာ့ကဗျာတို့တွင် မြန်မာ တို့၏ဇာတိမာန်၊ မြန်မာတို့၏မျိုးချစ်စိတ်၊ မြန်မာတို့၏ ယဉ်ကျေးမှုဓလေ့ထုံးစံ၊ မြန်မာ့လူနေမှုစရိုက်၊ မြန်မာတို့၏ စိတ် ဓာတ်တို့ကို လေ့လာတွေ့ရှိနိုင်ပါသည်။
မြန်မာကဗျာသည် ပုဂံခေတ်က တည်းကစတင်ပေါ်ပေါက်လာခဲ့သည်။ နှစ်ပေါင်းထောင်ချီ၍ တည်တံ့လာခဲ့သည့် မြန်မာကဗျာသည် ခိုင်မာသော စပ်ထုံး စပ်နည်းများကို အသုံးပြုသဖြင့် ဂန္ထဝင် ကဗျာဟူ၍လည်းကောင်း၊ မြန်မာ့အစဉ် အလာအမွေအနှစ်ဖြစ်၍ ရိုးရာကဗျာဟူ၍ လည်းကောင်း ခေါ်ဝေါ်သတ်မှတ်ခဲ့ကြ သည်။ ယင်းကဲ့သို့ ပုဂံခေတ်က စတင် ပေါ်ပေါက်ခဲ့သော မြန်မာကဗျာသည် ပင်းယ၊ အင်းဝ၊ တောင်ငူ၊ ညောင်ရမ်း နှင့် ကုန်းဘောင်စသည့် ခေတ်အဆက် ဆက်တွင် လေးလုံးစပ်၊ လင်္ကာ၊ ဧချင်း၊ တျာချင်း၊ လွမ်းချင်း၊ မော်ကွန်း၊ လူးတား၊ ကာချင်း၊ အိုင်ချင်း၊ ဒွေးချိုး၊ တြိချိုး၊ လေးချိုး၊ ရကန်၊ ဘောလယ်၊ တေးထပ် အစရှိသည့် ကဗျာအမျိုးအစားပေါင်း များစွာတို့ သူ့ခေတ်နှင့်သူ တိုးတက်ပေါ် ထွန်းလာသည်ကို တွေ့ရပါသည်။
သူ့ကျွန်ဘဝဟု ခေါ်ဆိုကြသည့် ၁၈၈၅ ခုနှစ် နောက်ပိုင်း အင်္ဂလိပ်လက် အောက်ကျရောက်သွားသည့် ခေတ်မှာ လည်း စစ်မှန်သော မြန်မာကဗျာသည်
ကွယ်ပျောက်သွားခြင်းမရှိခဲ့စေရန် မြန်မာ စာပေမြတ်နိုးသူများက မျိုးချစ်စိတ်ဖြင့် ထိန်းသိမ်းခဲ့ကြသည်ကိုတွေ့မြင်နိုင်ကြပါ သည်။ ¤င်းပြင် ထိုအင်္ဂလိပ်လက်အောက် သူ့ကျွန်ဘဝမှာပင် မြန်မာစာပေပညာရှင် တို့သည်၊ သံချို၊ ရှစ်လုံးဘွဲ့ကဗျာစသည် တို့ကို တီထွင်စပ်ဆိုရေးဖွဲ့ခဲ့သည့်အပြင် ခေတ်စမ်းကဗျာကို တစ်ခေတ်ဆန်း အောင်ကြိုးစားခဲ့သည်ကိုလည်းတွေ့ရပါ သည်။ သို့ဖြင့် လွတ်လပ်ရေးရပြီးနောက် ပိုင်းတွင်လည်း မြန်မာကဗျာသည် ခေတ် စမ်းကဗျာလမ်းကြောင်းအတိုင်း မြန်မာ ကဗျာကို 'အရိုးကိုအရွက်မဖုံးစေဘဲ' တိုးတက်ဖွံ့ဖြိုးအောင် ကြံဆောင်လာခဲ့ကြ သည်ကို ထင်ရှားစွာတွေ့မြင်နိုင်ပါသည်။
မြန်မာကဗျာသည် စိတ်ကူးယဉ်စာ မဟုတ်။ တောဘွဲ့၊ တောင်ဘွဲ့၊ရာသီဘွဲ့ များသာမဟုတ်။ ရာဇဝင်များ၊ ယဉ်ကျေး မှုဓလေ့များ၊ ရိုးရာပွဲများ၊ ဘာသာရေး၊ လူမှုရေး၊ စီးပွားရေး၊ ကျေးလက်ဓလေ့၊ စစ်ဘက်ရေးရာ၊ လူ့ကျင့်ဝတ်များ၊ မှတ် သားဖွယ်ရာများ၊ မင်းကျင့်တရား၊ ဆရာ့ ကျင့်ဝတ်၊ တပည့်ကျင့်ဝတ်၊ မိတ်ဆွေ ကျင့်ဝတ် စသည်များကိုလည်း နောင် လာနောက်သား လူအများ ဖတ်၊ မှတ်၊ လေ့လာနိုင်အောင် တည်တည်ခန့်ခန့် ရေး သားခဲ့သည်ကိုလေ့လာတွေ့ရှိနိုင်ပါသည်။ ¤င်းပြင် မြန်မာကဗျာသည် ဂုဏ်၊ ရသ၊ အလင်္ကာစသည့်စာပေအရည်အသွေးများ နှင့်ပြည့်စုံပြီး ဟာသရသ၊ သိင်္ဂါရရသ၊ ကရုဏာရသ၊ ရုဒ္ဓရသ၊ ဝီရရသ၊ ဝိဘစ္ဆ ရသ၊ဘယာနကရသ၊ အဗ္ဘုတရသ၊ သန္တ ရသ စသည့်ရသကိုးပါးကို ခံစားနိုင်ရန် စည်းကမ်းတကျ ရေးဖွဲ့ထားသည်ကို တွေ့ရသည်။ ထို့အပြင် စာလုံးစာပိုဒ် အရေအတွက်၊ ကာရန်အချိတ်အဆက်၊ အသံနေအသံထားတို့ကိုလည်း စနစ်ကျ စွာသီကုံးဖွဲ့နွှဲ့ခဲ့ကြပါသည်။ စကားပြေနှင့် ကဗျာ၏အဓိကကွာခြားချက်မှာ ကာရန် ဖြစ်သည်။ ကဗျာတွင် ဗျည်းသရကို အခြေခံသည့်ကာရန်ပါ၍ ဖတ်လို့ကောင်း၊ ရွတ်လို့ကောင်း၊ သီဆိုလို့ကောင်းသည်ကို တွေ့ရသည်။ မြန်မာကဗျာတွင် ချီသံ ချသံ သူ့နေရာနှင့်သူ အသုံးပြုထားသဖြင့် အသံလည်းသာသည် နားထောင်၍လည်း ကောင်းသည်ကို တွေ့ရသည်။
ပုဂံခေတ်ကတည်းက ပေါ်ပေါက်ခဲ့ သော 'မြကန်သာ'ကဗျာ 'ရွှေနှင့်ယိုးမှား ပန်းစကား'ကဗျာ၊'သူတည်းတစ်ယောက် ကောင်းဖို့ရောက်မူ' မျက်ဖြေလင်္ကာတို့ သည် နှစ်ပေါင်းများစွာ ကြာသည့်တိုင် အောင် ကဗျာချစ်သူ၊ စာချစ်သူ၊ ပြည်သူ တို့၏ရင်ထဲ အသည်းထဲတွင် စွဲထင်တသ သတိရနေတုန်းပင် ဖြစ်သည်ကို ထင်ရှား စွာ တွေ့မြင်ခံစားနိုင်ပါသည်။
မြန်မာကဗျာများသည် မူလကပင် ရွတ်ဆို၍ ကောင်းခြင်းတည်း ဟူသော 'ဝစနလင်္ကာရ'နားထောင်ရာတွင် အသံ သာခြင်းဟူသော သဒ္ဒါလင်္ကာရတို့နှင့် ပြည့်စုံကြသည်ကို တွေ့ရပါမည်။ ဤသို့ သော ကောင်းခြင်းအဖြာဖြာနှင့် ပြည့်စုံ သော မြန်မာစာပေဖွံ့ဖြိုးရေးနှင့် မြန်မာရိုး ရာဂန္ထဝင်ကဗျာများ မပျောက်ပျက်မတိမ် ကောရေးကို ရည်ရွယ်ရှေးရှုဆောင်ရွက် သော 'စိမ်းလန်းရွှေပြည် စာပေပြိုင်ပွဲ ဆုပေးပွဲကြီး'ကို ၂ဝ၁၈ခုနှစ် ဧပြီလ ၈ရက် တနင်္ဂနွေနေ့တွင် ရန်ကုန်တိုင်း ဒေသကြီး ဗဟန်းမြို့နယ် သံလွင်လမ်း အမှတ် ၁၃၂(B)ရှိ ပြည်ထောင်စုကြံ့ခိုင် ရေးနှင့်ဖွံ့ဖြိုး ရေးပါတီဌာနချုပ် (ရန်ကုန်) ၏ အစည်းအဝေးခန်းမတွင် ကျင်းပပါ တော့မည်။
ယင်းစာပေဆုပေးပွဲကြီးတွင်ဖိတ်ခေါ် ထားသည့် စာပေဆုအမျိုးအစား ငါးမျိုးမှ စာပေဆုပေါင်း ၁၁ဆုတိတိကိုချီးမြှင့်ပေး အပ်မည်ဖြစ်သည်။
မြန်မာစာပေနှင့် မြန်မာဂန္ထဝင် ကဗျာ တို့ အရှည်တည်တံ့စေရန် ရည်ရွယ်၍ ပြု လုပ်သော'စိမ်းလန်း ရွှေပြည်စာပေဆု ပေးပွဲကြီး'နှစ်စဉ်မပျက်ဆက်လက်ချီးမြှင့် နိုင်ပါစေကြောင်း စေတနာကောင်းဖြင့် ရေးသားလိုက်ရပါသတည်း။