images
UN
အစိုးရများနှင့် ကောင်းမွန်သော အုပ်ချုပ်ရေးကျင့်ဝတ်
| Monday, 05 August 2019

ဝါဒအမျိုးမျိုး၊ စနစ်အမျိုးမျိုး၊ ခေတ်အမျိုးမျိုးနှင့် အစိုးရအမျိုးမျိုး ရှိခဲ့သော်လည်း အစိုးရဟုဆိုရာတွင် ယနေ့နိုင်ငံတော်ကို အုပ်ချုပ်နေသော အစိုးရကိုသာ အဓိကရည်ညွှန်းလိုပါသည်။ အဘယ့်ကြောင့်ဆိုသော် အတိတ် အစိုးရတို့သည် သမိုင်းစာအုပ်ထဲ ရောက်သွားပြီး ၄င်းတို့အား ပြောဆိုနေရန် မသင့်သကဲ့သို့ ဇရာနှင့်မရဏရောက်နေသော ပုဂ္ဂိုလ်များလည်း ဖြစ်နေကြ ပေသည်။ နောက်ဖြစ်ပေါ်လာမည့် အနာဂတ်အစိုးရများကလည်း ဘယ်သူ တွေဖြစ်မည်ဆိုတာကိုလည်း မျှော်မှန်း၍မရသေးသည့်အချိန်အခါ ဖြစ်သည်။
ရှေးယခင်က ပဒေသရာဇ်စနစ်ခေတ်ဖြစ်၍ အုပ်ချုပ်သူကို 'မင်း'ဟု ခေါ်သည်။ ၄င်း'မင်း'အခေါ်အဝေါ်သည် ၁၉၅ဝ၊ ၁၉၆၂ ကာလများ ရောက်သည့်တိုင် ဝန်မင်း၊ အရာရှိမင်း၊ လယ်ဝန်မင်း၊ ဝန်ထောက်မင်းဟု ခေါ်နေကြဆဲ ဖြစ်သည်။ အခေါ်အဝေါ် ဘယ်သို့ပင် ပြောင်းပြောင်း အုပ်ချုပ် သူ(သို့မဟုတ်) အုပ်ချုပ်သောအစိုးရသည် 'မင်း'ဟူသော သဘောတရား ကား
ပြောင်းသွားသည်မဟုတ်ပေ။ ထို့ကြောင့် ရှေးက'မင်းကျင့်တရား ၁ဝ ပါး'ဟု ပြဋ္ဌာန်းထားရာတွင် ယနေ့ ၂၁ ရာစုခေတ်များတိုင် သက်ရောက် မှုကား ရှိနေမြဲသာ ဖြစ်သည်။
အလှူပေးခြင်း၊ ငါးပါးသီလ ဆောက်တည်ရခြင်း၊ ပေးကမ်းချီးမြှင့် စွန့်ကြဲရခြင်း၊ ကိုယ်နှုတ် နူးညံ့သိမ်မွေ့ရခြင်း၊ သီလစောင့်ထိန်းရခြင်း၊ အမျက်မထွက်ရခြင်း၊ ရဟန်းရှင်လူပြည်သူနှင့် မဆန့်ကျင်ရခြင်း၊ မနှိပ်စက် ရခြင်း၊ သည်းခံရခြင်း၊ ဖြောင့်မတ်မှန်ကန်စွာ ကျင့်ရခြင်း ဟူသည့် မင်းကျင့် တရား ၁ဝ ပါးသည် ယနေ့ကာလရောက်သည့်တိုင် ကောင်းမွန်သော အုပ်ချုပ်ရေးအတွက် လိုအပ်သော ကျင့်ဝတ်စည်းကမ်းများသာ ဖြစ်နေဆဲဟု ဆိုရမည်။
ဒီမိုကရေစီပြုပြင်ပြောင်းလဲရေး၊ ငြိမ်းချမ်းရေး၊ ညီညွတ်ရေး၊ ဖွံ့ဖြိုးရေး၊ တရားဥပဒေစိုးမိုးရေး၊ ပညာရေး၊ နိုင်ငံရေး၊ စီးပွားရေးများ မချောမွေ့၊ မလွယ်ကူသည့်တိုင် ရွေးကောက်ခံ ပြည်သူ့ကိုယ်စားပြုအစိုးရသည် ကောင်း မွန်သောအုပ်ချုပ်ရေးကျင့်ဝတ်များနှင့် ပွင့်လင်းမြင်သာသော တာဝန်ခံမှု တာဝန်ယူမှုကို အပြည့်အဝပြသရန် လိုအပ်သည်။ အစိုးရမဖြစ်မီနှင့် အစိုးရ ဖြစ်ပြီးသည့်နောက်ပိုင်း နိုင်ငံတော်၏ ဖွံ့ဖြိုးတိုးတက်မှုမှာ သိသိသာသာ ကွာခြားသင့်ပါသည်။
ယခုအခါ ကျရှုံးနိုင်ငံ(Failed State) ဟူသော အသုံးအနှုန်းပေတံ ပေါ်လာသည်။ ယင်း၏အဓိပ္ပာယ်မှာ အစိုးရတစ်ရပ်သည် မိမိတာဝန်ယူထား သော နိုင်ငံတွင် အုပ်ချုပ်ရေးလုပ်ငန်းစဉ်များ ဆောင်ရွက်ရာ၌ တာဝန်ခံမှု၊ တာဝန်ယူမှုမရှိဘဲ ပေါ့ပေါ့ဆဆ၊ မေ့မေ့လျော့လျော့ မနေသင့်ပါ။ ဖြစ်ပေါ် လာနေသော အကျိုးဆက်ရလဒ်များနှင့် တာဝန်ဝတ္တရားများကို မိမိတို့မှာ တာဝန်မရှိသယောင် အတိတ်ကို လက်ညှိုးထိုး၊ အတိုက်အခံဒီမိုကရေစီ ဘက်တော်သားများကိုလည်း 'အဖျက်'ဟု မြင်လိုမြင်၊ အလွဲများ အမှားများ၊ အဂတိများ၊ ပါတီစွဲ အုပ်စုဂိုဏ်းဂဏစွဲများထဲမှာ'နစ်'နေလျှင် ယင်းနိုင်ငံ တိုင်းပြည်သည်လည်း ချွတ်ခြုံကျ၍ ကျဆုံးသွားနိုင်ကြောင်းကို ဆိုလိုပါ သည်။
လူ့အဖွဲ့အစည်းကို အုပ်ချုပ်သူများသည် စိတ်ကောင်းရှိကြရမည်။ ကိုယ်တိုင်က အုပ်ချုပ်စီမံခန့်ခွဲမှု ကောင်းရပါမည်။ လူ့အဖွဲ့အစည်းဝင် လူမှုနိုင်ငံရေးပါဝင်ဆောင်ရွက်သူ (Stakeholders) များ ကောင်းလာကြမှ ကောင်းမွန်သောအုပ်ချုပ်ရေးစနစ် ပုံပေါ်လာမှာဖြစ်ပြီး ကောင်းသောလူ့အဖွဲ့ အစည်း(Good Society) ဖြစ်လာနိုင်ပါသည်။
သို့ဖြစ်ရာ အစိုးရတစ်ရပ်သည် ကောင်းမွန်သောအုပ်ချုပ်ရေးကျင့်ဝတ်နှင့် အညီ ဆောင်ရွက်နိုင်ပါမှ အစိုးရလည်း ကောင်း၊ ပြည်သူလည်း ကောင်းပြီး နိုင်ငံတော် ဖွံ့ဖြိုးတိုးတက်လာမည်ဖြစ်ကြောင်း ရေးသားလိုက်ရပါသည်။
UN
UN