images
UN
သဘာဝဘေးအန္တရာယ်များ ရင်ဆိုင်တုံ့ပြန်နိုင်ရန် အစီအမံကောင်းများ လိုအပ်
| Monday, 09 July 2018
မြန်မာနိုင်ငံသည် ကမ္ဘာကြီးပူနွေးလာမှုနှင့် ရာသီဥတုဖောက်ပြန်မှု၏ နောက်ဆက်တွဲဆိုးကျိုးကို ကမ္ဘာ့နိုင်ငံများနည်းတူကြုံတွေ့နေရသည်။ ၂ဝဝ၈ ခုနှစ်တွင် ဖြစ်ပွားခဲ့သည့် နာဂစ်ဆိုင်ကလုန်းမုန်တိုင်းမှစတင်ကာ တစ်နေ့ တစ်မျိုးမရိုးနိုင်သော သဘာဝဘေးအန္တရာယ်များကို ခါးစည်းခံနေရခြင်းဖြစ် သည်။ နိုင်ငံတကာညွှန်းကိန်းများအရလည်း မြန်မာနိုင်ငံသည် ရာသီဥတု ပြောင်းလဲမှုကြောင့်ထိခိုက်မှုအဆိုးဆုံးနှင့် သဘာဝဘေးကျရောက်မှုကြောင့် ထိခိုက်မှုအများဆုံး ကမ္ဘာ့ ၁ဝ နိုင်ငံတွင် ဒုတိယစာရင်းဝင်နေသည်။ ထို့အပြင် သဘာဝဘေးအန္တရာယ်ကြောင့် တစ်နှစ်လျှင် နိုင်ငံ၏ဂျီဒီပီ သုံးရာခိုင်နှုန်းခန့် ဆုံးရှုံးနေရကြောင်း သိရသည်။
မြန်မာနိုင်ငံတွင် ရာသီဥတုဖောက်ပြန်မှု၏ နောက်ဆက်တွဲသဘာဝဘေး အန္တရာယ်ဖြစ်သည့် ရေလွှမ်းမိုးမှုနှင့်လေဘေးအန္တရာယ်တို့ကိုပိုမိုကြုံတွေ့နေရပြီး ထိခိုက်ဆုံးရှုံးမှုများလည်း ဖြစ်ပေါ်နေခဲ့သည်။ အထူးသဖြင့် ရေလွှမ်းမိုးမှုကို ၂ဝ၁၅ ခုနှစ်မှစတင်ကာ နှစ်စဉ်ကြုံတွေ့နေရပြီး တစ်နှစ်ထက်တစ်နှစ် ပိုမို ပြင်းထန်လာခဲ့သည့်ဘေးဖြစ်သည်။ ရေဘေးကို မကွေးတိုင်းဒေသကြီးတွင် အများဆုံးရင်ဆိုင်နေရပြီး ရခိုင်ပြည်နယ်၊ ဧရာဝတီ၊ စစ်ကိုင်း၊ ပဲခူး၊ မန္တလေး တိုင်းဒေသကြီးတို့တွင်လည်း အခြားဒေသများထက် ပိုမိုဆိုးရွားစွာ ကြုံတွေ့ နေရခြင်းဖြစ်သည်။ ယခုနှစ် ၂ဝ၁၈ ပထမခြောက်လပတ်အတွင်းမှာပင် ရေဘေးအပါအဝင် သဘာဝဘေးအန္တရာယ်များကို ဆိုးရွားစွာခံစားခဲ့ရသော မြို့ ၁ဝ မြို့ထက်မနည်းရှိခဲ့သည်။
ယခုနှစ် ဇွန်လက ဖြစ်ပွားခဲ့သည့် ရေဘေး ပြဿနာများအတွက် ပြန်လည်ထူထောင်ရန် ရုန်းကန်နေရဆဲမှာပင် အချို့ဒေသ များ၌ ရေကြီးနစ်မြုပ်မှုများ ဖြစ်ပွားနေခဲ့ပြန်သည်။ ဇူလိုင်လဆန်းတွင် ဖားကန့်ဒေသရှိရပ်ကွက်နှင့် ကျေးရွာအချို့ရေကြီးနစ်မြုပ်နေခဲ့သဖြင့် ရေဘေး သင့်မှု များရှိနေခဲ့သည်။
မြန်မာနိုင်ငံတွင် နှစ်စဉ်ရေလွှမ်းမှုများဖြစ်ပေါ်ခဲ့ပြီး ထိရောက်သည့် ကြိုတင်ကာကွယ်မှုများ မပြုလုပ်နိုင်ခဲ့သောကြောင့် လူဦးရေ ၅ဝဝဝဝ မှ ၆ဝဝဝဝ ကြား ရေဘေးသင့်နေရသကဲ့သို့ လယ်မြေဧကတစ်သိန်းကျော် ရေနစ် မြုပ်နေရသည်။ ရေလွှမ်းမိုးမှုများသည် ပျှမ်းမျှအားဖြင့် ဇွန်လမှ အောက်တို ဘာလအတွင်းဖြစ်ပွားတတ်ပြီး မိုးအားကောင်းသော ဇူလိုင်နှင့်သြဂုတ်လတို့ တွင် ပိုမိုအဖြစ်များသည်ကိုတွေ့ရသည်။ ရေလွှမ်းမိုးမှုဖြစ်စဉ်များသည် တစ်နှစ် ထက်တစ်နှစ် ပိုမိုဖြစ်ပွားလာသကဲ့သို့ ဖြစ်ပွားသည့်နေရာဒေသများလည်း တိုးလာခဲ့သည်။ ထို့ကြောင့် နှစ်စဉ်ရေလွှမ်းမိုးတတ်သောဒေသများတွင် ရေဘေး အန္တရာယ်ကြိုတင်ကာကွယ်ရေးအစီအမံများ စနစ်တကျချမှတ်ဆောင်ရွက် ထားသင့်သည်။ ယခုဇူလိုင်လနှင့် လာမည့်သြဂုတ်လများသည် မြန်မာနိုင်ငံ အတွက် ရေဘေးအန္တရာယ်ကြီးမားတတ်သည့်လများဖြစ်သောကြောင့် ပိုမို သတိထားသင့်ပါသည်။
ထို့ကြောင့် ရေဘေးအပါအဝင်သဘာဝဘေးများကို ရင်ဆိုင်နိုင်ရန်အတွက် အစိုးရများနှင့် ပြည်သူလူထုအနေဖြင့် ကမ္ဘာတစ်လွှား၌ လွန်ကဲရာသီဥတုဖြစ်စဉ် များ ပိုမိုအဖြစ်များလာနေသည်ကို သတိမူသင့်ပြီး အဆိုပါလွန်ကဲဖြစ်စဉ်များကို တုန်လှုပ်ချောက်ချားစရာ သဘာဝလွန်ဖြစ်စဉ်များအဖြစ်မှတ်ယူမနေဘဲ သဘာဝ နှင့် လိုက်လျောညီထွေဖြစ်စေမည့် ကာကွယ်မှုစနစ်များ၊ အရေးပေါ်အခြေအနေ ဆောင်ရွက်မှုများ၊ ငွေကြေးရန်ပုံငွေများထူထောင်ခြင်းဖြင့် ကြိုတင်ပြင်ဆင် ထားရန်လိုကြောင်း မိုးလေဝသပညာရှင်ဒေါက်တာထွန်းလွင်က အကြံပြုပြော ကြားခဲ့သည်။ သဘာဝဘေးအန္တရာယ်ဆိုသည်မှာ ဖြစ်ချင်တိုင်းဖြစ်ခိုင်း၍ မရ သကဲ့သို့ မဖြစ်ချင်တိုင်းလည်း မဖြစ်ခိုင်း၍ မရပေ။ ထို့အပြင် ယခုကာလသည် ကမ္ဘာကြီးပူနွေးလာမှုနှင့် ရာသီဥတုပြောင်းလဲလာမှုကို ပြင်းပြင်းထန်ထန် ရင်ဆိုင်နေရချိန်ဖြစ်သဖြင့် သဘာဝဘေးအန္တရာယ်များသည် အချိန်မရွေး၊ နေရာ မရွေးဖြစ်ပွားနိုင်သည့် အခြေအနေတွင် ရှိနေသည်။
ယင်းအခြေအနေတွင် ကောင်းမွန်သောစီမံခန့်ခွဲမှုနှင့် ကြိုတင်ကာကွယ် မှုများမရှိပါက နိုင်ငံတော်နှင့် နိုင်ငံသားများအတွက် ထိခိုက်ပျက်စီးဆုံးရှုံးမှုများ မြင့်မားနိုင်ပါသည်။ ထို့အတွက် အစိုးရအနေဖြင့် သဘာဝဘေးအန္တရာယ် ကြိုတင်ကာကွယ်ရေးအစီအမံများကို ခါတိုင်းထက်ပိုမိုစနစ်ကျစွာဖြင့် ထိထိ ရောက်ရောက်ဆောင်ရွက်ရန် အထူးလိုအပ်ပါသည်။ ပြည်သူလူထုအနေဖြင့် လည်း သဘာဝဘေးအန္တရာယ်များကို ရင်ဆိုင်တုံ့ပြန်နိုင်ရန်အတွက် မိမိတို့ တတ်နိုင်သည့် ကြိုတင်ကာကွယ်မှုများကိုပြုလုပ်ကာ အမြဲတမ်းအဆင်သင့် အနေအထားတွင် ရှိနေရန်လိုအပ်ကြောင်း ရေးသားလိုက်ရပါသည်။ ။
UN
UN