images
UN
ငြိမ်းချမ်းရေးပြဿနာများ ဖြေရှင်းနိုင်ရန်
| Thursday, 12 July 2018
ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ(UPDJC) ဒုတိယ ဥက္ကဋ္ဌ ပြည်ထောင်စုအဆင့်တာဝန်ရှိသူက ''လက်နက်ကိုင်ပဋိပက္ခနှင့်အတူ အာဃာတတရားများ လွှဲပြောင်းပေးခြင်းမျိုးမဖြစ်ကြစေဖို့'' ဇူလိုင် ၉ရက်နေ့ အစည်းအဝေးတွင် ပြောကြားခဲ့သည်။ လက်နက်ကိုင်ပဋိပက္ခကို ဖန်တီးခဲ့သူ များမှာ ယနေ့ငြိမ်းချမ်းရေးစားပွဲတွင် ရောက်နေသော ပုဂ္ဂိုလ်များမဟုတ် ကြောင်း ၄င်းကထောက်ပြသည်။ နိုင်ငံရေးအရ ပြဿနာများကို ရှင်းရမှာဖြစ် သည်။ အပြစ်တင်၊ ဝေဖန်ရှုတ်ချ လက်ညှိုးအပြန်အလှန်ထိုးကြခြင်းဖြင့် ပဋိပက္ခများပြေလည်အောင် ဆောင်ရွက်နိုင်မှာမဟုတ်ကြောင်း ၄င်းကဆိုပါ သည်။
ပြဿနာများကို ပြေလည်အောင်ဖြေရှင်းကြဖို့လိုနေပါသည်။ အတိတ်ကို ပြန်၍ အသက်မသွင်းသင့်ဟု UPDJC ဒုတိယဥက္ကဋ္ဌက သတိပေးပါသည်။ အတိတ်၏အရိပ်မှာမနေဘဲ အနာဂတ်သစ်ကိုသာ မျက်နှာမူကြဖို့ လိုနေဟု အလေးအနက်တိုက်တွန်းခဲ့သည်။ ငြိမ်းချမ်းရေးကို အမှန်တကယ်လိုလားသော နိုင်ငံရေးစိတ်ဆန္ဒရှိမှလည်း ပဋိပက္ခများကို ပြေလည်ရေးဆွေးနွေးရာမှာ အဆင် ပြေမည်ဖြစ်ကြောင်း ဆိုသည်။
မတူကွဲပြားသော နိုင်ငံရေးခံယူချက်များ ရှိနေသည့်တိုင် အနာဂတ် ဒီမိုကရေစီဖက်ဒရယ်ပြည်ထောင်စုဆီသို့သာ ဦးတည်ထားကြရမှာဖြစ်သည်။ စိတ်ကူးပုံဖော်မှုများတူကြမည်မဟုတ်သော်လည်း ထိုမတူကွဲပြားမှုများကြားမှပင် တူညီမှုကို မရအရရှာဖွေဖော်ထုတ်ကြပြီး ဘုံသဘောထားညီကြရေး ဆွေးနွေး ယူရမည်ဖြစ်ကြောင်း ထင်ရှားပါသည်။
ထို့ကြောင့် ငြိမ်းချမ်းရေးကို အားလုံးဝိုင်းဝန်းဖော်ဆောင်ကြရမည်ဖြစ် ကြောင်း သဘောတရားထွက်ပါသည်။ ကော်မတီက ဦးဆောင်ကျင်းပမှ ငြိမ်းချမ်းရေးကို ဆွေးနွေးခြင်းမလုပ်ဘဲ အချိန်တိုင်းနေရာတိုင်းမှာ ငြိမ်းချမ်းရေး ပြဿနာများကို အတူတကွဖြေရှင်းကြဖို့ တိုက်တွန်းမှုများ ရှိလာနေပြီဖြစ်သည်။ အနာဂတ်တွင် တိုင်းရင်းသားများအပါအဝင် မြန်မာပြည်သူတစ်ရပ်လုံးအတွက် အနာဂတ်နိုင်ငံရေးအာမခံချက်ကိုပေးနိုင်သော ပြည်ထောင်စုကြီးကို ဝိုင်းဝန်း ထူထောင်ကြဖို့ ဖြစ်ပါသည်။
ပြည်ထောင်စုမြန်မာနိုင်ငံအတွက် ထာဝရသစ္စာတရားမှာ NCA စာချုပ် သဘောတူညီမှုအရ ဒို့တာဝန်အရေးသုံးပါးကို ထာဝစဉ်ဦးထိပ်ထားရမည်ဟု ခံယူကြရမည်ဖြစ်သည်။
တိုင်းရင်းသားများအကြား ငြိမ်းချမ်းရေးရေစီးကြောင်း မကြာခဏ တန့်နေ ခြင်း၊ ရပ်နေခြင်းများမှာ မြစ်ရေကဲ့သို့ တက်လျှင်တက်၊ မတက်လျှင်ပြန်ကျ သွားနိုင်သည်။ နိုင်ငံတော်အတိုင်ပင်ခံပုဂ္ဂိုလ်၏ ငြိမ်းချမ်းရေးလုပ်ငန်းစဉ်နှင့် ပတ်သက်၍ ပြောဆိုချက်များမှာလည်း သဘောတရားဆန်လွန်းပြီး လက်တွေ့ ကျသည့် ဆုံးဖြတ်ချက်များ ညှိနှိုင်းပေးနိုင်ခြင်းမရှိသောကြောင့်ဟု တိုင်းရင်း သားများဘက်မှ အသံထွက်လာသည်။ ထို့အပြင် ၄င်းက ငြိမ်းချမ်းရေးလုပ်ငန်း စဉ်များအတွင်း ပြောဆိုခဲ့သည့် ''ကိုယ်ကဘာပေးမလဲ အရင်ဆုံးစဉ်းစားပါ'' ''ကိုယ်လိုချင်တာ လွယ်လွယ်ရမယ်ထင်လို့ လက်နက်ကိုင်ကြတာ''ဆိုသော စကားများသည် တိုင်းရင်းသားများအတွက် အားမတက်စေသည့်အပြင် စည်းရုံး ရေးအသွင်မဆောင်သောကြောင့် ယုံကြည်မှုကိုလျော့ပါးစေခဲ့သည်ဟု ဝေဖန်နေ ကြသည်။ မွန်ပြည်နယ် ချောင်းဆုံတံတားကိစ္စ၌လည်း ပြည်နယ်တစ်ခု၏ တံတားအမည်ပေးခြင်းအား ပြည်ထောင်စုလွှတ်တော်သို့ တင်သွင်းဆုံးဖြတ် ခဲ့ခြင်းမှာ တိုင်းရင်းသားနိုင်ငံရေးပါတီများ၊ တိုင်းရင်းသားလက်နက်ကိုင် များကြားတွင် မျှော်လင့်ယုံကြည်မှုကို လျော့ပါးစေခဲ့သည်။
တိုင်းရင်းသားတို့၏ယုံကြည်မှုမရဘဲ ငြိမ်းချမ်းရေးလုပ်ငန်းစဉ်ကို လုပ်၍ ရမည်မဟုတ်ပေ။ မြန်မာပြည်၏ ယနေ့ငြိမ်းချမ်းရေးလုပ်ငန်းစဉ်များအတွက် အလှည့်အပြောင်းသဘောမျိုးနှင့် ပိုမိုအားထည့်၊ ပိုမိုကြိုးစား၊ ပိုမိုတွေ့ဆုံညှိနှိုင်း၊ အပေးအယူ အလျှော့အတင်းလုပ်၍ ငြိမ်းချမ်းရေးပြဿနာများကိုလည်း ဖြေရှင်း ပြီး ထာဝရငြိမ်းချမ်းရေးရှေ့ခရီးပန်းတိုင်သို့ အမြန်လျှောက်လှမ်းနိုင်ရန် ရေးသား ရပါသည်။
UN
UN