images
UN
နိုင်ငံသားများတာဝန် ကျေပွန်နိုင်ကြပါစေ
| Friday, 27 September 2019
ခေတ်မီဖွံ့ဖြိုးတိုးတက်သော နိုင်ငံတော်ကြီး ပေါ်ထွန်းစေရေးသည် နိုင်ငံ သားတိုင်း၏ တာဝန်ဖြစ်သည်ဟု နိုင်ငံတော်ဖွဲ့စည်းပုံအခြေခံဥပဒေ(၂ဝဝ၈ခုနှစ်) အခန်း(၈) ပုဒ်မ ၃၈၈ တွင် ဆိုထားသည်။
ထိုကဲ့သို့သော နိုင်ငံတော်ကြီးပေါ်ထွန်းလာစေရေးသည် နိုင်ငံတော်၏ တည်ငြိမ်အေးချမ်းမှု အထူးလိုအပ်သကဲ့သို့ စီးပွားရေး၊ နိုင်ငံရေးအစရှိသည့် ကဏ္ဍအသီးသီးတွင်လည်း ဖော်ပြခဲ့သည့် တည်ငြိမ်အေးချမ်းမှုကို အခြေခံ ၍ ဖွံ့ဖြိုးတိုးတက်သည့်ဘက်ဆီသို့ ဖော်ဆောင်နိုင်ရမည် ဖြစ်သည်။ ထိုသည် တို့ကို ဖော်ဆောင်ရမည့်တာဝန်မှာ နိုင်ငံတော်ကို ဦးဆောင်သူတို့၏တာဝန် ဖြစ်ပါသည်။
လက်ရှိကာလကို လေ့လာကြည့်မည်ဆိုလျှင် အထူးပင်ရေးပြစရာမလို အောင် တည်ငြိမ်အေးချမ်းမှုက ပျက်ပြားနေသည်။ ရခိုင်ဒေသနှင့် ရှမ်းမြောက် ဒေသများတွင် တိုက်ပွဲများဖြင့် မငြိမ်မသက်ဖြစ်နေသကဲ့သို့ နိုင်ငံတစ်ဝန်းတွင် လည်း ဥပဒေစိုးမိုးမှုလျော့နည်း ကျဆင်းကာ ပြည်သူတစ်ရပ်လုံး မလုံမခြုံနှင့် စိုးရိမ်သောကများ ဖြစ်နေကြရသည်ကို ပြည်သူကြားက ထွက်ပေါ်လာသည့် အသံများက သက်သေခံလျက်ရှိပါသည်။
နိုင်ငံတော်၏ စီးပွားရေးဘက်ကို လှမ်းမျှော်ကြည့်မည်ဆိုလျှင် သက် ဆိုင်ရာ တာဝန်ရှိသူများတင်ပြသည့် ကိန်းဂဏန်းစာရင်းဇယားများတွင် မြန်မာ့စီးပွားရေးသည် တစ်ဆင့်ပြီးတစ်ဆင့် တိုးတက်နေသည်ဟု ဖတ်ရှုနေ ရသော်လည်း လက်တွေ့မျက်မြင်အခြေအနေတွင် စီးပွားရေးသမား ကြီးငယ် မဟူ၍ နှုတ်မှတညီတညွတ်တည်းထွက်လာသည့် အသံများက ''အလုပ် မကောင်းဘူး'' ''စီးပွားရေးအဆင်မပြေဘူး''ဟုသာကြားနေရသည့် ကာလ ဖြစ်ပါသည်။
အခြေခံလူတန်းစားပြည်သူများ၏ ဘဝများကိုပြန်ကြည့်မည်ဆိုလျှင် တစ်နေ့တခြားဆိုးရွားလာသော ဝင်ငွေနှင့်ထွက်ငွေမမျှတမှု၊ တာဝန်ရှိသူတို့၏ သက်ဆိုင်ရာကဏ္ဍအလိုက် ကျွမ်းကျင်ပိုင်နိုင်စွာ အကောင်အထည်မဖော်နိုင်မှုမှ ဖြစ်တည်လာသည့် အပိုကုန်ကျမှု ဖိအားများကြောင့် အသံတိတ်ကျိတ်ခံဘဝ သို့ရောက်ရှိနေသည်ကို မမြင်ချင်အဆုံး တွေ့မြင်ရမည် ဖြစ်သည်။

ထိုသို့ဖြစ်လျက်ရှိသော ပြည်သူတို့နှင့်ခေတ်မီဖွံ့ဖြိုးတိုးတက်သော နိုင်ငံတော် ကြီးကို မည်သို့တည်ဆောက်နိုင်ပါမည်နည်း။ ထိုအခြေအနေများဖြစ်ပေါ်နေခြင်း သည် မည်သူ့တွင်တာဝန်ရှိပါသနည်း။ ထိုအခြေအနေမှ လွတ်မြောက်ပြီး ရည်ရွယ်ရာ ပန်းတိုင်ဆီသွားနိုင်ရေး မလုပ်ဆောင်သင့်ဘူးလားဟု စဉ်းစားစရာ မေးခွန်းမေးစရာများ ဖြစ်လာပါသည်။
နိုင်ငံတော်ကို ပြည်သူကပိုင်ပါသည်။ နိုင်ငံတော်နှင့် ဆိုင်သောကိစ္စအဝဝ ကို ဆောင်ရွက်ရန် ပြည်သူ့ကိုယ်စားလှယ်များကို ပြည်သူများက ရွေးချယ် ကြပါသည်။ ထိုသို့ ပြည်သူများက ရွေးချယ်တင်မြှောက်လိုက်သည့် ကိုယ် စားလှယ်များသည် ပြည်သူ့လိုအင်၊ ပြည်သူ့ဆန္ဒ၊ ပြည်သူ့လိုအပ်ချက်ကို ဖြည့်ဆည်းဆောင်ရွက်ပေးရန် တာဝန်ရှိပါသည်။
ယနေ့ ထိုပြည်သူ့ကိုယ်စားလှယ်များသည် ပြည်သူ့အရေးအရာကို ဦးထိပ် ထားဆောင်ရွက်ရမည့်အစား တစ်ဦးတစ်ယောက်၊ အဖွဲ့အစည်းတစ်ခုသာ အတွက်ရပ်တည်ဆောင်ရွက်နေခြင်းကြောင့် အထက်ကဖော်ပြခဲ့သည့် လက်ရှိ နိုင်ငံတော်အခြေအနေသို့ ရောက်ရှိစေခဲ့ခြင်းဖြစ်သည်ကို တွေ့မြင်နေရသည်။
များမကြာမီကာလတွင် ထိုပြည်သူ့ကိုယ်စားလှယ်များကို အသစ်ရွေးချယ် တင်မြှောက်နိုင်မည့် အထွေထွေရွေးကောက်ပွဲကြီးကျင်းပတော့မည်ဖြစ်သည်။ ပြည်သူတို့ မိမိတို့ဆန္ဒ၊ မိမိတို့လိုအပ်ချက်များကို ဖြည့်ဆည်းပေးမည့်သူကို ပြန်လည်ရွေးချယ်နိုင်မည့်အခွင့်အရေး တစ်ဖန်ရလာကြမည်ဖြစ်သည်။
နိုင်ငံသားတိုင်းသည် နိုင်ငံတော်ကို ခေတ်မီဖွံ့ဖြိုးတိုးတက်သော နိုင်ငံ တော်ကြီးအဖြစ် တည်ဆောက်လိုကြမည်ဟု ယုံကြည်ပါသည်။
ထိုကဲ့သို့ ဖွံ့ဖြိုးတိုးတက်သော နိုင်ငံတော်ကြီး တည်ဆောက်နိုင်ရန်အတွက် ပြည်သူများအားလုံးသည် အပြောတွင်နစ်မျောမနေကြဘဲ မျက်စိကိုဖွင့် နားကိုစွင့် ပြီး အလုပ်နှင့်သက်သေပြနိုင်သူများကို စောင့်ကြည့်အမှတ်ပေးကြပါ။ နိုင်ငံတော် ၏ အနာဂတ်ကို မြော်တွေးပြီး မိမိတို့ရရှိထားသည့် အခွင့်အရေးကို အသုံးချပြီး နိုင်ငံတော်အတွက် နိုင်ငံသားတို့၏တာဝန်ကို ကျေပွန်စွာထမ်းဆောင်ကြပါရန် တိုက်တွန်းရေးသားလိုက်ရသည်။
UN
UN