images
UN
ဖွဲ့စည်းပုံအခြေခံဥပဒေကို ယိမ်းယိုင်မှုမရှိအောင်ထိန်းသိမ်းပါ
| Wednesday, 07 August 2019
ပါလီမန်ဒီမိုကရေစီခေတ် နောက်ဆုံးနေ့ဖြစ်သည့် ၁၉၆၁ခုနှစ် မတ် ၁ရက်က ကျင်းပခဲ့သည့် ခါးကျိုးသွားသောလူမျိုးပေါင်းစုံ နှီးနှောဖလှယ်ပွဲ ကြီးဟု အမည်တွင်ခဲ့သည့် အစည်းအဝေးပွဲကြီးတွင် အချင်းချင်း မကျေနပ်မှု၊ မယုံကြည်မှု၊ အခြေခံများက အခုမှဖြစ်တဲ့ကိစ္စမဟုတ်ပါ။ ရှေးပဒေသရာဇ် ခေတ်၊ နယ်ချဲ့ခေတ်များကစပြီး နှစ်ပေါင်းများစွာစုပုံလာခဲ့တဲ့ အမွေဆိုးကြီး ဖြစ်ပါတယ်လို့ ပမညတ ကိုယ်စားလှယ်ဝိဓူရ သခင်ချစ်မောင်က ပြောကြား ခဲ့သည်။
ထိုပြောကြားချက်သည် ယနေ့ထိ မြန်မာနိုင်ငံသားပြည်သူအများကို သတိပေးနေသည်ဟု ဆိုရပါမည်။
ယနေ့ပြင်ဆင်ရေးအတွက် အကြိတ်အနယ်ဖြစ်နေသည့် ဖွဲ့စည်းပုံ အခြေခံဥပဒေ (၂ဝဝ၈ခုနှစ်)သည် အချိန်များစွာယူပြီး ရေးဆွဲခဲ့ပြီး ပြည်သူ များ၏ထောက်ခံမှုဖြင့် အတည်ပြုထားသည့် ဥပဒေဖြစ်ပါသည်။ ထိုဥပဒေ ဖြင့် ပါတီစုံဒီမိုကရေစီစနစ်ကို လျှောက်လှမ်းခဲ့ရာတွင် အစိုးရသက်တမ်း တစ်ခုမှ နောက်ဒီမိုကရေစီအစိုးရသက်တမ်းတစ်ခုသို့ သွေးမြေမကျဘဲ တိုင်းပြည် တာဝန်ကို လွှဲပြောင်းပေးနိုင်ခဲ့ပြီးဖြစ်သည်။
လက်ရှိအာဏာရအစိုးရသည် ဖော်ပြခဲ့သည့် ဖွဲ့စည်းပုံအခြေခံဥပဒေကို ကိုင်တွယ်ပြီးသစ္စာပြုကာ နိုင်ငံတော်တာဝန်ကို လွှဲပြောင်းရယူခဲ့သည့် အစိုးရ ဖြစ်ပါသည်။ စောင့်ထိန်းရမည့်တာဝန် အပြည့်ရှိပါသည်။ အစိုးရ လွှတ် တော်နှင့်တပ်မတော်ကအစ နိုင်ငံသားအားလုံးသည် ဖွဲ့စည်းပုံအခြေခံ ဥပဒေ (၂ဝဝ၈ခုနှစ်)အတိုင်းလိုက်နာကြပြီးလုပ်ဆောင်ဖွယ်ရာကိစ္စအဝဝကို လုပ် ဆောင်ကြရမည်သာဖြစ်ပါသည်။
ဖွဲ့စည်းပုံအခြေခံဥပဒေ(၂ဝဝ၈ခုနှစ်)ကို အကောင်အထည်ဖော် ဆောင် ရွက်ခဲ့သည့် သက်တမ်းကာလမှာ ရှစ်နှစ်ပင်မရှိသေးပါ။
¤င်းဥပဒေကို ခေတ်ကာလနှင့်ကိုက်ညီအောင် ပြင်ဆင်မည်ဆိုခြင်းကို မည်သူကမျှ မကန့် ကွက်ခဲ့ပါ။ ပြင်ဆင်ရေးကို အစိ်ုးရ၊တပ်မတော်နှင့်ပြည်သူအားလုံး တစ်ခဲနက် ထောက်ခံလျက်ရှိသော်လည်း ဖွဲ့စည်းပုံအခြေခံဥပဒေ (၂ဝဝ၈ခုနှစ်)တွင် ဖော်ပြပါရှိသော ပြဋ္ဌာန်းထားသောဥပဒေနှင့်အညီသာ နိုင်ငံတော်၏အတိတ်၊ ပစ္စုပ္ပန်နှင့်အနာဂတ်အရေးသုံးပါးကိုတွက်ဆပြီး အသိÓဏ်ပညာကြီးကြီး ထားကာပြင်ဆင်ကြရမည်ဖြစ်ပါသည်။ ယနေ့လွှတ်တော်တွင် တွေ့မြင်နေရ သော မိမိတို့အလိုရှိသည့်အတိုင်း အကောင်အထည် ရုပ်လုံးဖော်နေခြင်းကို ချွန်းနှင့်အုပ်သင့်ပါသည်။
ပြင်ဆင်ဖြည့်စွက် ပယ်ဖျက်လိုသောအချက်တွေကိုလေ့လာကြည့်သည့် အခါ နိုင်ငံသားအများစုကိုးကွယ်သည့် ဗုဒ္ဓဘာသာကိုလည်း အခြားသော လူနည်းစုကိုးကွယ်သော ဘာသာတွေနှင့်တန်းညှိပြီး နှိမ့်ချထားတာကိုတွေ့ရ တယ်။ အားလုံးခြုံငုံပြီးပြောရရင် ဗမာလူမျိုးစုမုန်းတီးရေး၊ တပ်မတော်ကို မုန်းတီးရေး၊ ဘာသာတရားကို နှိမ့်ချရေး၊ မိမိတို့အာဏာတည်မြဲရေးဆိုတဲ့ ရင်ထဲမှာသိုဝှက်ထားကြတဲ့ အမုန်းတရားတွေ၊ အာဃာတစိတ်ထားတွေ၊ လစ်ဘရယ် အစွန်းရောက်စိတ်ဓာတ်တွေ၊ အာဏာကို မက်မောတွယ်တာတဲ့ သဘောထားတွေကို အတိုင်းသားတွေ့မြင်နေရပါတယ်ဟု သတင်းစာ ဆောင်းပါးရှင်တစ်ဦးရေးထားသည်ကို ဖတ်ရှုမှတ်သားရသည်။
ကမ္ဘာ့နိုင်ငံအသီးသီးတွင် ကိုယ်စီဖွဲ့စည်းပုံအခြေခံဥပဒေများနှင့် နိုင်ငံ တော်နှင့်နိုင်ငံသားတို့၏ အကျိုးစီးပွားများရာများကြောင်း ကိစ္စရပ်များအား ဆောင်ရွက်ကြသလို ထို Mother Law ကိုလည်း မယိုင်မလဲခိုင်မြဲစွာ ကမ္ဘာ တည်သရွေ့ တည်ရှိနေစေရန် ထိန်းသိမ်းကာကွယ်စောင့်ရှောက်ကြသည်ကို ထင်ရှားစွာ တွေ့မြင်နိုင်ပါသည်။
သို့ဖြစ်ရာ အထက်တွင်ဖော်ပြခဲ့သလို ရှေးနှစ်ပေါင်းများစွာကတည်း က စုပုံလာခဲ့သည့် အမွေဆိုးကြီးကို ဖယ်ရှားကြပြီး နိုင်ငံတော်၏ရတနာ တစ်ပါးဖြစ်သည့် ဖွဲ့စည်းပုံအခြေခံဥပဒေ(၂ဝဝ၈ခုနှစ်)ကို ပြင်ဆင်ရာတွင် မူလ ရှိရင်းစွဲ နိုင်ငံတော်နှင့်နိုင်ငံသားတို့၏ အကျိုးစီးပွား ဦးထိပ်ထားပြဋ္ဌာန်း ချက်များကို ထပ်မံအားဖြည့်မှုဖြစ်စေသည့် ဆွေးနွေးချက် အကောင်အထည် ဖော်ချက်များကိုကြိုဆို၍ ပြိုလဲယိမ်းယိုင်မှုမရှိအောင် ကာကွယ်ထိန်းသိမ်း ဖုိ့လိုပါကြောင်း ရေးသားအပ်ပါသည်။
UN
UN