images
UN
ငြိမ်းချမ်းရေးနှင့်ဒီမိုကရေစီကောင်းမွန်ဖို့လိုသည်
| Sunday, 08 September 2019

သတင်းစာမီဒီယာ စတုတ္ထမဏ္ဍိုင်သည် ပြည်သူ့အကျိုးစီးပွားဘက်က ခိုင်ခိုင်မာမာ ရပ်တည်ရမြဲဖြစ်သောကြောင့် တစ်နိုင်ငံလုံး ငြိမ်းချမ်းရေးနှင့် ဒီမိုကရေစီလမ်းကြောင်း ကောင်းမွန်ချောမွေ့စေလိုသည်မှာ သဘာဝ ဖြစ်ပါ သည်။ ထိုသို့ငြိမ်းချမ်းစွာ ဒီမိုကရေစီနည်းကျစွာလုပ်ဆောင်နိုင်ကြပါမှ စီးပွားဖွံ့ဖြိုးတိုးတက်တည်ငြိမ်ရေးလည်း အဓိပ္ပာယ်ရှိရှိ ပေါ်ထွန်းလာနိုင်မည် ဖြစ်ပါသည်။
ထိုသို့မဟုတ်မူဘဲ ငြိမ်းချမ်းရေးလည်းဝေး၊ ဒီမိုကရေစီရေးလည်း ဝေးနေပါ လျှင် ဖွံ့ဖြိုးရေးအမည်ခံစီးပွားရေးကိုလုပ်၍ရမည်မဟုတ်ကြောင်း လက်ရှိ ပစ္စုပ္ပန်အခြေအနေက သင်ကြားပြသသင်ခန်းစာရလောက်နေပြီဟု ရှုမြင်မှုများ ပေါ်လာသည်။
အခြေခံအကြောင်းများမှာ လွတ်လပ်ရေးမရမီကပင်စခဲ့ကြသော အကြမ်း ဖက် သောင်းကျန်းမှုကိစ္စသည် ယခု ၂ဝ၁၉ စက်တင်ဘာရောက်လာချိန်အထိ လျော့ကျမသွားဘဲ ပိုမိုဆိုးရွားလာသည်။ ၁၉၄၉ ခုနှစ်ဝန်းကျင်ကဲ့သို့ ပြည်သူ တို့၏ စိတ်ပင်ပန်းပြီး ဘေးဒုက္ခတစ္ဆေခြောက်ခံရသလိုဖြစ်နေခဲ့ကြသည်။ တပ်မတော်က တစ်ဖက်သတ် အပစ်ရပ်ပေးသည်မှာ ကိုးလတိုင်ခဲ့ပြီဖြစ်သော် လည်း တစ်ဖက်က မရပ်ဘဲတိုက်ပွဲများ ဖန်တီးလာသည်။ မီးခိုးမဆုံး မိုးမ ဆုံး အကြမ်းဖက်တိုက်ပွဲများကြောင့် ငြိမ်းချမ်းရေး လမ်းဆုံးသွားမည်လောဟု တွေးတောပူပန်နေရပြီဖြစ်သည်။
အဓိကလမ်းမကြီးများ ပိတ်ဆို့ခံထားနေရပြီး တံတားများဖောက်ခွဲ ဖျက်ဆီးခံနေရသည်။ မီးရှို့မှုများ အဆက်မပြတ်ဖြစ်ပွားနေရာ ကုန်သွယ်ရေး လုပ်ငန်းများက ရပ်ဆိုင်းသွားသည်။
ပထမဒီမိုကရေစီအစိုးရလက်ထက်NCA အပစ်အခတ် ရပ်စဲရေးမှ ငြိမ်းချမ်းရေးသို့ လမ်းပွင့်လာ၍ မီဒီယာနှင့်ပြည်သူများက အားရဝမ်းသာ ဖြစ်ခဲ့ကြသည်။ ယခုနောက်ပိုင်းအစိုးရလက်ထက်တွင် ငြိမ်းချမ်းရေး အရှိန် လျှော့ကျသွားပြီး အချို့အဖွဲ့များ နုတ်ထွက်ဆိုင်းငံ့သွားသည်ကို တွေ့နေရ သည်။
ယခင်ရရှိခဲ့ပြီးသော အခြေအနေကောင်းများ ယိမ်းယိုင်လာခဲ့သည်။ အပစ်ရပ်ပြီဟုကြေညာသောနေ့မှာပင် ကုန်သွယ်ကားများ၊ ခရီးသည်ကား များမီးရှို့၊ ပြည်သူများကိုပစ်ခတ်လုပ်နေကြဆဲပင်ဖြစ်သည်။
ဒီလိုပုံနှင့်မိုးကြီးချုပ်လျှင် ၂ဝ၂ဝ ရွေးကောက်ပွဲကျင်းပနိုင်ပါမည်လားဟု စဉ်းစားလာကြပြောဆိုလာကြ ရေးသားလာကြသည်။ ရွေးကောက်ပွဲ လုပ်မရသောနယ်မြေ များသထက်များလာလျှင် ဒီမိုကရေစီဘောင်ကကျဉ်း သထက်ကျဉ်းသွားဖို့သာရှိသည်ဟု ဝေဖန်ချက်များထွက်လာသည်။
တိုက်ပွဲခေါ်သံများနောက်မှာ အစွန်းရောက် လူမျိုးရေးပါလာပြီး မီးတောက်က ပိုပြင်းလာနိုင်ကြောင်း ပညာရှင်တို့က စိုးရိမ်တကြီးထောက်ပြ ကြသည်။ နိုင်ငံ့အတွက် အန္တရာယ်များလာသည်။
ထိုသို့သော ငြိမ်းချမ်းရေးမရနိုင်ဘဲ ဒီမိုကရေစီဖော်ဆောင်မှုမပြုနိုင်သေး သည့် အခြေအနေကြားထဲသို့ မည်သည့် ပြည်တွင်းပြည်ပစီးပွားရေးသမားကမှ သွားရဲ၊ လာရဲ၊ လုပ်ရဲမည်မဟုတ်ကြောင်းထင်ရှားပါသည်။
ဒီမိုကရေစီသည်ကံကောင်းသည်၊ တန်ဖိုးရှိသည်ဟုThe Economist အီကောနောမစ် မဂ္ဂဇင်းကြီးက မကြာမီကရေးလိုက်သည်။
ချာချီကြီးက ဒုတိယကမ္ဘာစစ်အပြီးမှာပင် ''ဖက်ဆစ်စနစ်နှင့် ကွန်မြူနစ် စနစ်ကိုမကြိုက်လို့သာ ဒီမိုကရေစီကိုရွေးလိုက်ရတာ သိပ်ပြီးကျေနပ် စရာမရှိ လှပါ''ဟု ပြောဖူးသည်။
ကျေနပ်စရာရှိသည်ဖြစ်စေ၊ မရှိသည်ဖြစ်စေ၊ ကံကောင်းသည်ဖြစ်စေ၊ ကံမကောင်းသည်ဖြစ်စေ၊ တန်ဖိုးရှိသည်ဖြစ်စေ၊ တန်ဖိုးမရှိသည်ဖြစ်စေ ကိုယ် ရွေးချယ်လိုက်သောလမ်းကို ကိုယ်တိုင်အောင်မြင်စွာလျှောက်ကြဖို့အရေးမှာ အားလုံးမှာတာဝန်ရှိနေသည်။
အမြင့်ဆုံးတာဝန်ခံထားသူများ၊ တာဝန်ရှိသူများကပို၍ တာဝန်ကြီးကြီး မားမား ရှိနေပါသည်။
သို့ဖြစ်ရာ ယနေ့နိုင်ငံနှင့်အဝန်း မငြိမ်းချမ်းသေးသည့် ငြိမ်းချမ်းရေး ပြဿနာနှင့် ဒီမိုကရေစီကို မှန်မှန်ကန်ကန်မကျင့်သုံးနိုင်သည့်ပြဿနာများက နိုင်ငံပြိုလဲမည့်အရေးကို ဦးတည်နေပါကြောင်း အသိပေးရေးသားလိုက်ရ ပါသည်။
UN
UN