images
UN
လှည့်ဖြားမှုကို ရှောင်နိုင်ပါစေ ရွေးချယ်မှုလည်း မှန်ကန်ပါစေ
| Wednesday, 27 November 2019

နိုင်ငံတော်ငြိမ်းချမ်းရေးနှင့် နိုင်ငံစည်ပင်ဝပြောရေးကို အမှန်တကယ်လို လားသူသည် ဒီမိုကရေစီ၏အနှစ်သာရများကိုလည်း မှန်မှန်ကန်ကန်သဘော ပေါက်နားလည် ထားရမည်ဖြစ်ပါသည်။ ဒီမိုကရေစီ၏အခြေခံများကိုလည်း သိရှိထားသင့်ပါသည်။
ဒီမိုကရေစီစိတ်ဓာတ်အမူအကျင့်သည် ဒီမိုကရေစီ၏ အရေးအကြီး ဆုံးသော အခြေခံဖြစ်ပါသည်။ လူလူချင်းလေးစားခြင်းသည် ဒီမိုကရေစီ စိတ်ဓာတ်ဖြစ်ပါသည်။
လူသည်မိမိကိုယ်ကိုလေးစားသကဲ့သို့ အားလုံးသောလူသားများကိုလည်း လေးစားသင့်သည်သာဖြစ်၏။ မိမိကိုယ်တိုင် လွတ်လပ်ချင်သလို တခြားသူ များ၏လွတ်လပ်မှုကိုလည်း အသိအမှတ်ပြုနိုင်ရပါမည်။ ကွန်ဖြူးရှပ်က''ကိုယ့် အပေါ်မလုပ်စေချင်တာကို သူများအပေါ်မပြုမူကြနှင့်''ဟုဆုံးမသည်။ ဤသို့သော စိတ်ဓာတ်များ ပျံ့နှံ့ကိန်းအောင်းနေသော လောကသည်သာ
ဒီမိုကရေစီလောကဖြစ်သည်။ ဒီမိုကရေစီဟူသည်မှာ ရွေးကောက်ပွဲနှင့် အများ ဆန္ဒမဲပေးခြင်းထက် ပို၍ကြီးမားကျယ်ပြန့်သော သဘောတရားဖြစ်ပါသည်။ ဒီမိုကရေစီ၏အနှစ်သာရသည် စိတ်ပိုင်းဆိုင်ရာခံစားချက်သာဖြစ်ပါသည်။ တိုင်းတာရန်ခက်ခဲသော်လည်း အရေခြုံဒီမိုကရေစီအာဏာရှင်စနစ်နှင့် စစ်မှန် သော ဒီမိုကရေစီမှာ လွန်စွာမှ ကွဲပြားခြားနားလှပါသည်။ အရေခြုံနှင့် အစစ်အမှန်ကိုသိရှိအောင် မဖြစ်မနေလုပ်ဆောင်သင့်ကြပါသည်။
ထို့ပြင် ဒီမိုကရေစီနိုင်ငံရေး၏နိုင်ငံရေးသမားကောင်းဟူသည် စည်းကမ်း ပြည့်ဝပြီး စာရိတ္တကောင်းရှိဖို့လိုပါသည်။ စရိုက်မှန်ရပါမည်။ ကျင့်ဝတ် သိက္ခာသမာဓိရှိရပါမည်။ ဆက်ဆံရေးကောင်းရပါမည်။ ဇွဲလုံ့လဝီရိယနှင့် ပြည့်စုံပြီး ကိုယ်ရောစိတ်ပါ တက်တက်ကြွကြွ ဆောင်ရွက်ရပါမည်။ စည်းရုံးရေးသမားဖြစ်ရပါမည်။အကောင်းမြင်သမားလည်းဖြစ်ရပါမည်။ ပြောတတ်ဖို့ထက် နားထောင်တတ်သူဖြစ်ပြီး ပရိသတ်ကို အသိပညာပေး နိုင်ရမည်ဖြစ်ပြီး စီမံခန့်ခွဲမှုလည်းကျွမ်းကျင်ရပါမည်။ လောကဓံအခက်အခဲကို ရဲရဲရင်ဆိုင်နိုင်ရပါမည်။ အခွင့်အလမ်းကိုမြင်ပြီး အများအတွက် အမြင် ကျယ်ပြန့်သူဖြစ်ရပါမည်။ အထွေထွေနှင့် နိုင်ငံရေး ဗဟုသုတ များရပါမည်။ မျိုးဆက်သစ်ခေါင်းဆောင် မွေးမြူနိုင်ရပါမည်။ ဂိုဏ်းဂဏဝါဒပယ်ပြီး လူမှုရေးဆောင်ရွက်မှုအားကောင်းရပါမည်။
ကျုပ်က ငစောင်းမလုပ်ဘူးဟု ဗိုလ်ချုပ်အောင်ဆန်းက ပြောဖူးသည်။ သူတော်ကောင်းယောင်မဆောင်ဘူး။ တစ်နည်း ကြောင်သူတော်ြ<ွကက်သူခိုး မလုပ်ဖူးဟုလည်း ဆိုဖူးပါသည်။ ကြောင်သူတော် နိုင်ငံရေး ယဉ်ကျေးမှု အရေခြုံသူမဟုတ်ကြဖို့ လိုသည်။
အဘိဓာန်က ကြောင်သူတော်ဝါဒ (Hypocrisy) ကို သူတော်ကောင်း ဟန်ဆောင်ခြင်း၊ သီလကြောင်ဟုဖွင့်ပါသည်။ ခေတ်သစ်၊ ခေတ်ပြိုင် နိုင်ငံရေးကမူ ကြောင်သူတော်ဝါဒဟူသည် စရိုက်အမှန်အကန်ကို ဖုံးကွယ်၍ သူတော်ကောင်း ဟန်ဆောင်ထားခြင်းဟု ဖွင့်ပါသည်။ စိတ်ရင်းအမှန်ကို ဖုံးဖိဟန်လုပ်ထားခြင်း၊ ဟိတ်ထုတ်ထားခြင်း၊ အရေခြုံထားခြင်း ဖြစ်သည် ဟုလည်း ဖွင့်သည်။ ကိုယ်ကျင့်တရားဒဿနအမြင်အရ လူတစ်ဦးသည် မိမိကိုယ်တိုင် ပြောကြားထားသည့် ကိုယ်ကျင့်တရားစည်းမျဉ်းများအတိုင်း၊ သဘောတရားများအတိုင်း မလိုက်နာနိုင်ဘဲ ပျက်ကွက်နေခြင်းကို ရည်ညွှန်း ပါသည်။
ပြည်သူလူထုကို လှည့်ဖြားခြင်း၊ ဗြောင်လိမ်ခြင်း၊ အရူးလုပ်ခြင်းဖြင့် နိုင်ငံရေးအမြတ် ရယူလိုခြင်းသည်လည်း ကြောင်သူတော်ဝါဒပင်ဖြစ်ပါသည်။ သခင်သန်းထွန်း၏ ဥပမာစကားက အနည်းငယ်ကြမ်းတမ်းပါသည်။ ''ဆိတ် ခေါင်းချိတ်၍ ခွေးသားရောင်းသည်''ဟူ၏။
ရွေးကောက်ပွဲမဲပေးမည့် ပြည်သူများသည် ဒီမိုကရေစီနိုင်ငံရေးသမား ကောင်းအစစ်အမှန်ကိုသာ ရွေးချယ်နိုင်ပါစေ။ ကြောင်သူတော်နိုင်ငံရေးသမား မျိုးကို ပယ်နိုင်ပါစေဟု ဆန္ဒပြုရေးသားလိုက်ရပါသည်။
UN
UN