images
UN
ပြည်သူ့ကိုယ်စားလှယ်များ ပြည်သူနှင့်တစ်သားတည်းဖြစ်ရန်လို
| Wednesday, 09 October 2019

လွှတ်တော်ကိုယ်စားလှယ်သည် နိုင်ငံရေးသမားပင်ဖြစ်သည်။ နိုင်ငံရေး သမားသည် စင်စစ် ပြည်သူ့သားသမီးများသာဖြစ်သည်။ ထို့ကြောင့် ပြည်သူ့ကိုယ်စားပြုမှုက အရေးကြီးသည်။ နိုင်ငံရေးသမားအစစ်သည် ပြည်သူ့အသံ ပြည်သူ့ဘဝ ပြည်သူ့ဆန္ဒကို ကိုယ်စားပြုကြသည်။ တစ်နည်း အားဖြင့် လွှတ်တော်ကိုယ်စားလှယ်ဟူသည် ပြည်သူ့ကိုယ်စားလှယ်များ သာဖြစ်ရာ ပြည်သူ့အကျိုးဆောင်ဖို့အတွက် ပြည်သူနှင့်တစ်သားတည်း ထိတွေ့နေရမည် ဖြစ်သည်။
ပြည်သူ့အကျိုးဆောင်ခြင်းလုပ်ငန်းသည် အလွန်မွန်မြတ်သောအလုပ် ဖြစ်ပါသည်။ လောကီ၊ လောကုတ္တရာနှစ်ဖြာတန်ဖိုးရှိပါသည်။
ရန်ကုန်တက္ကသိုလ်ဒဿနိကဗေဒပါမောက္ခတစ်ဦးက ''မိမိဘဝ၊ မိမိ ကိုယ်ခန္ဓာအပွန်းအပဲ့ခံပြီး သူတစ်ပါးဘဝပြောင်လက်သွားအောင် ပွတ်တိုက်ပေး လိုက်ရတာအလွန်မြင့်မြတ်ပါတယ်''ဟုပြောဖူးသည်။
အာဇာနည်ဗိုလ်ချုပ်ကလည်း ဗြိတိသျှအရာရှိမောင့်ဘက်တန်ကို''နိုင်ငံ ရေးဆိုတာပရဟိတလုပ်ငန်း၊ လောကတ္ထစရိယကျင့်တဲ့လုပ်ငန်း၊ ဒါဟာ ဒွိဟိတ်ပုဂ္ဂိုလ်တွေ မလုပ်နိုင်ဘဲ၊ တိဟိတ်ပုဂ္ဂိုလ်များသာ၊ ဘုရားလောင်း များသာလုပ်နိုင်တဲ့လုပ်ငန်း''ဟုပြောခဲ့ဖူးသည်။
လွှတ်တော်ဟူသည် အားလုံးတူရမည်၊ အားလုံးမှန်ပါသည်ဟု ရော်ဘာ တံဆိပ်တုံးနှိပ်ရမည့်နေရာမဟုတ်ချေ။ ဒီမိုကရေစီအခြေခံအားဖြင့် ပါဝါ မျှဝေအပေးခံထားရသော အရေးကြီးဌာနဖြစ်ပြီး မညီမျှမှုများကိုလည်း ဖော်ထုတ်နိုင်ရပါမည်။ မတူညီသောအယူအဆများကို ငြင်းခုံဆွေးနွေးညှိနှိုင်း ဆောင်ရွက်ရပါသည်။ လွှတ်တော်သည်ဥပဒေပြုရေးမှ နိုင်ငံတော်အစိုးရ ဘတ်ဂျက်ငွေအထိ အရေးကြီးကိစ္စများကို ဆုံးဖြတ်သုံးသပ်ပေးရန် တာဝန်ယူ ထားရပေသည်။
မကြာမီကပင် ပြည်သူ့ပါတီဥက္ကဋ္ဌ ကျောင်းသားခေါင်းဆောင်ဟောင်းက ''အစိုးရနှင့် လွှတ်တော် ပုလင်းတူဘူးဆို့ဖြစ်သွားပါက ဒီမိုကရေစီ ပျက်ခြင်း ဖြစ်ကြောင်း'' တရားဝင် ပြောကြားခဲ့သည်ကို သတင်းစာတစ်စောင် မျက်နှာဖုံး တွင်တွေ့ရသည်။ လွှတ်တော်၏ တာဝန်သည် အစိုးရကို စိစစ် ထိန်းကျောင်းရန် နှင့် ဘတ်ဂျက်ကို စီမံခန့်ခွဲဆုံးဖြတ်ပေးရန်ဖြစ်ပြီး သတ်မှတ်သည့်ဘောင်အတွင်း လွှတ်တော်က သတ်မှတ်ထားသည့် ဥပဒေ၊ နည်းဥပဒေများအတိုင်း သမ္မတ အပါအဝင် လိုက်နာရမည်ဖြစ်ကြောင်း၊ သမ္မတနှင့် ဝန်ကြီးအဖွဲ့ကို လွှတ်တော်ကနေ ထိန်းကျောင်းရမည် ဖြစ်ကြောင်း ၄င်းက ပြောသည်။ အစိုးရကို အကျပ်အတည်းဖြစ်အောင် မလုပ်ပါနဲ့၊ အကျပ်အတည်းဖြစ်မယ့် မေးခွန်းတွေ မမေးပါနဲ့ဆိုတော့ တကယ်က အကျပ်အတည်းဖြစ်အောင် လုပ်နေတာ မဟုတ်ဘူး။ လွှတ်တော်က လွှတ်တော်အလုပ်ကို လုပ်ရမှာ ဖြစ်ပြီး အဲဒီအလုပ်တာဝန်ပျက်သွားပြီဆိုရင် အဲဒါ ဒီမိုကရေစီပျက်တာပဲ ဟု ၄င်းက ပြောဆိုသည်။


တောင်ကြီးမြို့နယ် လွှတ်တော်ကိုယ်စားလှယ်များနှင့် မြို့ပေါ် ရပ်/ကျေး အုပ်ချုပ်ရေးမှူးများ တွေ့ဆုံပွဲပြုလုပ်ဟု အောက်တိုဘာ ၇ ရက် သတင်း တစ်ပုဒ်က ဆိုပါသည်။ ပြည်သူနှင့် တွေ့ဆုံမှု အားနည်းသည်ဟု အဝေဖန်ခံ နေရသော လွှတ်တော်ကိုယ်စားလှယ်များဟု သတင်းဝေဖန်ချက်က ဆိုသည်။ ထိုပွဲ၌ အာဏာရပါတီဝင် ပြည်သူ့လွှတ်တော်ကိုယ်စားလှယ် အမျိုးသမီးက ''အန်တီတို့မှာ စပွန်ဆာ လုပ်ပေးမယ့်လူ မရှိဘူး'' ဟုပြောကြားကြောင်းလည်း ရေးထားသည်။ ပါတီအနေဖြင့်၊ လွှတ်တော်ကိုယ်စားလှယ်များအနေဖြင့်၊ ပြည်သူ့ကိုယ်စားလှယ်များအနေဖြင့် ပြည်သူနှင့်တွေ့ဆုံရန်အတွက် စပွန်ဆာလိုသေးလို့လားဟု မေးခွန်းပေါ်လာစရာရှိပေသည်။ စီးပွားရေး လုပ်ဆောင်ခြင်းမဟုတ်ဘဲ ပြည်သူ့အကျိုး ဆောင်ရွက်သည့် နိုင်ငံရေး လုပ်ငန်းသည် ပရဟိတလုပ်ငန်းဖြစ်သောကြောင့် စပွန်ဆာစောင့်နေခြင်းသည် အဓိပ္ပာယ်မရှိဟု ဆိုရမည်ဖြစ်သည်။
ပြည်သူတို့က ရွေးချယ်တင်မြှောက်လိုက်သော ပြည်သူ့ကိုယ်စားလှယ် များသည် ဗိုလ်ချုပ်ပြောသွားသကဲ့သို့ ပရဟိတစိတ်ဓာတ်၊ လောကတ္ထစရိယ စိတ်ဓာတ်၊ တိဟိတ်ပုဂ္ဂိုလ်များ၊ ဘုရားလောင်းစိတ်ဓာတ်မျိုးဖြင့် တိုင်းကျိုး ပြည်ကျိုး ပြည်သူ့အကျိုးကိုဆောင်ရွက်နိုင်ကြပါစေဟု ရေးသားလိုက်ရ ပါသည်။

UN
UN