images
UN
ပြည်သူ့အရေး အမျိုးသားရေး ဒီမိုကရေစီအရေး ရှေ့တန်းကရပ်တည်မည်
| Wednesday, 11 September 2019
ပြည်သူများ လျှောက်လှမ်းချင်သည်ဆိုသော ဒီမိုကရေစီလမ်းပေါ်တွင် အမျိုးသားအကျိုးစီးပွားဖြစ်သည့် ပြည်ထောင်စုမပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေး ဦးတည်ချက်များကိုင်စွဲလျက် ပြည်သူများနှင့်အတူ ရှေ့တန်းကမားမား ရပ်နေသည်မှာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဟုဆိုရပါမည်။
''ပြည်ခိုင်ဖြိုးပါတီရှိနေသမျှ မြန်မာပြည်နယ်နိမိတ်မပြောင်းလဲစေရ'' ဟူသော ခံယူချက်ကိုလည်း ဦးထိပ်ပန်ဆင်ထားပေသည်။
နိုင်ငံတစ်နိုင်ငံ၌ အစိုးရကောင်းတစ်ရပ် တည်ရှိရန် လိုအပ်ပါသည်။ ထို့အပြင် အတိုက်အခံပါတီကောင်းလည်း ရှိနေရပါမည်။ ဒီမိုကရေစီသည် ရန်ရှာ ရန်ဘက်ထားသော စနစ်မျိုးမဟုတ်ဘဲ အစိုးရသည် အတိုက်အခံပါတီ များနှင့်လက်တွဲ အလုပ်လုပ်သွားရန်သာဖြစ်သည်။
အားကစားစိတ်ဓာတ်သည် လူမျိုး ဘာသာ အသားအရောင် မည်မျှကွဲပြား သည်ဖြစ်စေ အားကစားစိတ်ဓာတ် သန့်သန့်ရှင်းရှင်းဖြင့် ယှဉ်ပြိုင်ဆင်နွှဲရ သကဲ့သို့ နိုင်ငံနှင့် လူမျိုးအတွက် Win-Win သီအိုရီအရ အားလုံးပါဝင် အောင်မြင်ရေး လှုပ်ရှားဆောင်ရွက်ကြရပါမည်။ မတူကွဲပြားမှုများရှိနေသော် လည်း တူနိုင်သမျှ ညှိနှိုင်းဆောင်ရွက်ကြရပါမည်။ မတူသေးသည်ကိုလည်း အမုန်းမပွားဘဲ စိတ်ရှည်ရှည်ဖြင့် စည်းရုံးဆောင်ရွက်ရန် ဖြစ်ပါသည်။ ယခုလို နိုင်ငံတော်
ယိုယွင်းမှုရှိနေချိန်တွင် ထိုသို့ဆောင်ရွက်ရန် ပို၍ပင်လိုအပ်ပါသေး သည်။ ထို့ကြောင့်ပင် ပြည်ခိုင်ဖြိုးပါတီသည် မှန်ကန်သော စိတ်ဓာတ်၊ မှန်ကန်သော သဘောတရား၊ မွန်မြတ်သောရည်ရွယ်ချက်၊ ယုံကြည်ချက် များဖြင့် တိုင်းရင်းသား ပြည်သူအားလုံးကို အလုပ်အကျွေးပြုရန် ကြိုးစားလျက် ရှိပေသည်။
ထိုပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ၂ဝ၁၉ စက်တင်ဘာ ၁၄ ရက်မှ ၁၅ ရက်ထိ ပဉ္စမအကြိမ် ဗဟိုကော်မတီအစည်းအဝေး(၂ဝ၁၉)ကို ကျင်းပမည်ဟု စက်တင်ဘာ ၈ ရက် နေ့စွဲဖြင့် ထုတ်ပြန်ခဲ့ပေသည်။
ပါတီတွင်းစည်းလုံးညီညွတ်မှုပိုမိုကျစ်လျစ်ခိုင်မာရေး၊ ပါတီစည်းကမ်း နှင့်မူဝါဒ၊ လမ်းညွှန်ချက်များကို တိကျစွာထိန်းသိမ်းလိုက်နာအကောင် အထည်ဖော်ရေး၊ နိုင်ငံတော်တည်ငြိမ်အေးချမ်းမှုနှင့် စီးပွားဖွံ့ဖြိုးမှု မပျက် ယွင်းစေဘဲ ဖွဲ့စည်းပုံအခြေခံဥပဒေ(၂ဝဝ၈)ကို ခေတ်ကာလလိုအပ်ချက်နှင့် အညီ နည်းလမ်းတကျအဆင့်ဆင့်ပြင်ဆင်ရေး၊ အမျိုးသားပြန်လည်သင့်မြတ် ရေးနှင့် ဒီမိုကရေစီနှင့်ဖက်ဒရယ်စနစ်ကို အခြေခံသော ပြည်ထောင်စုနိုင်ငံ ပေါ်ထွန်းရေး၊ တစ်နေ့တခြား နိမ့်ပါးယိုယွင်းလာနေသော ပြည်ထောင်စုနိုင်ငံ တော်ကြီးနှင့် နိုင်ငံသားများဘဝကို စောင့်ရှောက်မြှင့်တင်နိုင်ရန်အတွက် အထွေ ထွေရွေးကောက်ပွဲကြီးအောင်နိုင်ရေးတို့ကို ရည်ရွယ်ဖော်ပြထားပေသည်။
ထုတ်ပြန်ချက်၊ ဖော်ပြချက်၊ ရည်ရွယ်ချက်များနှင့်အညီ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ၊ ပါတီဗဟိုအလုပ်အမှုဆောင်များအားလုံးနှင့် ပါတီဝင်များသည် နေရာဒေသမရွေး၊ တောတောင် မြစ်ကြား၊ ချောင်းကြား မြန်မာပြည်အနှံ့အပြား၊ ဘေးဒုက္ခကျရောက်နေသောဒေသများသို့ သွား ရောက်ပြီး ပြည်သူများထံ ကိုယ်ထိလက်ရောက် ကူညီပံ့ပိုးပစ္စည်းများပေး၍ လိုအပ်သည်များ ဆောင်ရွက်ပေးခဲ့သည်မှာ စဉ်ဆက်မပြတ် လုပ်ဆောင်ခဲ့သည့် လုပ်ငန်းစဉ်ဖြစ်ကြောင်း တွေ့မြင် ကြားသိနေရသည်။
အတိုက်အခံပါတီအဖြစ် ရပ်တည်ရာ၌ နိုင်ငံရေးအာဏာကို တရားသဖြင့် သာဝင်ရောက်ယှဉ်ပြိုင်ခြင်း၊ နိုင်ငံရေးအာဏာများ ခွဲဝေရာတွင် ခံနိုင်ရည်နှင့် သည်းခံနိုင်မှုရှိခြင်း၊ အစိုးရတစ်ခုမှတစ်ခု၊ တစ်ဖွဲ့မှတစ်ဖွဲ့ စနစ်တကျ လွှဲ ပြောင်းပေးနိုင်အောင် ကြိုးစားခြင်းဟူသည့် နိုင်ငံရေး၊ ယဉ်ကျေးမှုသစ်ကို ကျင့်သုံးခဲ့၊ ကျင့်သုံးသွားမည်သာဖြစ်ကြောင်း ထင်ရှားပါသည်။
လိုရင်းဆိုရသော် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် ပြည်သူ များရှေ့က မားမားရပ်တည်၍ အမျိုးသားအကျိုးစီးပွားကို ဆောင်ရွက်သွား မည်သာဖြစ်ကြောင်း ပဉ္စမအကြိမ် ဗဟိုကော်မတီအစည်းအဝေး(၂ဝ၁၉)ကို ကြိုဆိုလျက် ရေးသားလိုက်ရပါသည်။
UN
UN