images
UN
အစွမ်းကုန် အလုပ်လုပ်ဖို့လို
| Wednesday, 23 October 2019
နိုင်ငံဖွံ့ဖြိုးတိုးတက်ရန် တည်ငြိမ်အေးချမ်းမှု တရားဥပဒေစိုးမိုးမှုအပေါ် တည်မှီလျက်ရှိသလို ထိုနိုင်ငံအတွင်း မှီတင်းနေထိုင်ကြသူများ၏ အသိပညာ၊ အတတ်ပညာမြင့်မားရေးသည်လည်း မရှိမဖြစ်အထူးလိုအပ်ပါသည်။ သို့မှသာ တစ်ဦးချင်းမှသည် နိုင်ငံတော်အထိ အသိပညာ အတတ်ပညာ မြင့်မားမည်ဖြစ် သည်။ ထိုအခါ နိုင်ငံဖွံ့ဖြိုးတိုးတက်မည်ဖြစ်ပါသည်။
နိုင်ငံတော်တည်ငြိမ်အေးချမ်းရေးအတွက် ပြည်တွင်းပြည်ပရန်များမှ ကာကွယ် ရမည့်တာဝန်သည် တပ်မတော်၏တာဝန်ဖြစ်သည်။ ထိုတာဝန်ကို ယူထားရသည့် တပ်မတော်သည်အင်အားရှိဖို့ အထူးပင်လိုအပ်ပါသည်။ ထိုသို့ အင်အားရှိရေး အတွက် စည်းလုံးညီညွတ်မှုရှိရမည်ဖြစ်သည်။
တပ်မတော်ကာကွယ်ရေးဦးစီးချုပ်က တပ်မတော်သည် စွမ်းရည်သုံးရပ်နှင့် ပြည့်စုံနေရမည်ဖြစ်ဟုဆိုသည်။ ထို့ကြောင့် အမြဲတမ်းလေ့ကျင့်နေရမည်နှင့် စဉ်ဆက် မပြတ်လေ့ကျင့်မှုမှစွမ်းရည်မြင့်မားလာမည်။ အချိန်ကိုစနစ်တကျ စီမံခန့်ခွဲအသုံးချ ပြီး မိမိဘဝဖွံ့ဖြိုးတိုးတက်ရေးအတွက် ကောင်းမွန်သောအကျင့်များကို မွေးမြူရ မည်။ အောက်တိုဘာ ၁၈ ရက်နေ့က တြိဂံဒေသတိုင်းစစ်ဌာနချုပ် ကျိုင်းတုံ တပ်နယ်ရှိအရာရှိ၊ စစ်သည်၊
မိသားစုများနှင့်တွေ့ဆုံရာတွင် ထည့်သွင်းပြောကြား ခဲ့သည်။
ဦးစီးဦးဆောင်သူများ၏ ဆုံးဖြတ်ချက်များ မှားယွင်းမှုမရှိစေရေးအတွက် ကြုံတွေ့ရသည့်အခက်အခဲများကို မှန်မှန်ကန်ကန် ရဲရဲဝံ့ဝံ့တင်ပြပြီး ပြောသည့် အတိုင်းလုပ်ရန် လိုအပ်သလို လုပ်သည့်အတိုင်းပြောရန်လည်း အထူးပင်လိုအပ်ပါ သည်။ သို့မှသာ တိုင်းပြည်ကာကွယ်ရေးဆောင်ရွက်ရန် လိုအပ်သည့်စည်းလုံး ညီညွတ်မှုအင်အားကို ရရှိမည်ဟုလည်းဆိုသည်။
အသိပညာဆိုသည်မှာ ဘဝခရီးတစ်လျှောက် တွေ့ကြုံဖြတ်သန်းခဲ့ရသည့် အောင်မြင်ခြင်း ကျရှုံးခြင်း စသည့်လောကဓံတရား ရှစ်ပါးမှ ထုတ်ယူဆင်ခြင်ပြီး ရရှိလာသည့် အသိအမြင်အတွေ့အကြုံများပင် ဖြစ်သည်။ အတတ်ပညာဆိုသည် မှာ ဘဝခရီးတစ်လျှောက် သင်ယူတတ်မြောက်ခဲ့သည့် နှုတ်မှုလက်မှုအတတ် ပညာအဖုံဖုံပင်ဖြစ်သည်။ ထိုသို့တတ်သိလာသော အသိနှင့်အတတ် နှစ်ရပ်ကို ပေါင်းစပ်ပြီး မိမိနိုင်ငံတော်၊ မိမိလူမျိုး၊ မိမိဒေသဖွံ့ဖြိုး တိုးတက်ရေးအတွက် ပြန်လည်အသုံးချကြရမည်ဖြစ်သည်။
လူတိုင်းကိုယ်စီ တစ်နေ့တာအတွက် ၂၄ နာရီကို ပိုင်ဆိုင်ကြသော်လည်း ထိုပိုင်ဆိုင်လာသည့် အချိန်ကို အသုံးပြုပုံကွာခြားကြသည့်အတွက် ဘဝ အခြေအနေ အဆင့်အတန်းများ၊ တစ်ဦးနှင့်တစ်ဦး ကွာခြားကြခြင်းဖြစ်သည်ကို ဆင်ခြင်အသိ ဖြင့်ကြည့်လျှင် သိနိုင်ပါသည်။
မြန်မာနိုင်ငံသားတိုင်းသည် မြန်မာနိုင်ငံတော် ဖွံ့ဖြိုးတိုးတက်သည်ကို မြင်လို ကြမည်မှာ မလွဲနိုင်သည့် အမှန်တရားဖြစ်သည်။ သို့ဆိုလျှင် နိုင်ငံသားတိုင်းတွင် နိုင်ငံဖွံ့ဖြိုးတိုးတက်ရေးကိုလုပ်ဆောင်ရန် တာဝန်ရှိပါသည်။
နိုင်ငံသားတိုင်း နိုင်ငံသားတိုင်းသည် မိမိတို့၏ ရှိပြီးဖြစ်သည့် အသိနှင့် အတတ်နှစ်ရပ်သောပညာများဖြင့် ကိုယ်စီရရှိထားသည့်အချိန်များကို အလေအလွင့် မဖြစ်စေဘဲ စနစ်တကျစီမံခန့်ခွဲပြီး မိမိဘဝဖွံ့ဖြိုးတိုးတက်ရေး၊ မိမိရပ်ရွာတိုးတက် ဖွံ့ဖြိုးရေး၊ မိမိတို့လူမျိုး၊ ဘာသာ၊ မိမိနိုင်ငံတိုးတက်ဖွံ့ဖြိုးရေးအတွက်ရည်မှန်း ချက်ကြီးစွာထားပြီးအသုံးချလုပ်ဆောင်ကြရမည် ဖြစ်သည်။ သို့မှသာ ပြည်သူများ အလိုရှိသော ဖွံ့ဖြိုးတိုးတက်သည့် နိုင်ငံတော်သစ်ကို ပိုင်ဆိုင်နိုင်မည်ဖြစ်သဖြင့် နိုင်ငံသားတစ်ဦးတစ်ယောက်မှ နောက်ချန်မနေဘဲ အစွမ်းကုန် အလုပ်လုပ်ကြရန် လိုအပ်ကြောင်း နှိုးဆော်တိုက်တွန်းရေးသားလိုက်ရပါသည်။
UN
UN