images
UN
တောင်သူလယ်သမားတို့၏အခက်အခဲများကို ထိထိရောက်ရောက်ဖြေရှင်းပေးပါ
| Friday, 01 November 2019
မြန်မာနိုင်ငံသည် စိုက်ပျိုးရေးကိုအခြေခံသော နိုင်ငံဖြစ်ပြီး လူဦးရေ ရာခိုင်နှုန်း ၇ဝ ခန့်သည် ကျေးလက်တွင်နေထိုင်ကာ စိုက်ပျိုးရေးလုပ်ငန်း များကို လုပ်ကိုင်ကြသည်။ အထူးသဖြင့် စပါး၊ ပဲ၊ ပြောင်း၊ နှမ်း စသဖြင့် စိုက်ပျိုးရေးလုပ်ငန်းများက နိုင်ငံတော်၏ စားနပ်ရိက္ခာကို ထောက်ပံ့ပေးခဲ့ပြီး ပြည်ပဝင်ငွေများကိုလည်း ရရှိစေခဲ့သည်။ ထို့ကြောင့်ပင် စိုက်ပျိုးရေးလုပ် ငန်း လုပ်ကိုင်ကြသည့် တောင်သူများကို ကျေးဇူးရှင်ဦးကြီးများဟု တင်စား ခေါ်ဆိုခဲ့ကြသည်။ ယခင်ကာလများက တောင်သူများသည် တိုင်းပြည်၏ စားနပ်ရိက္ခာများကို လုံလုံလောက်လောက် ထောက်ပံ့ပေးနိုင်သည့်အပြင် ၄င်းတို့၏ မိသားစုစားဝတ်နေရေးလည်း ချောင်လည်ခဲ့ကြသည်။ အလှူ ရေစက်လက်နှင့်မကွာ နေထိုင်နိုင်ခဲ့ကြသည်။ ယခုကာလတွင် ထိုသို့ မဟုတ်တော့။ အရာရာပြောင်းလဲကုန်ပြီဖြစ်သည်။
တောင်သူလယ်သမားများသည် ၂ဝဝ၈ ခုနှစ် နောက်ပိုင်းကတည်းက ကမ္ဘာကြီးပူနွေးလာမှုနှင့် ရာသီဥတုပြောင်းလာမှုဒဏ်ကို ခံစားခဲ့ရသည်။ မိုးကို မျှော်နေချိန်တွင် မိုးမရွာသဖြင့် စပါးနှင့် စိုက်ပျိုးသီးနှံများ အချိန်မီ မစိုက် ပျိုးနိုင်ခြင်း၊ နွားစာအခက်အခဲဖြစ်ခြင်း၊ သောက်သုံးရေ ရှားပါးခြင်းများနှင့် ကြုံတွေ့ခဲ့ရပြီး ဒုက္ခရောက်ခဲ့ကြရသည်။ ထို့အတွက် တောင်သူလယ်သမား
များက ဒေသဓလေ့ယဉ်ကျေးမှုများအရ လွန်ဆွဲပွဲများ၊ ပရိတ်ရွတ်ပွဲများ၊ ဆုတောင်းပွဲများပြုလုပ်ပြီး မိုးကိုခေါ်ခဲ့ကြသည်။ သို့သော်လည်း လိုအပ်သော မိုးက လုံလုံလောက်လောက်ရောက်မလာ ဖြစ်ခဲ့သည်။ သို့သော် မိုးကို သိပ် မလိုအပ်တော့သည့် အချိန်တွင် မိုးက ကောင်းလွန်းနေခဲ့ပြန်သည်။ မိုးကောင်း လွန်းသောကြောင့် ရေကြီးရေလျှံမှုများဖြစ်ပေါ်ပြီး စပါးခင်းများ ရေမြုပ် ပျက်စီးခဲ့ရသည်။ ထိုပြဿနာသည် စပါးစိုက်ပျိုးချိန်တွင် ကြုံရသကဲ့သို့ စပါးရိတ်သိမ်းချိန်တွင်လည်း ကြုံတွေ့ရပြန်သည်။ ထို့ကြောင့် တောင်သူ လယ်သမားများအတွက် ထိခိုက်ပျက်စီးမှုများ ဖြစ်ပေါ်ခဲ့ရသည်။
ထို့အပြင် တောင်သူလယ်သမားများသည် စိုက်ပျိုးရေးသွင်းအားစု၊ စိုက်ပျိုးစရိတ်ချေးငွေ၊ လယ်လုပ်သားရှားပါးမှု၊ စပါးဈေးမတည်ငြိမ်မှု စသဖြင့် အမျိုးမျိုးသောအခက်အခဲ၊ ပြဿနာများနှင့်ရင်ဆိုင်နေကြရသည်။ စီးပွားရေး မပြေလည်သောကြောင့် လယ်ယာစိုက်ပျိုးစရိတ်အရင်းအနှီးအတွက် အတိုးဖြင့် ငွေချေးယူကြရသည်။ လယ်ယာစိုက်ပျိုးရာတွင်လည် အရင်းအနှီးများပြီး အမြတ်နည်းသောကြောင့် စားလောက်ရုံဖြင့်သာ လည်ပတ်နေရသည်။
ထိုအချိန်တွင် ရာသီဥတုပြောင်းလဲမှုနှင့် သဘာဝဘေးအန္တရာယ်များ ကျရောက်ပါက ပျက်စီးဆုံးရှုံးမှုများနှင့် ရင်ဆိုင်ကြရပြီး အြေ<ွကးနွံတွင် နစ်မွန်းခဲ့ကြရသည်။ ဆင်းရဲတွင်းကလည်း နက်သထက်နက်လာခဲ့သဖြင့် တောင်သူလယ်သမားအများစုသည် လယ်ယာမဲ့ဘဝသို့ရောက်ရှိခဲ့ရသည်။ ယခင်ကာလများက မိသားစုစားဝတ်နေရေး အဆင်ပြေသည့်အပြင် တိုင်းပြည်၏စားနပ်ရိက္ခာကိုပါ ထောက်ပံ့ပေးနိုင်ခဲ့သော ကျေးဇူးရှင် တောင်သူလယ်သမားများသည် လယ်ယာမြေများကို စွန့်ခွာရသည့် အခြေအနေများနှင့်ပင် ရင်ဆိုင်ကြုံတွေ့နေရပြီဖြစ်သည်။ လက်ရှိအခြေအနေ အတိုင်း ဆက်သွားလျှင် လယ်ယာစိုက်ပျိုးရေးကဏ္ဍပျောက်ဆုံးသွားပြီး တိုင်းပြည်လည်း အငတ်ဘေးဆိုက်ရောက်ရမည့်အနေအထားဖြစ်သည်။
ထို့ကြောင့် နိုင်ငံတော်အစိုးရအနေဖြင့် တိုင်းပြည်၏စားနပ်ရိက္ခာကို ထောက်ပံ့ပေးနေသော၊ နိုင်ငံခြားဝင်ငွေ ရှာဖွေပေးနေသော ကျေးဇူးရှင် တောင်သူလယ်သမားဦးကြီးများ၏ အခြေအနေကို ဂရုတစိုက်ကြည့်ရှုပြီး လိုအပ်သည့် ကူညီစောင့်ရှောက်မှုများ ဆောင်ရွက်ပေးသင့်သည်။
ထိုသို့ဆောင်ရွက်ရာတွင် တောင်သူလယ်သမားများရင်ဆိုင်ကြုံ တွေ့နေရသော အခက်အခဲပြဿနာများဖြစ်သည့် ရာသီဥတုပြောင်းလဲမှုနှင့် သဘာဝဘေးအန္တရာယ်များ၊ စိုက်ပျိုးရေးစရိတ်မြင့်မားမှုများ၊ စပါးဈေး မတည်ငြိမ်မှုများ၊ လုပ်သားရှားပါးမှုများအကြောင်းကို ကဏ္ဍအလိုက် စနစ်တကျလေ့လာပြီး အရေးပေါ်စီမံချက်တစ်ရပ်အနေဖြင့် နိုင်ငံတော်အစိုးရက တိကျသော တာဝန်ရှိသည့် အဖွဲ့အစည်းတစ်ခုကို တာဝန်ပေး၍ ထိထိ ရောက်ရောက် ဖြေရှင်းဆောင်ရွက်ပေးသင့်ကြောင်း ရေးသားလိုက်ရပါသည်။
UN
UN