images
UN
နှစ်သစ်အစ ဝေဖန်ချက်က
| Monday, 09 January 2017
လိုအပ်လျှင် လွှတ်တော်လုပ်ထုံးလုပ်နည်းတွေကို အချိန်မီပြောင်းရမည်ဟု လွှတ်တော်မှပင် အသံထွက်လာနေသည်။ ပထမအကြိမ် လွှတ်တော်သက်တမ်းငါးနှစ် အတွေ့အကြုံရှိသူ၊ နိုင်ငံရေးကျွမ်းကျင်လေ့လာရေးပညာရှင်တစ်ဦး၏အသံကိုပြည်တွင်း သတင်းစာတစ်စောင်တွင် ရေးသားဖော်ပြထားသည်ကို တွေ့မြင်ရခြင်းဖြစ်သည်။
လူတွေက ပထမအကြိမ်လွှတ်တော်ကာလတွင် သိပ်မျှော်လင့်မထားခဲ့ကြ။ ဟန်ပြ လွှတ်တော်၊ ရော်ဘာတံဆိပ်ထုလွှတ်တော်မျှသာဟု ထင်ထားခဲ့သည်။ ပြည်တွင်းရော ပြည်ပကပါ လွှတ်တော်အပေါ် အမြင်မကောင်းလှ။ သို့သော် လွှတ်တော်မှ မီဒီယာကို လွတ်လပ်စွာသတင်းယူခွင့်၊ ရေးခွင့်ပေးလိုက်သောအခါ ပြည်တွင်းသာမက ပြည်ပက ပါ အံ့သြကြိုဆိုစိတ်ဝင်တစားရှိလာကြသည်။ လွှတ်တော်တွင်း ရဲရဲတင်းတင်းမေးခွန်း မေးနိုင်သည်။ လွှတ်တော်မှအစိုးရကို သိသိသာသာထိန်းကျောင်းနိုင်သည်။ ပွင့်လင်း မြင်သာသည်။ ထိုအခါ သပိတ်မှောက်နေသည့်ပါတီသည်ပင် လွှတ်တော်တွင်းဝင်လာ တော့သည်။
ဒုတိယအကြိမ် လွှတ်တော်များခေတ်ရောက်လာသည်။ လူထုက အများကြီးမျှော် လင့်သည်။ သို့သော်လွှတ်တော်က အစိုးရကို သိသိသာသာအပြောင်းအလဲဖြစ်အောင် မဆောင်ရွက်နိုင်ခဲ့။ တစ်ပါတီတည်းမှ အမတ်များအချင်းချင်း၊ အုပ်ချုပ်ရေးယန္တရား ကြီးကောင်းအောင်လုပ်ပေးနိုင်လိမ့်မည် ထင်ထားခဲ့ကြရာ၊ လက်တွေ့မှာ တလွဲအဖြေ ရလဒ်ထွက်သည်။ လွှတ်တော်ဥက္ကဋ္ဌက အစိုးရအကျပ်အတည်းတွေ့မည့် မေးခွန်းတွေ မမေးကြရန် ဟန့်တားသောအခါ လွှတ်တော်ကိုယ်စားလှယ်အများအပြားနှင့် ပြင်ပ လေ့လာသူများပါ စိတ်ပျက်သွားကြသည်။
ထို့ပြင် အရေးကြီးကိစ္စများ၌ပင် လွှတ်တော်နှင့်အစိုးရသဘော မကိုက်ညီကြပါ။ အမေရိကန်Sanction ဆန်ရှင်ရုပ်သိမ်းရေးကိစ္စ ပြည်ခိုင်ဖြိုးမှ အဆိုတင်သည်။ NLD အမတ်များကပယ်ချသည်။ သို့သော် နိုင်ငံတော်၏အတိုင်ပင်ခံပုဂ္ဂိုလ်ကိုယ်တိုင် အမေရိ ကန်ကိုသွား၍ ဆန်ရှင်ဖွင့်ခိုင်းသည်။ အောင်မြင်သည်။ တိုင်းပြည်အတွက်အကျိုးရှိ သည်။ သို့ဖြစ်လျှင် ဆန်ရှင်ရုပ်သိမ်းပေးဖို့တင်စဉ်က လွှတ်တော်NLD အမတ်များက ဘာကြောင့် ပယ်ချရသနည်း။ မသင့်လျော်တဲ့လုပ်ရပ်ဟု အားလုံးက ဝေဖန်ကြသည်။ လူထုမျှော်လင့်ထားသလိုဖြစ်မလာဟု ဆိုကြသည်။
အငြင်းပွားဖွယ်ဧည့်စာရင်းတိုင်စရာမလို ပြဋ္ဌာန်းချက်ကလည်း ယခုလို လုံခြုံရေး အရေးကြီးသောအခြေအနေမျိုးတွင် သဘာဝနှင့်ဆန့်ကျင်နေသည်။
လွှတ်တော်တွင်မေးခွန်းများ ဖြေကြားရာတွင် အောက်ကရေးတင်ပေးလိုက်သည် ကို လာရောက်ဖတ်ကြားကြသည်။ ထိုသို့မဖြစ်သင့်ဟု ဝေဖန်သံများထွက်လာသည်။
လွှတ်တော်သည် Clean Government နှင့်Good Governance ဖြစ်ရေး မဖော် ဆောင်နိုင်သေးဟု ဝေဖန်မှုလည်းရှိသည်။
ပါတီဝင် တိုင်းရင်းသားကိုယ်စားလှယ်နှစ်ဦးကို အမျိုးသားလွှတ်တော်မှာရှိသည့် ကော်မတီဥက္ကဋ္ဌတာဝန်ကနေ ဖယ်လိုက်သည်။ အာဏာရပါတီဖြစ်လို့ လွှတ်တော်တာဝန် ရာထူးကို ပါတီမှဝင်ရောက်စွက်ဖက်လိုက်ခြင်းလောဟု ဆိုသံထွက်သည်။ မည်သူ့အမိန့် နှင့်မည်သူ ဆုံးဖြတ်ခြင်းဖြစ်သည်ကို မရှင်းမလင်းဖြစ်နေသည်။ ကာယကံရှင်က ၄င်းအနေနှင့် ပါတီစည်းကမ်း မချိုးဖောက်ဟုဆိုထားသည်။ ပါတီစည်းကမ်းချိုးဖောက် လို့ဟု အသံလွှင့်ထားသည်။ ဘယ်ဟာကအမှန်ဖြစ်မည်ကို မသိရချေ။ ပါတီတွင်း စည်းလုံးညီညွတ်မှု ပြိုကွဲထိခိုက်စေသည်ဟု ဝေဖန်ချက်ထွက်လာသည်။ နေရာတကာ ပါတီက ဝင်ပါနေသည်၊ မကောင်းဘူးဟုလည်း ဝေဖန်ကြသည်။ အာဏာရှင်စနစ်ကို တော်လှန်ပါသည်ဟုဆိုသူတွေ ကိုယ်တိုင်က အာဏာရှင်လုပ်ဟန်ကို နှစ်နှစ်ခြိုက်ခြိုက် ကျင့်သုံးနေသည်ကို စိတ်မကောင်းပါဟု ဝေဖန်သူများက ဆိုလာသည်။
ပြည်သူ့လွှတ်တော်ဥက္ကဋ္ဌက ရခိုင်ပါတီက အမတ်တစ်ဦးကို အမေရိကန်က ဖိတ်ကြားသောကိစ္စတွင် သူ့သဘောနှင့်သူ ပယ်ပစ်လိုက်ပြီး လူစားထိုးလိုက်တာမျိုးက မလုပ်သင့်ကြောင်း ဝေဖန်ချက်တက်လာသည်။ သဘောထားသေးသိမ် ဂိုဏ်းဂဏအစွဲ သို့မဟုတ် ပုဂ္ဂိုလ်ရေးကဏ္ဍ အစွဲဖြစ်နေသည်။ ပထမလွှတ်တော်ခေတ်က ဥက္ကဋ္ဌတွေ လိုတောင် လွှတ်တော်ကိုယ်စားလှယ်များကို မလေးစားတော့ဘူးလား။ လွှတ်တော် ကိုယ်စားလှယ်ရပိုင်ခွင့်တွေကို မလေးစားတော့ဘူးလားဟု ခံစားမိကြောင်းလည်း သီပေါလွှတ်တော်ကိုယ်စားလှယ်အဖြစ် ငါးနှစ်သက်တမ်းတာဝန်ထမ်းဆောင်ခဲ့သူ၏ ရင်ဖွင့်လိုက်သံလည်း ပွင့်ထွက်လာလို့ ကြားရသည်။
ဘတ်ဂျက်ကိစ္စလည်း အငြင်းပွားမှုရှိသည်။ မတတ်နိုင်။ ကဏ္ဍအလိုက် ကျွမ်းကျင် သူများက အသေအချာစိစစ်ပြီးမှသာ ပိုတာလိုတာကို ကိုင်တွယ်ဖြေရှင်း၊ ပြတ်ပြတ် သားသားရှိသင့်ဟု ယူဆကြသည်။
နိုင်ငံတော်အစိုးရနှင့် လွှတ်တော်အကြား သန့်ရှင်းသော၊ ကောင်းသော ယန္တရား စနစ်ပေါ်ထွန်းလာရန်မှာ နိုင်ငံတော်၏အတိုင်ပင်ခံပုဂ္ဂိုလ်မှလည်း စိတ်ဝင်တစားပူးပေါင်း ပါဝင်လာရန်လိုအပ်ကြောင်း အားလုံးကသဘောရကြပါကြောင်း တင်ပြလိုက်ရပါသည်။
UN
UN