images
UN
အနာဂတ်နိုင်ငံတော်သစ်တည်ဆောက်ရေး မျိုးဆက်သစ်များကိုဝန်းရံပေး
| Tuesday, 10 July 2018
ကမ္ဘာ့စီမံခန့်ခွဲမှုပညာခေတ်ကို ပညာရှင်တို့ကခေတ်လေးခေတ်ခွဲခဲ့သည်။ ယနေ့ ကမ္ဘာရောက်ရှိနေသောခေတ်ကို စတုတ္ထမျိုးဆက်သစ်တို့၏ခေတ်ဟု သတ်မှတ်ကြ သည်။ ယနေ့မြန်မာ့နိုင်ငံရေးသမိုင်းကို အကြမ်းဖျင်းပိုင်းခြားလျှင်လည်း ၁၉၄၈ မှ ၁၉၆၂ သည် တစ်ခေတ်၊ ၁၉၆၂ မှ ၁၉၈၈ သည် တစ်ခေတ်၊ ၁၉၈၈မှ ၂ဝဝ၈ သည် တစ်ခေတ်ဖြစ်ပြီး ၂ဝဝ၈ မှသည် ယနေ့ထိတိုင်ကို ခေတ်တစ်ခုဟု ဆိုနိုင်သည်။ ထိုသို့ပိုင်းခြားခြင်းမှာ နိုင်ငံ၏နိုင်ငံရေး၊ လူမှုရေးပြောင်းလဲမှုများ အခြေအနေပေါ် မူတည်ခဲ့ခြင်းဖြစ်သည်။ ထို့ကြောင့် ယနေ့ခေတ်ကို စတုတ္ထမျိုးဆက်ခေတ်ဟု ဆို ရမည်။
နောက်မျိုးဆက်သည် ရှေ့ကမျိုးဆက်ထက်တော်ရမည် ချွန်ရမည်ဟု အညွှန်းရှိ သော်လည်း မြန်မာ၊ ဗုဒ္ဓဘာသာ အစဉ်အလာယဉ်ကျေးမှုအရ ရှေ့မှမျိုးဆက်များအား ဂါရဝတရားဖြင့် လေးစားတန်ဖိုးထားဖို့သာလိုအပ်ပါသည်။ မိမိတို့လောက်မတော် ပါဘူးဟု မပြစ်မှားသင့်ပေ။ မှန်နန်းရာဇဝင်တော်ကြီး ပထမတွဲ၊ စာ ၃ဝ၁ တွင် အလောင်းစည်သူမင်းကြီး ဘုန်းတန်ခိုးကြီးရာမှ မိမိရှေ့က အဖေအဘိုးအဘေးများကို သူ့လောက်ဘုန်းတန်ခိုးကြီးခဲ့မှာ မဟုတ်ဟု မနောကံ ဝစီကံတို့ဖြင့် ပြစ်မှားလိုက်ရာ မျက်လုံးများ ချက်ချင်းကွယ်သွားသည်။ ချက်ချင်းပြန်တောင်းပန်၊ ကန်တော့လိုက်မှ မျက်လုံးအလင်းပြန်ရကြောင်း မှတ်သားထားမိ၏။
သို့နှင့်တိုင် လူကြီးတို့ မျက်စိမမှိတ်မီမှာပင် လူကြီးတို့နှင့် လက်တွဲ၍ လူကြီး၊ လူငယ်ပေါင်းစပ်ပူးတွဲညှိနှိုင်းဆွေးနွေးခြင်းဖြင့် နိုင်ငံတော်ပြည်အရေးကို ဖွံ့ဖြိုးတိုး တက်အောင်မြင်နိုင်ရန် ဖော်ဆောင်ကြဖို့လိုပါသည်။ အခြေအနေများ၊ အယူအဆ များသည် လျင်မြန်စွာ ပြောင်းလဲလျက်ရှိရာ ကာလ၊ ဒေသ၊ ပယောဂအခြေအနေများ၏ ပြဋ္ဌာန်းချက်အတိုင်း ''အရွေ့''များရှိလာတတ်ကြောင်း သမိုင်းက ပြဆိုပြီးဖြစ်သည်။ ကမ္ဘာ့သမိုင်းကပြဆိုပြီးသလို မြန်မာ့သမိုင်းကလည်း ပြဆိုဆဲဖြစ်ပါသည်။ လူကြီးဟူ၍ ပုံသေနေရာယူလို့မရတော့သလို လူငယ်ဟေ့ဆိုပြီး လက်မထောင်နေ၍လည်း မသင့် မြတ်နိုင်ပါချေ။

နိုင်ငံရေးသမားသုံးမျိုးရှိသည်။ ပထမအမျိုးအစားမှာ အပျော်တမ်းနိုင်ငံရေး သမားဖြစ်ပြီးအချိန်ပိုင်းမျှသာဖြစ်သည်။ ဒုတိယအမျိုးအစားမှာ ပါဝါအာဏာ နိုင်ငံရေး သမားများဖြစ်သည်။ တတိယအမျိုးအစားမှာ ပရော်ဖက်ရှင်နယ်နိုင်ငံရေး သမားဖြစ်ပြီး နိုင်ငံရေးအတွက် တစ်ဘဝလုံးမြှုပ်နှံထားသူများဖြစ်ရာ လူငယ်များ ပရော်ဖက်ရှင်နယ် နိုင်ငံရေးသမားဖြစ်လာအောင် ကြိုးစားသွားကြရမှာဖြစ်ပေသည်။ သို့မှသာ အနာဂတ် နိုင်ငံတော်အတွက် အားကိုးအားထားရသောလူငယ်များဖြစ်ပေမည်။
အစဉ်အလာ ယဉ်ကျေးမှုကောင်းများ ကျန်ရစ်ခဲ့ပါသည်။ ပြီးခဲ့သော ဒီမိုကရေစီ အစိုးရ ပထမသက်တမ်း၏ သမ္မတကြီးက လူငယ်များကိုအလွန်မျှော်လင့်ခဲ့ ကြောင်း လုပ်ဖော်ကိုင်ဖက်ဝန်ကြီး(ငြိမ်း)တစ်ဦးက သူ၏ ''ဒီမိုကရေစီနှင့်နိုင်ငံတော်သစ်'' စာအုပ်တွင်ဖော်ထုတ်ရေးသားခဲ့သည်။ လူငယ်များ ကြံ့ခိုင်ကျန်းမာပျော်ရွှင်စေလို ကြောင်း သမ္မတကြီးက အမြဲပြောသည်။ နိုင်ငံရပ်ခြား ဥရောပသားလူငယ်များလို ဖြစ်စေချင်ကြောင်းလည်းပြောသည်။ ထို့ကြောင့် ကင်းထောက်လူငယ်များကို အမြဲ အားပေးခဲ့သည်။ ဘက်စုံထူးချွန်လူငယ်များ၊ ကြက်ခြေနီလူငယ်များကို အားပေး သည်။ ပညာရေးတွင် စကောလားရှစ်များ ပြန်လည်အသက်သွင်းပေးသည်။ အနာဂတ် နိုင်ငံတော်သစ်အထိ လူငယ်များကို မျှော်မှန်းခဲ့သည်။
''ချည့်နဲ့နဲ့- နိုင်ငံရေးပါတီများရှိလာပါက ချည့်နဲ့နဲ့ ဒီမိုကရေစီကိုဖြစ်စေ သည်''ဟု ယနေ့အာဏာရပါတီ၏ ညီလာခံအစီရင်ခံစာက ဆိုထားသည်ကို တွေ့ရ သည်။
ချည့်နဲ့နဲ့ နိုင်ငံရေးပါတီများ ဖြစ်သွားရခြင်း၌ အကြောင်းများစွာရှိသော်လည်း အိုမင်းရင့်ရော်လွန်းသော ခေါင်းဆောင်များကြောင့်လည်းဖြစ်သည်ဟု နိုင်ငံရေးသုံး သပ်သူတစ်ဦးက မီဒီယာတစ်ခုတွင် ရေးသားချက်တွေ့ဖူးသည်။ အသက်အရွယ် ကြီးရင့်လွန်းသော ခေါင်းဆောင်များကများနေပြီး မျိုးဆက်သစ်ခေါင်းဆောင်က နည်းပါးလွန်းနေကြောင်း၊ ထောက်ပြထားမှုများရှိနေပြီဖြစ်သည်။ လူငယ်မျိုးဆက် သစ်များကို နေရာပေးမည့် အစီအစဉ်ကလည်း လျော့နည်းသေးကြောင်း တွေ့မြင်နေ ရသည်။ နိုင်ငံရေးပါတီနှင့် နိုင်ငံအင်စတီကျူးရှင်းများကို တည်ဆောက်ရာ၌ ကျောသားရင်သားမခွဲခြားဘဲ အလုပ်တကယ်လုပ်နိုင်သော လူပုဂ္ဂိုလ်များကို လူကြီး လူငယ် သူ့လူကိုယ့်လူမခွဲခြားဘဲ သဘောထားကျယ်ကျယ်ပြန့်ပြန့် အမြော်အမြင်ရှိရှိ စေတနာကောင်းကောင်းဖြင့် ရဲရဲလုပ်သင့်ကြောင်း လက်တွေ့သဘောထားကပြဆို နေသည်။
ထို့အတူ လူကြီးများကဝန်းရံ၊ အကြံပြု၊ လူထုထဲကတက်လာသော လူငယ် လူချွန်လူမွန်များဖြစ်သည့်မျိုးဆက်သစ်များနှင့် ပေါင်းစပ်ပူးတွဲအလုပ်လုပ်ကြလျှင်ဖြင့် နိုင်ငံရေးပါတီများ၊ နိုင်ငံရေးလှုပ်ရှားဆောင်ရွက်သူများ၊ နိုင်ငံချစ်သူများ၊ နိုင်ငံကို ရှေ့တန်းရောက်အောင်မြင်စေလိုသူများမျှော်မှန်းသော အနာဂတ်မြန်မာနိုင်ငံတော်သစ်၊ စည်းကမ်းပြည့်ဝသော ဒီမိုကရေစီနိုင်ငံကြီး ဖြစ်လာမည်ဟု မမှိတ်မသုန် ယုံကြည်ပါ ကြောင်း ရေးသားအပ်ပါသည်။ ။
UN
UN