images
UN
UN
အိပ်စက်ခြင်းနဲ့ ကျန်းမာရေး
ပေါက်ပေါက် Monday, 14 May 2018
လူတစ်ဦးတစ်ယောက်၏ စိတ်ပိုင်း ဆိုင်ရာ၊ ရုပ်ပိုင်းဆိုင်ရာ ကျန်းမာရေး အတွက် ကောင်းစွာ နှစ်ခြိုက် အိပ်ရေးဝ ပါမှ နောက်နေ့တွင် အင်အားအပြည့်ဖြင့် ကောင်းစွာနိုးထနိုင်ပါလိမ့်မည်။
အိပ်ရေးဝခြင်းသည် ကိုယ်ခံစွမ်းအား ကို တိုးတက်မြင့်မားကာ အသက်ရှူ လမ်းကြောင်း၊ နှလုံးခုန်နှုန်း၊ သွေးဖိအား၊ ဟော်မုန်း ထုတ်လုပ်မှုပမာဏတို့ကို ပုံမှန် ဖြစ်စေသလို၊ ကြွက်သားများနှင့် ဆဲလ် များကို ကောင်းစွာ တည်ဆောက်၍ အသက်ရှည်စေနိုင်၏။ ထို့ပြင် အမြင်/ အကြား အာရုံများကို ပံ့ပိုးပေးရုံသာမက မှတ်ဥာဏ်စွမ်းအားကိုလည်း တိုးတက် လာစေနိုင်သည်။
လူတစ်ယောက်အတွက် အိပ်ချိန် သည် တစ်နေ့လျှင် ပျမ်းမျှ အနည်းဆုံး ခုနစ်နာရီခန့်ရှိသင့်ကြောင်း၊ တစ်နေ့လျှင် လေးနာရီခွဲခန့်သာ အိပ်စက်သော သူသည် ရက်သတ္တတစ်ပတ်မျှ အကြာတွင် သိသိ သာသာ စိတ်ဖိစီးမှုများလာခြင်း၊ ဒေါသ ထွက်ခြင်း၊ သည်းမခံဘဲ စိတ်ပင်ပန်း နွမ်း နယ်ခြင်း၊ ဝမ်းနည်းလွယ်ခြင်း၊ တက်ကြွမှု မရှိခြင်းတို့ ဖြစ်စေကြောင်း၊ အထူးသဖြင့် အမျိုးသမီးများသည် အမျိုးသားများ ထက် အိပ်ရေးပျက်ခြင်းဒဏ်ကို ခံနိုင်ရည် မရှိကြောင်း၊ အမျိုးသမီးများ နှစ်ခြိုက်စွာ အိပ်ပျော်ခြင်းသည် ဓမ္မတာရာသီစက်ဝန်း ကို မှန်စေကာ ခေါင်းတစ်ခြမ်းကိုက်ခြင်း မဖြစ်စေကြောင်း၊ အသားအရေ တင်းရင်း စေ၍ မျက်လုံးအရောင် တောက်ပစေနိုင် ကြောင်း the Western Journal of Medicine တွင် ဖော်ပြထားသည်။
သို့ဖြစ်ရာအိပ်စက်ခြင်းကို အထောက် အကူပြုနိုင်မည့် အကြောင်းအရာ အချက် အလက်များကို အောက်ပါအတိုင်းဖော်ပြ လိုက်ပါသည်။
* တနင်္ဂနွေ အားလပ်ရက်မှအပ ကျန်နေ့ များတွင် ခန္ဓာကိုယ်ကို သဘာဝဇီဝ နာရီအဖြစ် သတ်မှတ်ကာ အိပ်ရာဝင် ချိန်အိပ်ရာထချိန် မှန်အောင် မိမိကိုယ် ကို လေ့ကျင့်ရမည်။
* ဆေးလိပ်ထဲတွင်ပါရှိသော နီကိုတင်း ဓာတ်သည် ကောင်းစွာအိပ်စက်မှုကို နှောင့်ယှက်ရုံသာမက အဆုတ်ထဲ ရောက်သွားသော နီကိုတင်းအဆိပ် ဓာတ်တို့သည်အိပ်ပျော်နေစဉ်အသက် ရှူလမ်းကြောင်းကိုပါ အဟန့်အတား ဖြစ်စေသည်။
* နေ့လယ်ဘက် ထိုင်-ထ-သွား-လာ ခြင်းတို့ကို အားကစားဆန်ဆန် လှုပ် ရှားပေးခြင်း၊ ထမင်းစားပြီးတိုင်း ခေတ္တမျှ လမ်းလျှောက်ခြင်း၊အားလပ် ချိန် စက်ဘီးစီးထွက်ခြင်းတို့ကလည်း အိပ်ပျော်ချိန်ကို ၄၅ မိနစ်ခန့် တိုး တက်လာစေနိုင်သည်။

* သွေးတိုးကျဆေးများနှင့် အချို့ပဋိဇီဝ ဆေးဝါးများသည် မျက်စိကြောင်၍ အိပ်မပျော်စေတတ်ပါ။
* ညဥ့်နက်ခံ၍ စာရေးစာဖတ်ခြင်း မလုပ်ပါနှင့်။ ညအိပ်ရာဝင်ခါနီးအထိ တီဗွီကြည့်ခြင်း၊ ကွန်ပျူတာသုံးခြင်း၊ လက်ကိုင်ဖုန်း အချိန်ကြာကြာသုံး သဖြင့် မော်နီတာမှ အလင်းရောင် ပြန်ဟပ်ခြင်းတို့သည် အိပ်ချိန်ကို သုံးနာရီခန့် နောက်ရွေ့စေကြောင်း သြစတြေးလျနိုင်ငံရှိ သုတေသီများ ကဆို၏။
* လက်ဖက်ရွက်၊ ကော်ဖီ၊ လက်ဖက် ရည်နှင့် ကိုလာတို့ထဲတွင်ပါရှိသော ကဖိန်းဓာတ်သည် ခန္ဓာကိုယ်ထဲ ရောက်ပြီးနောက် ရှစ်နာရီကြာပြီးမှ သာ ဓာတ်ပျက်ပြယ်သွား၏။ ထို့ ကြောင့် မျက်စိကြောင်တတ်သူများ နေ့လယ် ၂ နာရီ နောက်ပိုင်းတွင် ထိုကဖိန်းဓာတ်ပါသော အရည်များ ကို မသောက်သင့်ပါ။
* နောက်တစ်နေ့နံနက် အဆင်သင့် ဖြစ်စေရန် အိပ်ရာမဝင်ခင်ကတည်း က ပစ္စည်းများကို ကြိုတင်လုပ်ထား ပါ။ (ဥပမာ- ပိုက်ဆံအိတ်၊ အဝတ် အစား၊ ရုံးစာရွက်စာတမ်းများ)
* အိပ်ရာမဝင်ခင် မိနစ် ၂ဝ ခန့်အလို တွင် တရားဓမ္မ စာအုပ်ဖတ်ခြင်း၊ စိတ်မလှုပ်ရှားစေသော စာပေများ ဖတ်ခြင်း၊ အိပ်ရာထက်တွင် မျက်စိ မှိတ်၍ သင်္ချာဂဏန်းရေတွက်ခြင်း၊ အာနာပါန(ထွက်လေ/ဝင်လေ)ရှူခြင်း၊ သီချင်းအေးအေး (သို့မဟုတ်) တရား သံတိုးတိုးနာယူခြင်းတို့ကလည်း အိပ် ပျော်ခြင်းကို အထောက်အပံ့ဖြစ်စေ သည်။
* အိပ်ရာမဝင်ခင် အဆီမပါသော နွားနို့ နွေးနွေး၊ ငှက်ပျောသီး၊ ဒိန်ချဉ်၊ စပျစ်ဝိုင် (သို့မဟုတ်) စပျစ်ဖျော်ရည်၊ ပန်းသီးစားခြင်းဖြင့် ကောင်းစွာအိပ် ပျော်စေသလို၊ ပန်းသီး၏သဘာဝ ရနံ့သည် အိပ်စက်ခြင်းကို အထောက် အကူဖြစ်စေ၍ သုံးလုံးခန့်အိပ်ရာအနီး ထား၍အိပ်ပါ။
* သွေးဆုံးပြီး အမျိုးသမီးများသည် ခန္ဓာကိုယ်အပူရှိန် မျှတမှုမရှိတော့ဘဲ၊ ညဘက်ချွေးထွက်ကာ အိပ်ရေးပျက် လေ့ရှိသဖြင့် အိပ်ခန်း အပူရှိန်လျော့ အောင် ပန်ကာ၊ လေအေးပေးစက် တပ်ခြင်း၊ လေဝင်လေထွက်ကောင်း အောင်ပြုလုပ်ခြင်း၊
ပေါ့ပါးသော အဝတ်အထည်ဝတ်၍ အိပ်စက်ခြင်း တို့ပြုလုပ်ပါ။
* မိမိကြိုက်နှစ်သက်သော အမွှေးနံ့ တစ်ခုခုကို အခန်းတွင် အနည်းငယ် ဖျန်းပက်ခြင်း၊ ခေါင်းအုံးနှင့် မွေ့ရာ အထူအပါးတို့ကို သင့်တော်သလို ရွေးချယ်အသုံးပြုတတ်ခြင်း၊ဦးခေါင်း၊ လည်ပင်း၊ ကျောရိုးတို့ အနေအထား မှန်အောင် အိပ်စက်ခြင်းတို့ကလည်း ကောင်းသော အထောက်အပံ့ဖြစ်စေ သည်။
* မီးအလင်းရောင်သည် ဦးနှောက်ကို နိုးကြားတက်ကြွစေသည့် အချက်ပြ သင်္ကေတဖြစ်၍ အိပ်ခန်းမီး အလင်း ရောင် အမှောင်ချခြင်းဖြင့် နှစ်ခြိုက် စွာအိပ်ပျော်စေနိုင်သည်။
* ခွေး၊ ကြောင်တို့သည် သဘာဝအရ တစ်နေရာတည်းတွင် အချိန်ကြာကြာ တစ်သမတ်တည်း အိပ်လေ့မရှိသဖြင့် ထိုအိမ်မွေး တိရစ္ဆာန်များနှင့်အတူ အိပ်စက်ခြင်းက အိပ်ရေးပျက်စေနိုင် သည်။
* အိပ်ချိန်မမှန်ခြင်းနှင့် အိပ်ရာအပြောင်း အလဲ အိပ်စက်ခြင်းတို့ကလည်း အိပ် ရေးမဝစေနိုင်သဖြင့် တစ်ချိန်တည်း၊ တစ်နေရာတည်းတွင်သာအိပ်စက်ပါ။
* ချမ်းအေးသောရာသီတွင် ရေနွေးနွေး ဖြင့် ရေချိုးခြင်းသည် ကြွက်သား များပြေလျော့စေပြီး အိပ်မောကျစေ သလို၊ ယောဂကျင့်ခြင်းနှင့် ပူအိုက် သောရာသီတွင် ရေအေးချိုးခြင်းတို့ သည်လည်းအိပ်စက်ခြင်းကိုအထောက် အကူပြုစေ၏။
* စိတ်ကစဥ့်ကလျားဖြစ်ခြင်း၊ စိုးရိမ် သောကများခြင်း၊ စိတ်စောခြင်း စသည့် စိတ်ရောဂါအမျိုးမျိုး၊ အစား အသောက်၊ ဆေးဝါးများနှင့် ဓာတ် မတည့်သောရောဂါများ၊အဆစ်အမျက် ရောင်ရမ်းနာများ၊ ကင်ဆာ၊ နှလုံး ရောဂါ၊ ဟိုက်ပါသိုင်းရွိုက် စသည့် ရောဂါများသည် နာတာရှည်အိပ် မပျော်ခြင်းနှင့် ဆက်နွှယ်နေသဖြင့် နားလည်တတ်ကျွမ်းသော ဆရာဝန် များနှင့် ဆွေးနွေးတိုင်ပင်ပါ။
* ကိုယ်ကာယ လေ့ကျင့်ခန်းလုပ်ခြင်း သည် ဟော်မုန်းထွက်ကာ ဦးနှောက် ကိုတက်ကြွလာအောင် လှုံ့ဆော်ပေး သဖြင့် အိပ်ရာဝင်ခါနီးသုံးနာရီခန့် အလိုကတည်းက လေ့ကျင့်ခန်းပြင်း ပြင်း မလုပ်သင့်ပါ။
* သုတေသနပြုချက်များအရ အိပ်ရာ မဝင်မီလေးနာရီခန့် ညစာစားသော အခါ ကယ်လ်စီယမ်၊ အမိုင်နိုအက် စစ်၊ ကာဘိုဟိုက်ဒြိတ်(ခေါ်) ကစီ ဓာတ်ပါသော အစားအစာများစား သုံးခြင်းဖြင့် အိပ်မောကျချိန်ကို ပိုမို နီးကပ်လာစေနိုင်ကြောင်း မှတ်တမ်း တင် ဖော်ပြထား၏။
* ဆေးသုတေသီများ၏ အတည်ပြု ချက်အရ အရက်၏ မူးယစ်ထုံထိုင်း စေမှုသည့် တစ်ခဏတွင်း အိပ်မော ကျစေသည်ဆိုသော်လည်း၊ မကြာမီ အချိန်တွင်း အရက်ဆိပ်များသွေးထဲ တွင် ပြေပျောက်သည်နှင့်တစ်ပြိုင် နက် ပြန်လည်နိုးထလာစေသဖြင့် အိပ်ရေးပျက်စေသည်ဟု ဆို၏။
* ညနေခင်း တစ်ရေးတမောမှေးခြင်း ကလည်း ညအိပ်ခြင်းကို အနှောင့် အယှက် ဖြစ်စေသည်။
အဆိုပါ အချက်အလက်အကြောင်း အရာများက အိပ်စက်ခြင်းနှင့် ကျန်းမာ ရေးကို များစွာအထောက်အကူပြုမည်ဖြစ် ကြောင်း ရေးသားတင်ပြလိုက်ရပါသည်။