images
UN
un
( ) | Saturday, 30 November 2019
1 2 3 4 5  Next > 

အလှ
ဘ၀ကိုယ်စီ
အလှကိုယ်စီ
ဆန္ဒကိုယ်စီ။

ကိုယ့်ဘ၀နှင့်
ကိုယ့်ဆန္ဒက
အများအတွက်ပါမှ
တကယ့်အလှ။

ဆန္ဒထဲမှ
လုပ်နိုင်တာက 'စ'
ဒါမှတကယ့်အလှ။

ယနေ့ အယ်ဒီတာ့အာဘော်

ကမ္ဘာ့အတွေးအခေါ် ပညာရှင်အချို့က လူဆိုသည်မှာ နိုင်ငံရေးသတ္တဝါ ဟု ဆိုသူလည်းရှိသည်။ စီးပွားရေးသတ္တဝါဟု ဆိုသူလည်းရှိသည်။ သို့သော် အာဇာနည်အမျိုးသားခေါင်းဆောင်က နိုင်ငံရေးဆိုတာ ပြည်သူအများ စီးပွားရေး ခံစားချက် တောင်းဆိုချက်ဟု တွဲ၍ဖွင့်ဆိုသည်။ နိုင်ငံရေးဆိုသည်မှာပြည်သူတို့၏ စားဝတ်နေရေးဖြစ်သည်။ ထိုစားဝတ်နေရေးသည်ပင် စီးပွားရေးဖြစ်ပြီး အပြန် အလှန်အကျိုးသက်ရောက်နေသော အကြောင်းတရား၊ အကျိုးတရားများ ဖြစ်ကြ သည်။
လူတွင် နိုင်ငံရေးစိတ်သည် လွတ်လပ်လိုမှုနှင့်တန်းတူရည်တူရှိလိုမှုကို ကိုယ်စားပြုသည်ဟု ဆိုနိုင်ပြီး စီးပွားရေးစိတ်ကမူ ကြီးပွားချမ်းသာလိုခြင်း ဖြစ်ပါမည်။ ထိုနှစ်ခုပေါင်းစပ်ပြီးသဟဇာတဖြစ်လျှင် နှစ်ပါးစုံ၊ တစ်နည်း ဒွိစုံ အဖွဲ့အစည်းဟု ခေါ်နိုင်ပါသည်။
နိုင်ငံရေးပါတီအချို့မှပါတီဝင်များသည် နိုင်ငံရေးဘက်သို့အလေးကဲနေတတ် သည်။ တစ်ခါတစ်ရံအစွန်းပင်ရောက်သွားသည်။ သို့သော် စီးပွားရေးတိုးတက်မှု ကိုကား အားလုံးက လျစ်လျူရှုသကဲ့သို့ဖြစ်နေသည်။
မြန်မာ့ပထမဒီမိုကရေစီကာလ၌ နိုင်ငံရေးပါတီများနှင့်အာဏာရပါတီအစိုး ရကြား ကြီးမားသောခြားနားမှုမရှိလှ၍ အစစချောမွေ့ခဲ့သည်ဟုပင် ဆိုနိုင်သည်။ ပြည်တွင်းပြည်ပစိန်ခေါ်မှုများကို ကျော်လွှားနိုင်ခဲ့ပြီး နားလည်မှု ပူးပေါင်းဆောင် ရွက်မှုပြုကြသောကြောင့် ထိုစဉ်က မြန်မာ့နိုင်ငံရေးသည် ကမ္ဘာက အံ့သြယူရ လောက်အောင် မျှော်မှန်းသည်ထက်အောင်မြင်ခဲ့သည်။ ၄င်းအစဉ်အလာကောင်းကို ထိန်းသိမ်းထားပြီး ဒုတိယဒီမိုကရေစီကာလတွင် ဆက်လက်ကြိုးပမ်း ဆောင်ရွက် နိုင်ခဲ့လျှင် ယခုကဲ့သို့ နိုင်ငံတကာဖိအားကြီးကို ရင်ဆိုင်ရမည်မဟုတ်ဟု ဆိုရမည်။
အိမ်နီးချင်းနှင့် နိုင်ငံတကာအတွေ့အကြုံများ၌ ဆိုဗီယက်တွင် ပွင့်လင်းပြုပြင် ပြောင်းလဲရေး(ဂလပ်စနော့)မူအရ စီးပွားရေးနှင့် နိုင်ငံရေး အပြိုင် တစ်ပြေးညီ လုပ်ဆောင်ရာ အကြောင်းမလှ၍ မအောင်မြင်ခဲ့ချေ။ အရာရာကို လှေနံဓားထစ် တရားသေယူ၍မရကြောင်း ထင်ရှားသည်။ အိမ်နီးချင်းတရုတ်နိုင်ငံတွင် 'ခေတ်မီ စီးပွားရေးပြုပြင်ပြောင်းလဲမှု'က အောင်မြင်သွားသည်။ နိုင်ငံရေးရာ စည်းမျဉ်း စည်းကမ်းများတင်းကျပ်စွာဖြင့် စင်ကာပူတွင် ဖွံ့ဖြိုးရေးလုပ်ငန်းများအောင်မြင် ခဲ့သော်လည်း အာဏာရှင်ဆန်လွန်းသွားသော ဖိလစ်ပိုင်မှ မားကို့စ်နှင့် ဇိုင်ယာမှ မူဘူတူ တို့ကိုကား လူကြိုက်နည်းကြပေသည်။
ဒီမိုကရေစီနိုင်ငံတွင် ရွေးကောက်ပွဲသည် ပန်းတိုင်မဟုတ်ဘဲ အစပြုချက် ဟုသာ ခေါ်နိုင်သည်။ ရွေးကောက်ပွဲဟူသည် ပြည်သူနှင့်ကိုယ်စားလှယ်ကြားတွင် ထားရှိသော ပဋိညာဉ်မျှသာဖြစ်သည်။ ပဋိညာဉ်ပျက်လျှင် 'အကျင့်ပျက်ခြစားမှု'၊ တပည့်မွေး ဆရာမွေးနှင့် 'အုပ်ချုပ်စီမံခန့်ခွဲပုံ ညံ့ဖျင်းမှု' ဖြစ်တတ်သည်။ နိုင်ငံရေးအရ ၄င်းပြဿနာများကို တာဝန်ခံယူမှု တာဝန်ခံမှု အခိုင်အမာရှိမှသာ ရင်ဆိုင်ဖြေရှင်းနိုင်မည်ဖြစ်ကြောင်း ပညာရှင်တို့က ထောက်ပြသည်။
စည်းကမ်းပြည့်ဝသော မြန်မာ့ဒီမိုကရေစီဟူသောအသုံးအနှုန်းသည် နိုင်ငံရေး အခြေအနေကောင်းကိုညွှန်းပြီး ဖွံ့ဖြိုးတိုးတက်သောနိုင်ငံဆိုသည့်အသုံးအနှုန်းသည် စီးပွားရေးအခြေအနေကောင်းကို ရည်ညွှန်းသည်ဟု ဆိုရမည်ဖြစ်ပါသည်။
နိုင်ငံရေးကောင်းမွန်၍ တိုင်းရင်းသားစည်းလုံးညီညွတ်မှုနှင့် အချုပ်အခြာ အာဏာခိုင်မာစွာဖြင့် ပြည်ထောင်စုတစ်ခုလုံး တလုံးတစည်းတည်းရှိလျှင် စီးပွားရေးဖွံ့ဖြိုးတိုးတက်အောင်မြင်ပြီး ပြည်သူတို့ပျော်ရွှင်နိုင်မည်ဖြစ်ပါကြောင်း ဆန္ဒပြုရေးသားလိုက်ရပါသည်။
1 2 3 4 5  Next >