images
UN
ရာသီဥတုပြောင်းလဲမှုကို အရေးပေါ်တုံ့ပြန်ဆောင်ရွက်ပေးပါ
| Thursday, 03 October 2019
ကမ္ဘာကြီးတွင် ရာသီဥတုပြောင်းလဲမှုများနှင့်ရင်ဆိုင်ကြုံတွေ့နေရပြီဖြစ် ကြောင်း ၁၉၈ဝ ပြည့်နှစ်ကတည်းက သိပ္ပံပညာရှင်များက ကြေညာခဲ့သည်။ ကမ္ဘာ့နိုင်ငံအသီးသီးကလည်း ရာသီဥတုပြောင်းလဲမှုကို ဟန့်တားတိုက် ဖျက်ရေးအတွက် ညီလာခံများ ပြုလုပ်ပြီး ဆွေးနွေးအဖြေရှာခဲ့ကြသည်။ ကမ္ဘာ့နိုင်ငံခေါင်းဆောင်ကြီးများက သဘောတူလက်မှတ်များ ရေးထိုးခဲ့ကြ သည်။ အထူးသဖြင့် ရာသီဥတုပြောင်းလဲမှုကို အဓိကဖြစ်ပေါ်စေသည့် ကာဗွန်ဒိုင်အောက်ဆိုက်အပါအဝင် ဖန်လုံအိမ်ဓာတ်ငွေ့များ လျှော့ချရေး ပင်ဖြစ်သည်။ ထိုသို့လုပ်ဆောင်ရန် ဖန်လုံအိမ်ဓာတ်ငွေ့ထုတ်လွှတ်နေသည့် စက်ရုံများကို ဖျက်သိမ်းရမည်ဖြစ်သကဲ့သို့ အသစ်ဆောက်လုပ်ခြင်းများလည်း လုပ်ဆောင်ရမည် မဟုတ်ပါ။ အဆိုပါအချက်များကို ကတိပြုလက်မှတ် ရေးထိုးခဲ့သော်လည်း ကမ္ဘာကြီးပူနွေးလာမှုနှင့်ရာသီဥတုပြောင်းလဲမှုများက လျော့ကျသက်သာသွားခြင်းမရှိဘဲ တစ်နှစ်ထက်တစ်နှစ် ပိုမိုဆိုးရွားလာခဲ့သည်။ထိုအချက်ကိုကြည့်ခြင်းအားဖြင့် ကမ္ဘာ့နိုင်ငံအသီးသီးရှိ အစိုးရအဖွဲ့များသည် ရာသီဥတုပြောင်းလဲမှုတိုက်ဖျက်ရေးကို ထိထိရောက်ရောက်လုပ်ဆောင်မှုမရှိဘဲ ဟန်ပြလုပ်ဆောင်ခဲ့သည်မှာ လက်တွေ့ထင်ရှားလွန်းလှသည်။
ထို့ကြောင့်ပင် ယနေ့ကမ္ဘာကြီးသည် ရာသီဥတုပြောင်းလဲမှုကြောင့် ဖြစ် ပေါ်လာသော နောက်ဆက်တွဲသဘာဝဘေးအန္တရာယ်များကို ပြင်းပြင်းထန်ထန် ခံစားနေရပြီဖြစ်သည်။ ယင်းအချိန်တွင် နိုင်ငံတော်အစိုးရများက ရာသီဥတု ပြောင်းလဲမှု၊ ရာသီဥတုကပ်ဘေးကို ထိထိရောက်ရောက် တုံ့ပြန်ဆောင် ရွက်ခြင်းမရှိသေးပေ။ ထိုကိစ္စနှင့်ပတ်သက်ပြီး မြန်မာနိုင်ငံကိုပဲကြည့်ပါ။ မြန်မာနိုင်ငံတွင် ၁၉၇၉ ခုနှစ်ခန့်ကတည်းက ရာသီဥတုပြောင်းလဲမှု စတင်ခဲ့သည်ဟု မှတ်တမ်းများအရ သိရသော်လည်း မည်သူကမှဂရုပြုခဲ့ ခြင်းမရှိခဲ့ပေ။ ဟန့်တားတိုက်ဖျက်ဖို့နေနေသာ ရာသီဥတုပြောင်းလဲမှုကို မသိသလိုသာနေခဲ့ကြသည်။ သဘာဝပတ်ဝန်းကျင်ပျက်စီးမှု၊ ရာသီဥတု ပြောင်းလဲမှုဖြစ်စေသော လုပ်ငန်းများကို လုပ်ကိုင်ခဲ့ကြသည်။ ထို့ကြောင့်ပင် နာဂစ်ဆိုင်ကလုန်းမုန်တိုင်းကဲ့သို့ သဘာဝဘေးအန္တရာယ်များ ရင်ဆိုင်ခဲ့ရပြီး နိုင်ငံတော်ဘဏ္ဍာငွေများစွာ ဆုံးရှုံးခဲ့ရသကဲ့သို့ ပြည်သူများလည်း အသက် အိုးအိမ်စည်းစိမ်များ ပျက်စီးဆုံးရှုံးခဲ့ရသည်။ ထို့နောက်ပိုင်းတွင် ရာသီဥတု ပြောင်းလဲမှုများသည် တစ်နှစ်ထက်တစ်နှစ် ပိုမိုဆိုးရွားလာခဲ့သည်။
၂ဝ၁၅ ခုနှစ်မှစတင်ကာ ယနေ့အထိ ရေကြီးရေလျှံမှုများ၊ မြေပြိုမှုများ၊ ရေရှားပါးမှုများ နှစ်စဉ်ဖြစ်ပွားခဲ့သည်။ ဖြစ်ပွားတိုင်းလည်း ပြည်သူများ အသက်အိုးအိမ်စည်းစိမ်များပျက်စီးဆုံးရှုံးခဲ့ရသည်။
နိုင်ငံတော်ဘဏ္ဍာငွေများ ဆုံးရှုံးခဲ့ရသည်။ သို့သော်လည်း နိုင်ငံတော်အစိုးရ၏တာဝန်ရှိသူများ၏ ရာသီဥတုပြောင်းလဲမှုနှင့်ပတ်သက်ပြီး တုံ့ပြန်ဆောင်ရွက်မှုများသည် လေးကန် လွန်းခဲ့သည်။ ဝတ်ကျေတန်းကျေဆန်လွန်းခဲ့သည်။ တစ်ပွဲတိုးအစီအမံများဖြင့် ဆောင်ရွက်ခဲ့ပြီး ရေရှည်အတွက် ကြိုတင်ပြင်ဆင်မှု မတွေ့ရပါ။ ထို့ကြောင့် နှစ်စဉ်နှစ်တိုင်းသဘာဝဘေးအန္တရာယ်များနှင့်ပြင်းပြင်းထန်ထန်ကြုံတွေ့နေရ ပြီး ပျက်စီးဆုံးရှုံးမှုများနှင့် ရင်ဆိုင်နေရခြင်းဖြစ်သည်။ ယင်းကဲ့သို့ ရာသီဥတု ပြောင်းလဲမှုများကို အစိုးရတာဝန်ရှိသူများက တုံ့ပြန်ဆောင်ရွက်ပေးရေးအတွက် အသက် ၁၆ နှစ်အရွယ်သာရှိသေးသော ဆွီဒင်နိုင်ငံသူ ဂရီတာသန်းဘာ့က တစ်ကိုယ်တော်ဆန္ဒထုတ်ဖော်ခဲ့သည်။ ဂရီတာ၏ ဆောင်ရွက်မှုသည် တစ် ကမ္ဘာလုံးကို လွှမ်းမိုးသွားခဲ့ပြီး ရာသီဥတုပြောင်းလဲမှုကို အစိုးရအဖွဲ့များက တုံ့ပြန်ဆောင်ရွက်ပေးရေးဆန္ဒပြပွဲများကို ကမ္ဘာ့နိုင်ငံအသီးသီးက ကျောင်း သားကျောင်းသူများ၊ လူငယ်များက ဆင်နွှဲခဲ့ကြသည်။
အဆိုပါ ဆန္ဒပြပွဲများသည် ကမ္ဘာ့နိုင်ငံအသီးသီးသို့ပျံ့နှံ့ခဲ့ပြီး မြန်မာ နိုင်ငံသို့လည်းရောက်ရှိလာခဲ့သည်။ မြန်မာနိုင်ငံရှိ ကျောင်းသားကျောင်းသူများ၊ လူငယ်များကလည်း ရာသီဥတုပြောင်းလဲမှုကို နိုင်ငံတော်အစိုးရက တုံ့ပြန် ဆောင်ရွက်ပေးရေးအတွက် ငြိမ်းချမ်းစွာဆန္ဒထုတ်ဖော်တောင်းဆိုနေကြပြီ ဖြစ်သည်။ ထို့ကြောင့် နိုင်ငံတော်အစိုးရအနေဖြင့် တစ်နေ့တခြားဆိုးရွားလာသော ရာသီဥတုပြောင်းလဲမှုကို အရေးပေါ်တုံ့ပြန်ဆောင်ရွက်ချိန်တန်ပြီဖြစ်ကြောင်း ရေးသားလိုက်ရပါသည်။
UN
UN