images
UN
နိုင်ငံရေးပြဿနာများ ရေရှည်ပြေလည်ရေးဆောင်ရွက်ကြပါ
| Tuesday, 03 July 2018
၂၁ရာစုပင်လုံခေါ် ပြည်ထောင်စုငြိမ်းချမ်းရေးညီလာခံကို ဇူလိုင် ၁၁ ရက်မှ ၁၆ ရက်အထိ ခြောက်ရက်ကြာပြုလုပ်မည်ဟု ကြေညာလိုက်ပေပြီ။ မူလက ငါးရက်ဟု သတ်မှတ်ထားရာ ဆွေးနွေးစရာများသောကြောင့် ပြည့်ပြည့်စုံစုံဖြစ်စေရန် ခြောက်ရက်ကျင်းပမည်ဟု ဦးဆောင်သူတို့ကဆို သည်။ ခြောက်ရက်ကျင်းပရုံဖြင့်လည်း မြန်မာနိုင်ငံ ငြိမ်းချမ်းရေး၊ နိုင်ငံရေး တွေက တစ်ခါတည်းပြီးပြေသွားမှာ မဟုတ်ကြောင်း ထင်ရှားပါသည်။
နိုင်ငံရေးဆွေးနွေးပွဲဆိုင်ရာ မူဘောင်အရ ဆွေးနွေးကြရာမှာ ညီလာခံကို ရောက်ဖို့ အစည်းအဝေးပေါင်းများစွာကို အဆင့်ဆင့်ကျော်ဖြတ်ရမည်။ ထိုအစည်းအဝေးများအကြား သက်ဆိုင်သူများ မည်သည့်အတိုင်းအတာအထိ အောင်မြင်စွာ ညှိနှိုင်းနိုင်ကြပါမည်နည်းကို တွေးဆနိုင်ပြီး ထိုတွေးဆချက် ကြောင့် မြန်မာနိုင်ငံ၏ နိုင်ငံရေးပြဿနာများ ရုတ်ခြည်းပြေလည်မှုမရနိုင်ဟူ သောအသံများကို ကြားရသည်။ ပြေလည်သည်ဆိုရာ၌လည်း ခေတ္တခဏ လူမြင်ကောင်းရုံမဟုတ်ဘဲ ရေရှည်လက်တွဲပြီး ညီညီညွတ်ညွတ် စုပေါင်း အလုပ်လုပ်နိုင်ရေးကို ဦးတည်သင့်သည်ဟု ဆိုနေကြပါသည်။
မြန်မာနိုင်ငံ၏ ယနေ့နိုင်ငံရေးရေစီးကြောင်းသည် ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံအစည်းအဝေးမှသည် ငြိမ်းချမ်းသော အနာဂတ်ဒီမိုကရေစီဖက်ဒရယ်နိုင်ငံဆီသို့ သွားကြဖို့ဖြစ်သည်။ အခြေခံ မူဘောင်များ ထူထောင်ကြရာမှာ မတူကွဲပြားမှုများကို အပြန်အလှန်အသိ အမှတ်ပြုကြရမည်ဖြစ်ပြီး သဘောထားကြီးကြဖို့လိုပါမည်။ အမြင်ကျယ်မှုနှင့် အမျိုးသားပြန်လည်သင့်မြတ်ရေးခံယူချက်များ ကိုယ်စီထားရှိကိုင်စွဲ ကျင့်သုံး နိုင်ကြရပါမည်။
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံ ဥပဒေ(၂ဝဝ၈ခုနှစ်)မှ ဒို့တာဝန်အရေးသုံးပါးကို မထိပါးသော အားနည်းချက် များ ပြင်ဆင်ရေးအပါအဝင် နိုင်ငံရေးအရ အရေးကြီးသော အခြေခံမူများ ရရှိရေးကို ဦးတည်စဉ်းစားအဖြေထုတ်သွားကြဖို့ ဖြစ်သည်။
NCA စာချုပ် အပိုဒ် ၂၂ (ဃ)တွင်လည်း ''ပြည်ထောင်စုညီလာခံမှ ထွက်ပေါ်လာသော ဆုံးဖြတ်ချက်များအပေါ်အခြေခံ၍ ဖွဲ့စည်းပုံအခြေခံဥပဒေ အပါအဝင် ဥပဒေများကို လိုအပ်သလိုပြင်ဆင်ခြင်း၊ ဖြည့်စွက်ခြင်းနှင့် ပယ်ဖျက်ခြင်းများကို လုပ်ထုံးလုပ်နည်းနှင့်အညီပြုလုပ်ရန် သဘောတူညီ သည်''ဟု ဖော်ပြထားခဲ့သည်။
NCA လက်မှတ်ရေးထိုးထားသော တိုင်းရင်းသားလက်နက်ကိုင်အဖွဲ့ များ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့PPST၏ (၂၂)ကြိမ်မြောက် အစည်းအဝေးကိုလည်း ဇူလိုင် ၁ ရက်မှ ၂ ရက်အထိ ပြုလုပ်သွားသည်ကို သိရသည်။ လုံခြုံရေးကဏ္ဍ အလွတ်သဘောဆွေးနွေးမှုများ ပါဝင်သည်။ အလွတ်သဘောများများ ပြောဆို၍ ပွဲမဝင်ခင်ပြင်ပမှာ ကျင်းပခြင်းသည် သီအိုရီနှင့်အတွေ့အကြုံများအရလည်း မှန်ကန်ကောင်းမွန်သည့် သဘော ဆောင်ပါသည်။ (၁၅)ကြိမ်မြောက် ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးများနှင့်ပတ်သက်၍ အစီရင်ခံစာ တင်ပြခြင်းလည်း လုပ်သွားကြသည်ဟုသိရသည်။ ၂၁ရာစုပင်လုံညီလာခံ ကျင်းပရေးနှင့် အခြားအထွေထွေငြိမ်းချမ်းရေးလုပ်ငန်းစဉ်များလည်း ဆွေးနွေး သည်ဟု ကြားသိရသည်။
နိုင်ငံတစ်ခု၏ အသွင်ကူးပြောင်းမှု (Transition)ဆိုသည်မှာလည်း နိုင်ငံရေး အသွင်ကူးပြောင်းမှု(Political Transition) လွှမ်းမိုးဦးဆောင်သော စီးပွားရေးဖွံ့ဖြိုးလာမှု၊ လူမှုနယ်ပယ်သစ်များထွန်းသစ်လာမှု၊ ယဉ်ကျေးမှု ရုပ်ပိုင်းဘဝ၊ စိတ်ပိုင်းဘဝမြင့်မားလာမှုတို့ ထင်ထင်ရှားရှားပြောင်းလွဲလာမှု ကို ညွှန်းဆိုပါသည်။
မြန်မာ့နိုင်ငံရေးခေါင်းဆောင်များ၊ တပ်မတော်ခေါင်းဆောင်များ၊ ရဟန်းရှင်လူပြည်သူများ၊ ကျောင်းသား၊ အလုပ်သမား၊ လယ်သမားများပါ မကျန် ပြည်သူတစ်ရပ်လုံး လိုလားတောင့်တနေကြသော ထာဝရပြည်တွင်း ငြိမ်းချမ်းရေး၊ ကမ္ဘာ့ငြိမ်းချမ်းရေးရရှိစေရန်၊ တိုင်းရင်းသားပြည်သူလူထု အားလုံးက ဝိုင်းဝန်းကြိုးစားကြရန် လိုပါသည်။
ငြိမ်းချမ်းရေးပြဿနာများ၏ အကြောင်းခံအရင်းခံများကို တစ်ခုချင်း တစ်ခုချင်း ကိုင်တွယ်သုံးသပ်၊ ညှိနှိုင်းပူးပေါင်း ဆုံးဖြတ်ကြလျှင် ပြဿနာ အားလုံး ရေရှည်ပြေလည်သွားသည်အထိ ပြုလုပ်ဆင်နွှဲနိုင်ပါကြောင်း ရေးသားလိုက်ရပါသည်။
UN
UN