images
UN
သင်ခန်းစာယူပြီး အနာဂတ်သစ်ကိုထုဆစ်ကြ
| Tuesday, 10 January 2017
အနှိုင်းမဲ့ အတုမရှိသော ဗုဒ္ဓဘာသာတို့၏ ရှင်တော်မြတ်ဘုရား 'ဗုဒ္ဓ'၏ ဝါဒသည် အနတ္တဝါဒဖြစ်သလို ဝိဘဇ္ဇဝါဒလည်းဖြစ်ပါသည်။ မြန်မာစကားပြေ ဖြင့်တင်ပြလျှင် အတ္တတည်မြဲခြင်းမရှိဝါဒဖြစ်သလို ဝေဖန်သုံးသပ်ဆင်ခြင် သောဝါဒလည်းဖြစ်ပါသည်။ ထို့ကြောင့် ကုန်လွန်ခဲ့သော ၂ဝ၁၆ ကို မတည် မြဲခြင်းရှုထောင့်မှကြည့်သလို ဝေဖန်သုံးသပ်ဆင်ခြင် သင်ခန်းစာရယူသော ရှုထောင့်မှလည်း ကြည့်ရာ၏။
ဘဝမှတ်တိုင်ဘူတာအသီးသီးကို ဖြတ်သန်းခဲ့ပြီး ဘဝသံသရာ ရထားကြီး သည် ၂ဝ၁၇ သို့ဝင်ခဲ့ပြီ ဖြစ်သည်။ မှတ်တိုင်များက မည်သည်တို့နည်း။ မိမိနှင့်မိမိဝန်းကျင်နှင့် မိမိတိုင်းပြည်အပေါ် ကောင်းကျိုးဖြစ်ထွန်းမှုဖြစ်ခဲ့ပါ၏ လော။ သို့တည်းမဟုတ် အကျိုးသက်ရောက်မှုဆိုးခဲ့ပါ၏လော။ စောကြော ကြည့်ရမည်ဖြစ်သည်။ ဤသို့ စောကြောခြင်းမှ အားနည်းချက်၊ အားသာချက်၊ အပေါင်းလက္ခဏာ၊ အနုတ်လက္ခဏာများ ပီပြင်ထင်ရှားလာမည်။ ထိုသို့ ထင်ရှားသိမြင်လာပြီးနောက် ဖြည့်စွက်ဆောင်ရွက်သင့်သည်များပေါ်လာမည် ဖြစ်သည်။ တက်ထောင် ကြည်နူး မိန်းမောမနေသင့်ပါ။ ငါနှင့်ငါသာဟုလည်း သွေးနားထင်မရောက်သင့်ကြောင်း သိရမည်။ ခေါင်းဆောင်ကောင်းဟူသည် ကိုယ့်ကိုယ်ကိုယ်မညှာမတာပို၍ ဝေဖန်သင့်သည်။ ဆန်းစစ်သင့်သည်။ ခေါင်းဆောင်နှင့်အတူ ဝိုင်းရံ၊ ဝန်းရံနေသောသူများလည်း အရေးကြီးပါသည်။ မကြာခင်က နိုင်ငံတော်၏အတိုင်ပင်ခံပုဂ္ဂိုလ်နှစ်ကြိမ်မက ပြောလိုက်သော ခေါင်းဆောင်ချည်းလုပ်ကြမှာလား၊ နောက်လိုက်မလုပ်ကြတော့ဘူးလားဟု မေးခွန်းလည်း ပေါ်ထွက်သံကြားရသည်။ တိုင်းပြည်တစ်ပြည် တည်ငြိမ်ဖွံ့ဖြိုးဖို့ အရေး နောက်လိုက်ကောင်းများရှိဖို့လည်း သေရေးရှင်ရေးအရေးကြီးပါသည်။
ရွေးကောက်ပွဲအနိုင်ရအစိုးရသစ်သည် ပြည်တွင်းငြိမ်းချမ်းရေးနှင့် ဦးဆုံး ရင်ဆိုင်စိန်ခေါ်ခံရသည်။ ၁၉၄၈ လွတ်လပ်ရေးရပြီးကတည်းက လက်နက် ကိုင်ပဋိပက္ခကစခဲ့ခြင်းဖြစ်သည်။ နိုင်ငံရေးအခြေခံမှ လူမျိုးရေးအခြေခံဖြစ် လာသည်။ ဦးသိန်းစိန်လက်ထက် ငြိမ်းချမ်းရေးရရှိရေး ကျားကုတ်ကျားခဲ လက်များမြဲမြဲတွဲ၊ သည်းခံမှုရှိရှိ၊ စိတ်ရှည်လက်ရှည် ကြိုးစားခဲ့သည်။ အပစ်အခတ်ရပ်စဲရေး စာချုပ်များ ချုပ်ဆိုနိုင်ခဲ့သည်။ ယနေ့အစိုးရသစ်က ယင်းအပေါ်မှာ ဆက်လက်ကြိုးစားဆောင်ရွက်သင့်သည်။ ဒုတိယပင်လုံ ငြိမ်းချမ်းရေးညီလာခံဟုြေ<ွကးကြော်ခဲ့သည်။ နိုင်ငံကတော့ မအေးချမ်းပါ။ ဖွံ့ဖြိုးရေးပိုင်းတွင်လည်း ကကြီးရေမကနိုင်သေးပါ။ ငြိမ်းချမ်းရေးဖွံ့ဖြိုးရေး မရသည့်အတွက် ဒီမိုကရေစီလည်း ရသည်မမည်ပါ။ ငြိမ်းချမ်းဖွံ့ဖြိုးမှ ဒီမိုကရေစီရမည်ဖြစ်သည်။
နိုင်ငံခြားရင်းနှီးမြှုပ်နှံမှုများ မျှော်မှန်းထားသလောက် ဝင်မလာပါ။ အမေ ရိကန်ပြည်ထောင်စုကတော့ ပိတ်ဆို့မှုလျှော့ချလိုက်သည်။ နိုင်ငံရေးအရ လုပ်ခဲ့သော စီးပွားရေးပိတ်ဆို့မှုသည် စီးပွားရေးကိုကြီးစွာထိခိုက်စေခဲ့သည်။
မြန်မာနိုင်ငံသည် စီးပွားရေးအရ မဆင်းရဲသင့်။ တင့်တောင်းတင့်တယ် ထာဝစဉ်ဣနြေ္ဒရရရပ်တည်နိုင်သင့်သည်။ စီမံအုပ်ချုပ်မှုမှာ အားနည်းခဲ့သည့် အတွက် ယခုကဲ့သို့ ဆင်းရဲသည့်နိုင်ငံဖြစ်ခဲ့ရသည်မှာ ရင်နာစရာကောင်းလှ ဟုဆိုကြသည်။ ယနေ့ပြည်သူလူထုကရွေးချယ်သည်ဆိုသော အစိုးရလက် ထက်တိုင်အောင် စီမံအုပ်ချုပ်မှုက စိတ်မချရသေး။ သို့သော် လူထုက သည်းခံနေသေးသည်။ နားလည်မှုဆက်၍ ပေးနေသေးသည်။ ထိုကျေးဇူးကို ထောက်ထား၍ အမြန်ဆုံးစီးပွားရေးတိုးတက်အောင် ဆောင်ရွက်ကြရန်လို သည်။ ပထဝီအနေအထား၊ အိမ်နီးချင်း'အား'တွေကို အကောင်းဘက်သို့ ပြောင်းပစ်ပြီး ပြည်တွင်းအားနှင့်ပေါင်းစပ်၊ ရှေ့အနာဂတ်သို့ လျင်မြန်စွာ ချီတက်ကြရန်လိုမည်ဖြစ်သည်။ လူတော်လူကောင်း ရိုးသားကြိုးစားသူတွေ ပေါများသည့် တိုင်းပြည်ဖြစ်သည်။ ဒုက္ခမရောက်နိုင်ပါဘူးဟု ယုံကြည်မှုတည် ဆောက်ကြရန်လိုပါသည်။ အချိန်ယူခြေလှမ်းကျဲကျဲလှမ်းပြီး အောင်မြင်မှု ပန်းတိုင်ကို လှမ်းကိုင်ကြပါ။ ရှေ့လာမည့် ၁၅ နှစ်အတွင်း မြန်မာပြည်သစ် ရွှေရောင်၊ ငွေရောင်၊ စိန်ရောင် တောက်ပလာမည့် အလှဆုံးနိုင်ငံဖြစ်ပါစေ သတည်း။
အနာဂတ်သစ်ကို ယနေ့လူငယ် လူကြီးစုပေါင်းအားဖြင့် ထုဆစ်နိုင် ကြပါစေကြောင်း.....။
UN
UN