images
UN
နှစ်သစ်တွင် အတွေးအခေါ်သစ်ဖို့လို
| Friday, 06 January 2017
နှစ်သစ်ကို ကျွန်ုပ်တို့ ကြိုဆိုခဲ့ကြပြီးပါပြီ။ ယခုနှစ်သစ် ၂ဝ၁၇သည် တကယ့် အမွန်အမြတ် အသစ်ဂုဏ်ဒြပ်ဖြင့် ပြည့်စုံပါမည်လော။ ဗေဒင်ကိန်းခန်းနှင့် ခန့်မှန်း နိုင်ငံရေး၊ စီးပွားရေး၊ လူမှုရေး၊ ပညာရေးများကို 'တရားသေ'မကိုင်ဘဲ အစွဲကင်းကင်း နှင့် ချဉ်းကပ်မည်ဆိုပါက ပြဿနာဟောင်းများ....၊ ပိုးလောက်၊ ခြ၊ ပုရွက်များကို တွေ့မြင်ရမည်ဖြစ်သည်။ တွေ့လျှင်တွေ့သည့်နေရာမှာ သုတ်သင်ဖယ်ရှားသွားမှသာ သစ်ပင်တစ်ပင်လို အကိုင်းသစ်၊ အရွက်သစ်၊ အပွင့်သစ်၏ လှပမှုရသအစစ်ကို ပြည်သူလူထု ခူးဆွတ်စားသုံးခံစားနိုင်မည်ဖြစ်ပါသည်။ ၂ဝ၁၇ ကို အသစ်အဖြစ်သို့ ကျွန်ုပ်တို့ပြောင်းရမည်ဖြစ်သည်။ ပြောင်းလဲချိန်တန်ဟု ဆိုခဲ့သူများကို လေးစားပါသည်။ သို့သော် ၄င်းတို့ကိုယ်၌က သန့်ရှင်းစင်ကြယ်ပါ၏လား။ ....အပြောမဟုတ် အလုပ် သက်သေဖြင့် လူထုနှင့်အတူသွားလိုရာလမ်းကို တည့်မတ်စွာလျှောက်သင့်သည်။ အပြောများနေလျှင် လေအဖြစ်သာ လေထဲမှာပျောက်ကွယ်သွားမည်ဖြစ်သည်။ကမ္ဘာ့အရှည်ဆုံးပြည်တွင်းစစ်သည် တဖျစ်ဖျစ်ဖြင့် အဆစ်အမြစ်များကိုကိုက်ခဲလျက် နေသည်။ တိုင်းပြည်နှင့်လူထု-လူနာဖြစ်နေသည်။ ပြည်သူလူထုဘဝနိမ့်ကျ ဆင်းရဲ မွဲတေနေသည်။ လည်သူစားတမ်းခေတ်လိုဖြစ်နေသည်။ မလည်မဝယ်အောက်ခြေ လူများစားလှိမ့်ခံနေရသည်ဟုဆိုကြသည်။ အဂတိကင်းစင်သော၊ စွမ်းရည်ပြည့်ဝသော၊ စည်းကမ်းရှိသော အစိုးရအုပ်ချုပ်ရေးယန္တရားကြီး ချောချောမွေ့မွေ့ လည်ပတ်စေ ချင်သည်။
အစိုးရအကြီးအကဲက ၂ဝ၁၇ တွင် ပြည်တွင်းငြိမ်းချမ်းရေး၊ အမျိုးသားပြန်လည် သင့်မြတ်ရေး၊ ဒီမိုကရေစီစနစ်နှင့် ဖက်ဒရယ်စနစ်အခြေခံပြည်ထောင်စုကြီးဖြစ်ပေါ်ရေး၊ လူထုနေထိုင်မှုဘဝတိုးတက်မြင့်မားလာရေး ဆောင်ရွက်မည်ဟု နှစ်သစ်ကူးမိန့်ခွန်း ပြောလိုက်သည်။
ယင်းသည် ၂ဝ၁၇ စိန်ခေါ်မှုဟု နိုင်ငံရေးလေ့လာသူများကလည်း ဆိုသည်။ အကြီးအကဲက အခြေခံများတည်ဆောက်ပြီးပြီဟု ဆိုနေသည်။ ဝေဖန်သုံးသပ်နိုင်သူများ ကတော့ ''ဆန်ရှင်လုပ်ဆိုပြီး ဒီမိုကရေစီဘိုးအေကို ဖိအားပေး....၊ ဘိုးအေက ဆန်ရှင် လုပ်ခဲ့....၊ ပြည်သူလူထုအလုပ်အကိုင်ပါးရှား ဒုက္ခသုက္ခရောက်ခဲ့သည်။ ဆန်ရှင် ပြန်ဖွင့်-ပြန်ဖွင့်ဟုသွားပြောသည်။ သူတို့လက်ထက်ဆန်ရှင် မလိုတော့-ဟု သဘောဖြင့် ဟိုကပြန်ဖွင့်လိုက်သည်။ သို့သော် မြန်မာပြည်တွင် ဘာတစ်ခုမှ အဆင်သင့် မရှိ....၊ အဆောက်အအုံမရှိ၊ မီးလျှပ်စစ်မလာ၊ လမ်းပန်းခက်ခဲ၊ မြေနေရာဈေးခုန်ပျံ၊ ဥပဒေ လုပ်ထုံးလုပ်နည်း ရှုပ်ထွေးဆဲဖြစ်သည်။ လူထုကတော့ မျက်ဖြူဆိုက်မတတ် စီးပွားရေးကပ်ရောဂါဒဏ်ခံနေရပြီ''....ဟု ထောက်ပြဝေဖန်နေကြသည်။ ငြိမ်းချမ်း ရေးမှာ အစကောင်းပြီး အနှောင်းမကောင်းခဲ့ဟု ဝါရင့်နိုင်ငံရေးသမားတစ်ဦးကဆိုသည်။ ၂၁-ရာစုပင်လုံညီလာခံအပြီး ရှမ်းမြောက်ကချင်တွင် တိုက်ပွဲများဖြစ်လာသည်။ ယင်းကို ကျော်လွှားနိုင်မှဖြစ်မည်။ နိုင်ငံတော်၏ အတိုင်ပင်ခံပုဂ္ဂိုလ်၏ ငြိမ်းချမ်းရေး သဘောထားမှာ 'မူ'အရ ကောင်းမွန်သည်။ သို့သော် အမျိုးသားသင့်မြတ်ရေးသည် အမျိုးသား လိုက်လျောရေး သက်သက်မဖြစ်သင့်ဟု ပညာရှင်တို့က ထောက်ပြသည်။ ပြန်ကြားရေး အကြီးအကဲ(ဟောင်း)က ''အခြေခံဥပဒေကို မပြင်နိုင်သရွေ့ အခြေခံဥပဒေကိုသာ လေးစားလိုက်နာရမည်''ဟု ထောက်ပြလိုက်သည်။ စီးပွားရေး အရေးပေါ် ပြင်ဆင်လုပ်ကိုင်ရမည်ဟုလည်း ၄င်းကထောက်ပြသည်။ အဂတိလိုက်စားမှု တိုက်ဖျက်ရေးအရှိန်မြှင့် ပြင်းပြင်းထန်ထန်လုပ်ရမည်ဟု သဘောညီကြသည်။
မြန်မာသည် ပြဿနာဟောင်းများကို အဖြေရှာရင်း ခရီးရှည်တစ်ခုကို သွားရဦး မည်ဟု မီဒီယာသမားများက ရေးသားကြသည်။ အသစ်ထဲမှာ အသစ်ဖြစ်ထွန်းဖို့ အသစ်ရှိဖို့လိုပြီဖြစ်သည်။၊ နှစ်သစ်တွင် အတွေးအခေါ်အယူအဆသစ်များဖြင့် စိန်ခေါ်မှု ကို ဝိုင်းဝန်းရင်ဆိုင်ဖြေရှင်းကြပါစို့ဟု တိုက်တွန်းရေးသားအပ်ပါသည်။
UN
UN