images
UN
နိုင်ငံတော်ကို ပညာဖြင့် တည်ဆောက်ရမည်
| Monday, 24 June 2019
တံခါးဖွင့်နိုင်ငံရေးယဉ်ကျေးမှုအရ ပညာရေးကဏ္ဍတွင် ပုဂ္ဂလိက ကျောင်းအများအပြား ပေါ်လာခြင်းသည် ပညာရေးဆိုင်ရာအခွင့်အရေး မညီမမျှမှုကို သိသိသာသာ ဖြစ်ပွားစေသည်။ ဝင်ငွေကောင်းသောမိဘများ နှင့် ဝင်ငွေနည်းသောမိဘများ ကျောင်းရွေးချယ်ခွင့်ကို ခြားနားစေသည့်အပြင် ကန့်သတ်မှုလည်း ဖြစ်သွားသည်။ ကလေးငယ်များ ကျောင်းသားကျောင်းသူ များ၏ တစ်ပြေးညီ ပညာဆည်းပူးခွင့် အခွင့်အရေးကို အစိုးရက တိကျစွာ ကြီးကြပ်ကွပ်ကဲမှု လုပ်ဆောင်သင့်ပါသည်။ အစိုးရကျောင်းများကိုလည်း အရည်အသွေးမြင့်မားအောင် လုပ်ရမည်။ အရည်အသွေး မြင့်မားမှသာ ကလေးသူငယ်အများစု၏ ပညာရေးအဆင့်လည်း မြင့်မားလာပြီး အခွင့် အရေးလည်း တန်းတူဖြစ်လာမည် ဖြစ်သည်။
ပညာရေးကဏ္ဍတွင် အရည်အသွေးမြှင့်တင်ရန် တန်းတူရည်တူ ဖြစ်ရန် အရေးအတွက် ပညာရေး အသုံးစရိတ်ကို လုံလောက်စွာ သုံးစွဲသင့်သည်။
၂ဝ၁၅ ခုနှစ် မေလတွင် ကိုရီးယားနိုင်ငံ အင်ချွန်းမြို့၌ ကျင်းပခဲ့သည့် ကမ္ဘာ့ပညာရေးညီလာခံက နိုင်ငံအသီးသီးသည် ပညာရေးအသုံးစရိတ်ကို တစ်နိုင်ငံလုံးအသုံးစရိတ်၏ ၁၅ရာခိုင်နှုန်းမှ ရာခိုင်နှုန်း၂ဝအထိ သုံးစွဲရန် သဘောတူညီထားခဲ့ကြသည်။ ထိုအချက်ကို မြန်မာနိုင်ငံအစိုးရနှင့်ပညာရေး ဝန်ကြီးဌာနတို့ကလည်း ပါဝင်သဘောတူလက်ခံထားပြီးဖြစ်သည်။ သို့သော် ယနေ့လက်ရှိ မြန်မာနိုင်ငံ၏ ပညာရေးအသုံးစရိတ်မှာ တစ်နိုင်ငံလုံးအသုံး စရိတ်၏ ၇ ရာခိုင်နှုန်းခန့်သာ ရှိသေးကြောင်း သိရသည်။
၂ဝ၁၅ ဖေဖော်ဝါရီတွင် ကျင်းပခဲ့သည့် လေးပွင့်ဆိုင်ဆွေးနွေးပွဲ၌ ကျောင်းသားများ တောင်းဆိုချက် ၁၁ ချက် တင်ရာတွင် ပညာရေးအသုံး စရိတ် ရာခိုင်နှုန်း ၂ဝ တောင်းဆိုသည်မှာ မဆိုးပါဟု ဆိုရမည်။ ၄င်း တောင်းဆိုချက်ကို အစိုးရနှင့် လွှတ်တော်ကိုယ်စားပြု တက်ရောက်သူများက
သဘောတူခဲ့ကြသည်။ သို့ရာတွင် ယခုအခါ ပညာရေးကဏ္ဍ ပြုပြင် ပြောင်းလဲရေးအတွက် ဘဏ္ဍာငွေရင်းနှီးမြှုပ်နှံမှုမှာ အားနည်းနေဆဲသာ ဖြစ်ပါသည်။
ကျောင်းစည်းကမ်း ဖောက်ဖျက်၍ အရေးယူရသည်ဟု မကြာခဏ ကြားသိနေရသည်။ ဒီမိုကရေစီနိုင်ငံတော်သို့ ချီတက်ပါမည်၊ တည်ဆောက် ပါမည်ြေ<ွကးကြော်ထားသော်လည်း တားဆီးကန့်သတ်ချက် များစွာကြောင့် ကျောင်းစည်းကမ်းများသည် တရားမျှတမှုမရှိဟု ပညာရေးနှင့်ပတ်သက် သည့် ပညာရှင်များက ထောက်ပြလာကြသည်။ ပညာရေးအသုံးစရိတ် တိုးမြှင့်ရန် တောင်းဆိုသော ကျောင်းသားများကို ကျောင်းစည်းကမ်းဖြင့် ဖိနှိပ် လမ်းလွှဲ လုပ်လိုက်ခြင်းသည် တရားနည်းလမ်းကျပါ၏လောဟု စောကြောဖို့ ဖြစ်လာသည်။ စောကြော စစ်ဆေး မေးမြန်း ဝေဖန် ထောက်ပြ ခြင်းသည် ဒီမိုကရေစီ ဖြစ်ပါသည်။
ပညာရေးအသုံးစရိတ် တိုးမြှင့်ရန် တောင်းဆိုမှုသည် နိုင်ငံတော်၏ လိုအပ်ချက် ဖြစ်သည်။ အရေးယူဖို့မသင့်ပေ ဆောင်ရွက်ပေးဖို့သာဖြစ်ရမည်။
နိုင်ငံတော်တစ်ဝန်းလုံး တစ်ပြေးညီ တရားဥပဒေစိုးမိုးမှု ရှိရန်မှာ တရားမျှတသောဥပဒေများ၊ လုပ်ထုံးလုပ်နည်းများ၊ ညွှန်ကြားချက်များ ဖြစ်နေဖို့လိုပါသည်။ ပညာရေးကဏ္ဍတွင် တရားမျှတသော ဥပဒေများ ပြဋ္ဌာန်းနိုင်ရေး၊ ပညာရေးဆိုင်ရာဆုံးဖြတ်ချက်၊ ညွှန်ကြားချက်၊ လုပ်ဆောင် ချက်များကို ဖော်ဆောင်ရာ၌ ပညာရေးနှင့်ပတ်သက်သူအားလုံး ဒီမိုကရေစီ နည်းကျ ပါဝင်ခွင့်ရှိကြဖို့ သက်ဆိုင်ရာမှ ဖန်တီးပေးရပါမည်။ ပညာရေး သည် လူ့အခွင့်အရေးပင်ဖြစ်သည်ဟူသော ရပ်တည်ချက်ကို သဘောပေါက် စွာ ခံယူကျင့်သုံးမှု ရှိသင့်ပါသည်။
''ပညာ''ဟူသည် ''ခွဲခြမ်းသိမြင်နိုင်စွမ်းသော အသိÓဏ်''ဟု မြန်မာစာအဖွဲ့ မြန်မာအဘိဓာန်က ဖွင့်ပါသည်။
အချက်အလက် ယနေ့အခေါ်''ဒေတာ''များလောက်နှင့် ပညာမဖြစ် ပါ။ ယင်းကို''အလုပ်''နှင့် ပေါင်းစပ်နိုင်မှ ''ပညာ''ဟု ယူသင့်ပါသည်။ သတင်းအချက်အလက် အင်ဖော်မေးရှင်းဒေတာများကို လက်တွေ့အသွင် ပြောင်းနိုင်မှသာ ''အိုင်ဒီယာ''တစ်နည်း''ပညာ''မည်ပါသည်။
နိုင်ငံတော်ကို ပညာဖြင့် တည်ဆောက်ရပါမည်။ ပညာရေးဖြင့်သာ နိုင်ငံတော်ကို ဖွံ့ဖြိုးတိုးတက်အောင် လုပ်ဆောင်နိုင်ပါမည်။ ပညာဦးစီးမှုဖြင့် သာ တရားမျှတသော၊ ကိုယ်ပိုင်ပြဋ္ဌာန်းခွင့်ရှိသော၊ ငြိမ်းချမ်းသာယာသော ဖက်ဒရယ်ဒီမိုကရေစီနိုင်ငံတော်သို့ ချီတက်နိုင်ပါမည် ဖြစ်ပါကြောင်း ရေးသားလိုက်ရပါသည်။
UN
UN