images
UN
ပကတိအခြေအနေကိုထောက်ပြသည့် ဝေဖန်ရေးကို လက်ခံဖို့လိုသည်
| Saturday, 06 October 2018
လူတစ်ဦးချင်းသည်၊ လူ့အဖွဲ့အစည်းတစ်ခုသည်၊ ပါတီတစ်ရပ်ကုမ္ပဏီ တစ်ခုသည် မိမိတို့အားနည်းချက်ကို မိမိတို့ဘာသာ သိသင့်သည်။ သို့မဟုတ် ဝေဖန်ထောက်ပြသူရှိလာပါက လက်ခံဖို့ လိုအပ်သည်။ လက်ခံသင့် သည်သာဖြစ်သည်။ ကိုယ့်အမှားကိုယ်ပြင်နိုင်လျှင် ကိုယ့်အတွက်ကောင်း မည်သာဖြစ်သည်။ အမှားကိုမမြင်နိုင်၊ မှားသည်ဟု ထောက်ပြသည်ကို လက်မခံနိုင်၊ ဇွတ်အတင်းငြင်းဆန်နေပါက အမှန်တရားနှင့်ဝေးသည်ထက် ဝေးသွားပြီး နောက်ဆုံး၌ ပျက်ပြုန်းကျဆုံးခြင်းနှင့် ရင်ဆိုင်ရတတ်သည်။
ခေတ်သစ်လွန်(Postmodern)သီအိုရီတစ်ခုရှိသည်။ ''မြင်နေရတဲ့ဟာ အမှန်တရားပဲ'' (Every surface is real) ဟုဆိုသည်။ ဘာအကြောင်းပြ၊ ညာ အကြောင်းပြလုပ်မနေနှင့် မြင်နေရသောအပေါ်ယံ မျက်နှာပြင်သည်ပင် ပကတိအမှန်တရားဖြစ်၏ဟု ဆိုလိုသည်။
ချင်းအမျိုးသားဒီမိုကရက်တစ်ပါတီ၏မဲဆွယ်မူဝါဒကို ရွေးကောက်ပွဲ ကော်မရှင်ကတားမြစ်၍ နိုင်ငံပိုင်သတင်းစာနှင့်ရုပ်သံများတွင် မဲဆွယ်ဟော ပြောမှုမလုပ်ဆောင်တော့ဘဲ သပိတ်မှောက်ခဲ့ကြောင်း ၄င်းပါတီဥက္ကဋ္ဌ ကိုယ်တိုင်က အောက်တိုဘာ ၄ ရက်တွင် သတင်းစာတစ်စောင်သို့ ပြောဆို ခဲ့သည်။
ကြားဖြတ်ရွေးကောက်ပွဲအောင်နိုင်ပါက ပါတီ၏ဆောင်ရွက်မည့် မူဝါဒကို သုံးပုံနှစ်ပုံခန့် ပယ်ဖျက်ခံရသည့်အတွက် သပိတ်မှောက်ရ ကြောင်း ၄င်းကဆိုသည်။ ယခုအစိုးရသက်တမ်းသုံးနှစ်လောက်အတွင်း ချင်းပြည် နယ်မှာ ဘာမှဟုတ်တိပတ်တိ မလုပ်နိုင်ဘူးဆိုသောအချက်ကို ဖြတ်တောက် ခြင်းဟု သိရသည်။ ယင်းသည် ပကတိအခြေအနေ၊ ပကတိအမှန်တရားဟု ချင်းအမျိုးသားဒီမိုကရက်တစ်ပါတီက ထောက်ပြသည်။
ပြီးခဲ့သောဧပြီလမှာပြောခဲ့သည့် သမ္မတမိန့်ခွန်း၌လည်း ဝန်ထမ်း လစာ ကိန်းဂဏန်းတွက်ချက်ဖော်ပြမှုအတော်ကြီးမှားယွင်းနေကြောင်း၊ မိန့်ခွန်း စိစစ်ရမည့်သမ္မတရုံးကတာဝန်ရှိသူတွေကို အရေးယူဖို့သင့်ကြောင်း စသည် ဖြင့် ရေးသားထားသည့်ဆောင်းပါးတစ်ပုဒ်ကို ၂ဝ၁၈ ခုနှစ် အောက်တိုဘာ ၅ ရက် သောကြာနေ့ထုတ် DEMOCRACY today သတင်းစာတွင် ဖတ်ရသည်။ ၄င်းဆောင်းပါး၌ပင် ''ယခုအခါအစိုးရယန္တရားပြည်ထောင်စု ဝန်ကြီးဌာန၊ ပြည်နယ်၊ တိုင်းဒေသကြီးများမှ ဝန်ထမ်းများ အရည်အသွေး ကျဆင်းလာကြပြီး တစ်ချိန်က ဝန်ထမ်းကြီးတွေကို မမီတော့ဘူး''ဟု နှိုင်းယှဉ်ဝေဖန်ချက်ရေးသားထားသည်ကို တွေ့ရသည်။
ယင်းမှာလည်း ပကတိအခြေအနေ၊ ပကတိအမှန်တရားဟု ဆိုရမည် ဖြစ်သည်။
နိုင်ငံအတွက်အလုပ်လုပ်သူ၊ နိုင်ငံရေးလှုပ်ရှားဆောင်ရွက်သူ၊ နိုင်ငံ ရေးသမားသည် ပကတိအခြေအနေဘာလဲ အမြဲလေ့လာမှတ်သား သုံးသပ် ဝေဖန်နေသင့်သည်။ မိမိမမြင်သော မိမိသတိမထားမိသော ပကတိအခြေ အနေတစ်ခုကို ထောင့်တစ်ထောင့်မှ အမှားအမှန်၊ အဆိုး အကောင်းကို ကျိုးကြောင်းပြဝေဖန်လာသော၊ ဝေဖန်ချက်အား လေးစားစွာကြိုဆို ရမည်သာဖြစ်သည်။ ဝေဖန်ရေးကိုမကြိုဆိုချင်လျှင်၊ အဝေဖန်မခံနိုင်လျှင် နိုင်ငံရေးမလုပ်ဘဲနေဖို့သာဖြစ်သည်။ နိုင်ငံရေးနှင့် မထိုက်တန်သူသာ ဖြစ်မည်။
အာဇာနည်ဗိုလ်ချုပ်ကိုယ်တိုင်က သူတစ်ပါးအကျိုး၊ သူတစ်ပါး လွတ်လပ်ခွင့်မထိခိုက်လျှင် လွတ်လပ်စွာပြောဆိုလုပ်ကိုင်ခွင့်ရှိသည်ဟု သူ၏ ၁၉၄၇၊ ဇူလိုင် ၁၃ နောက်ဆုံးမိန့်ခွန်းတွင် ပြောထားသည်။
ထို့ကြောင့်ပကတိအခြေအနေကို ပကတိအခြေအနေအတိုင်း ဖွင့်ဟ ပြောပြဝေဖန်ထောက်ပြလာသူကို ကန့်သတ်ခြင်း၊ ချုပ်ချယ်ခြင်း၊ ပယ်ဖျက် ခြင်း၊ နှိပ်ကွပ်ခြင်းများရှောင်ရှား၍ လက်သင့်ခံဖို့သာရှိကြောင်း ရေးသား လိုက်ရပါသည်။
UN
UN